آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
20-07-2024, 10:34 AM
|
#38745 | |
حزب العاصفه
|
الله الله الله الله
يامساء وصباح الخير والابداع اللي بدا له اشعاع ارحبي شاعرتنا وصح لسانك الى مالا نهايهوصح بدنتس ولاهنتي ودام حضورتس صراحةً الهجس يخنس امام هالقوافي الراقيه والشامخه بدون مبالغه ارحبي يالجوهره وهلا بك صح بدنتس وصح ذوقتس الراقي وصح لسان السهلي الله يحفظكن ويديم حضوركن ــــــــــــــــــــــــــــــــــــــــــــــــــ ــــــــــــــــــــــــــــــــــ اشوف الشمس وضلال النخل والفكر فيه غيوم ودقها ما خرج من سحبها من ها هنا قاطر يا صناع الملامه دوبكم ما فيه نفع اللوم سوى شحن الصدور بهالملام وكسرة الخاطر خلوا ما فات جعله ما يعود الا طيوف النوم لو العراف قال بعشر تحسب كذبة الشاطر لعل المقبلات تجيب الافضل من حصيل اليوم تجي فيها الليالي بيض صح وجوها عاطر يقولون الشوام لمن غلط مره ياعيب الشوم ومن جاه الخطا مرات اجل وش عادهو ناطر |
|
|
|
20-07-2024, 01:02 PM
|
#38746 | |
|
ابو عبيد
شاعرة نجد الجهوهره صحت السنتكم و دام تواجدكم ابداعاتكم غير مستغربة |
|
|
لو جيت ابا اردع هجوس الفكر ب هيامي = يكفخ كما الطير لو هي ربطت اسبوقه درب الموده يضيع بساحة احلامي= مزن الحيا في حياتي تكشف بروقه http://www.r111n.com/showthread.php?t=9220
|
|
20-07-2024, 01:07 PM
|
#38747 | |
|
اقتباس:
المشاركة الأصلية كتبت بواسطة شاعرة نجد
كيبورديه من ماقرأت من ابدااع المبدعين😀 لـ ناصر وابو منصور في عدة سطور شعر ومشاعر هيضوا من قراها من عقب ماسجن الرواسي بْمهجور غيومهم هلت وسلت بْماها واسقوا ضمى العطشان من سبة الحور اللي من الماضي شكوا من هواها شكوا من الهجران والشوق والجور وماشافوا مْن نْجومها في ضحاها لكل منهم خاطره قال مكسور بحروف شعره لو دفن محتواها لْـ شعّارنا في صفحة ابداعنا دور بـ اشعارهم زاان لْحمامه غْناها هههههههههه لو ما قرضنا الشعر بالحان و بحور و لجّت رواسي نجد عالي صداها قلنا المجارا صار في الشعر محظور و جزل القصايد غارقه في بكاها يا زين بني القاف باحساس و شعور و فيضه و غيضه منه يرعد سماها نحيي تراث و نبني اطلال مأثور رفقة شرف ما تنزل بمستواها و قلوب خضر ليا تغنت بميسور العمر رقم ولو تشيّب لحاها 😁 ولو عودكم غنا من العشق معذور كل ٌ على ليلاه ينشد رضاها |
|
|
|
|
21-07-2024, 10:28 AM
|
#38748 | |
|
حزب العاصفه
|
انقشٍ على صم الصفا بارضنا البور
بازميل هجسٍ كل صلبه قواها نباتها مزهر وقبل امس ممطور ومن المطر ما بان اثر من وطاها ياكود اثر للشاعره وابو منصور عطاه جزل وهي جزيلٍ عطاها احيوا هجوسٍ قبلهم كان مثبور طرب وهيظته بيوتٍ قراها ردته لشهورٍ مضت بل قل عصور وكل الملفات نشرت محتواها فرح وضيق وريف ريضان ودهور منهن ذياب الصدر جرهد عواها وتل اصبع الذكرى سبب كل مصرور ومنها انكفى من بعد فكوا وكاها الوم انا قلبي وانا اراه معذور لو شابت رموشه وهو ما نساها يذكر بضلع وطلح وشعاب وقصور حتى النجوم المرقبه في سماها ومن هالوليمه ما بقي بالصحن سور ما فذ اسد سود الليالي كلاها وبقي الشلو مع خاطر فيه مكسور وروحٍ حفظها ربها في وعاها |
|
|
|
|
21-07-2024, 09:17 PM
|
#38749 | |
  حزب الرعد
|
يسعد مسآكم
وهلا بكم شآعرنا الهوآوي شآعرنا كديميس وصحت الالسن ويعطيكم العافيه ودآم حضوركم الجميل وابدآعكم |
|
|
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك
|
|
22-07-2024, 09:24 AM
|
#38750 | |
|
حزب العاصفه
|
ارحبي يالجوهره ودام حضورك وصح بدنتس ودمتي وسلمتي من كل مكروه
ما ادري احس ان السجن يقول ابي نزيل يونس الشاويش خيال مطير اللي ما عاد لد بنا بشق عين هههههههههه وقلت ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ كان جيبك يشتغل دق سلفه واتجه من ديارك شرق واحذر تلف ولا تدور دام نجد الشاعره جات واعطتنا وجه وهو عطانا وجه من بعد خلونا شهور اركب الاثنين باسلوبك الحلو وعجه غرب وجهه واهمز مكيفه عن هالحرور والطريق اللي معه جيت عود واسهجه ومن نجاح مهمتك لا يجي راسك غرور وكل واحد حطه بقسم والباب ازلجه وعشهم هرفي ومعلوقه يقلقل فطور وش طرا للهجس؟ما ادري لهالقاف نسجه معه طفقات المشاعر بنت هذا الشعور مع سلوك اعصاب الاحساس هالمتعروجه ما استحبه سنَّد وما كره حوَّل حدور اسمع لهوج الطواري بفكري بطنجه قرقعة ددسن مفلل كفرها مع صخور |
|
|
|
|
22-07-2024, 09:30 PM
|
#38751 | |
|
حزب العاصفه
|
خيال اشوف اسمك ولا لك ظهر صوت
وايلا بخلت بطلتك جد بصوتك باللطش والا البطش دون لنا بيوت بلاش ما تثر على جلب قوتك وسع بها صدرٍ من الوجد منحوت فيه اجر يالخيال حذرا يفوتك وهجسٍ على الغارب له الحبل مفلوت لو القريحه قايله ما دعوتك عينه لعينك بينت سحر هاروت واحيتك من صارت هي اسباب موتك وبسسسسسسسسسسسسسسسسسس |
|
|
|
|
22-07-2024, 11:05 PM
|
#38752 | |
حزب الرعد
|
البقا شاعرنااا
وهلا بك وبالجمييع وصح لسآنك على هالروائع. ومنوورين السجن شآعرتنا المبدعه وشآعرنا كديميس بس وينكم وووييييييين وييييييين ويييين المساااااجين هههههههههه وابشرو بالتسالي |
|
|
|
|
«
الموضوع السابق
|
الموضوع التالي
»
العرض العادي
|
|
