هنا .. سجن القوافي !!

خيال مطير
ارحب وهلابك ويسلم ذوقك الراقي

الجووهره
هلابك ومرحبا
والف شكر على التسالي الرائعه

ابو عبيد
صح كلك ولا هنت ومشكور على المجاراة القيّمه

ناصر الهواوي ,الجووهره معجبون بهذا

يا رواسي نجد همال السحايب ،، يوم براقه سرى يسبق رعوده
سال وادي السجن والا تو سيله ،، الوطا غطاه غشان برديه

في سفوح جبالك تهب الهبايب،، و انشراح الصدر يوم تهب نوده
كل قافٌ نبدعه منهو يشيله؟ ،، و القريحه كنها بنت العبية

ما لقيت اللي يحثون الركايب ،، يوم هجس الشعر ما شيٌ يكوده
و إ ن بغيت اقرأ كتاب الالف ليلة ،، كل ذكرى في العمر مرّت عليه

ناصر الهواوي ,الجووهره ,شاعرة نجد معجبون بهذا

مساء الخير

الله
الله الله
صح لسانك يالهواوي على هـ الفاخره ماقصرت كلنا مسجونين ههه
وصح لسانك ابومنصور مجاراة وافيه وكافيه
وصح لسانك على مجاراتي

ولاهنتوا على هـ الروائع الممتعه

ابدعتوا وامتعتوا

وسلمتم ودمتم'،،

كديميس السيحاني ,ناصر الهواوي ,الجووهره معجبون بهذا

طيب يالهواوي

خيال مايكفيك سجن ابومنصور؟
لـ تطاوع ابو عبيد ياطيب الفال

أنا رهيفة حس والحال مستور
قسم قسم مـ استاهل السجن خيال

من غبت عنكم صار لي عدة شهور
ورجعت ابي دله وفَله وفنجال

خل الهواوي صايغ القاف مغرور
واطلق سراحي لاتطيعه ولو قال

يكفيه ابو منصور مبدع ومشهور
يشهد له التاريخ فـ اجيال واجيال

راجع بقوه ياعسى دوم مسرور
من عقب غيبه نحْسب الرجل رحال😀

أطلق سراحي ياخيال اسمع الشور
قبل القريحه تلعب ابكل موال

حتى لو لْساني على الصمت مجبور
على جديد القاف لـَ حاف،مـ احتال

يكسر جدار الصمت ويثور ويجور
واومي لحسه لاعزف بِيدي الشال !

كديميس السيحاني ,ناصر الهواوي ,الجووهره معجبون بهذا

هلا بالجميييع
وصحت الالسن أبدعتوووو
دآم حضوركم وابدااعكم

ناصر الهواوي معجب بهذا

اقتباس:

المشاركة الأصلية كتبت بواسطة شاعرة نجد

طيب يالهواوي

خيال مايكفيك سجن ابومنصور؟
لـ تطاوع ابو عبيد ياطيب الفال

أنا رهيفة حس والحال مستور
قسم قسم مـ استاهل السجن خيال

من غبت عنكم صار لي عدة شهور
ورجعت ابي دله وفَله وفنجال

خل الهواوي صايغ القاف مغرور
واطلق سراحي لاتطيعه ولو قال

يكفيه ابو منصور مبدع ومشهور
يشهد له التاريخ فـ اجيال واجيال

راجع بقوه ياعسى دوم مسرور
من عقب غيبه نحْسب الرجل رحال😀

أطلق سراحي ياخيال اسمع الشور
قبل القريحه تلعب ابكل موال

حتى لو لْساني على الصمت مجبور
على جديد القاف لـَ حاف،مـ احتال

يكسر جدار الصمت ويثور ويجور
واومي لحسه لاعزف بِيدي الشال !

أبدعتي شآعرتنا وسجينتنا الجميله
صح لساانك ملاااييين ودآم ابدآعك

كديميس السيحاني ,ناصر الهواوي معجبون بهذا

ترحب يابو منصور وصح لسانك وبدنك ولاهنت
ارحبي ياشاعرتنا وصح لسانك ولاهان راسك لقيت الرقه ما تجيب احد وعاكستها هههههه
ارحبي يالجوهره وصح بدنك ولاهنتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
تسلايه
ـــــــــــــ
يا قلب جب مع ونة الورق ونه
واحذر تنوح ان كان مع ونته ناح

بالنوح يبدي للبشر ما تكنه
وتشمت مقارنت الخساير بالارباح

وليا عوى سرحان في راس قنه
لا تحسب انه عن سبب لجته باح

اجعل ضحوكك دون شامتك جنه

عساك تسلم من ملامه وترتاح

كديميس السيحاني ,الجووهره ,شاعرة نجد معجبون بهذا

صح بدنك جوهرتنا وتسلمين والابداع حضورك
وصح لسانك شاعرنا وصح بدنك
لاعدمنا تواجدكم،'

كديميس السيحاني ,ناصر الهواوي ,الجووهره معجبون بهذا