هنا .. سجن القوافي !!

البقااا شآعرناا
وصح لسآنك ودآم ابدآعك

ناصر الهواوي معجب بهذا

يقول فهد المسآعد


ضحكاتها لمّة حبايب وغالين
‏
تمسح على القلب وتسر الخواطر
‏
ماكنها إلا تْقول لي باكر تزين

ماعندي أدنى شك بتزين باكر



الله يزينهاااا

ناصر الهواوي معجب بهذا

هلا بك يالجوهره وصح بدنك ولاهنتي ودمتي وسلمتي
رائعه هـ الابيات بالحيل صح لسان القائل وسلم ذوق الناقل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
جريد النخل داعب نسيم الهبوب الزين
من الشرق ينفض ما علق فيك ويهزك

على الهون دوب تلاحظ الاهتزاز العين
ليا ابطيت احدد بالنظر فيك واقزك

لكن ما سمعت اليوم للورق بك ونين
ان مرتك وحده في طرف عينها تخزك

لكن دام حولك توجد مشوهة عينين
جنينية الهاجوس فانت ابشر بعزك

من وين ابتدي بالقول والا انتهيه بوين
تكز القريحه لادعج العين وتكزك

وتقول المشاعر بعد كلت كفانا البين
اجل ما يحز الصدر من وجد ما حزك؟؟

يقولون بالامثال جداننا الغالين
يا رزان هونها تراهو قضى رزك

يافكر ريحنا وبسك هواجيس
ماعاد باقي شي تقدر تدسه

علومك اليوم اعتبرها وساويس
ابليس يمليها بهمزه ومسه

نعوذ بالله من جميع الاباليس
من كيدهم خافيه واللي نحسه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
بالنوم حلم وفيه باليقظه احلام
يعني من الاحلام ما فيه فكه

في لحظه توريك ما صار باعوام
توسع الخاطر ونوبٍ تتكه

اغفي لجل يحصل مع طيوفه المام
وأمسِّك الجفن النعاس ويفكه

على تحري لمة الطيف ما انلام
والا حلوم اليقظه القشر هكه

الجووهره معجب بهذا

يالله صباح خير لا شر فيه على الجميع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
محبوب يا سجن القوافي ووافي
لكن معك ياسجن ما احنا بوافين

سجلت قاف وعدت ما زال قافي
كماه يوم اروح ما جاه لافين

يالورق في هـ النوح بيحت خافي
يا شين هي قلت عليك البساتين؟

غربلت قلبٍ بين حدبٍ نحافي
لو كان هو خِلْقَه مغربل من سنين

ليا لقا في هـ الزمن جو دافي
والا بقسواته حصل شي من (لين)

جاء بينه وبين المغربل تجافي
وصارت تصافق به من يسار ويمين

وين الثمان الناصعات الرهافي
بل من بهن يسبيك في ضحكته وين

بفيلم الخيال اشوف شيٍ خرافي
يعذر بخيله لو لقاه احمر العين

خيالنا اللي نوب اشوفه سنافي
لو كان ما يصفي معاشه ريالين

الجووهره معجب بهذا

ياهلا بك شاعرنااا
وصح لسانك ودام ابدآعك


يقول
الشاعر محمد عبد الله الخياري


متى تهادى مرزمات الرعودي
ويففي على المرزم هبوب البرادي

ودي على صدري يهبن نودي
ونلقى عقب سهر الليالي رقادي

ضريبة الطيبه ثمنها الجحودي
وضريبة التفكير طول السهآدي

واللي على اللي مايبيه محدودي
يعيش كنه وسط سجن انفرادي

ناصر الهواوي معجب بهذا

واللي على اللي ما يبيه محدودي
يعيش كنه وسط سجن انفرادي

ول ياشين هههههههههههههه
هلا بك يالجوهره وبما جبتي
ــــــــــــــــــــــــــــــــــــــــــــــــــ ـــــــــــــــــــــــــــــــــ
هروبٍ من الضيقه ومن كثرت الهوجاس
مع الخط مجنب وجهته وابترم ويله
عسى الله بعونه لا احترك يبعد الارماس
ياصل ما يبي لو بعد ويعود من ليله
عن ساهر على الجوال لي سووا الحساس
تسبقه المشاعر للهدف ثم تومي له

الجووهره معجب بهذا

لرسم حرف بدعم روس الاباهيم
سر ياقلم وارعف على الطرس حبرك


ارجوك لا تسهب بطرح النعاليم
بس اختصر باع الفكر قد شبرك

بأغوار من همه على صدره امقيم
ويش اتضح بالوضع من بعد سبرك

ليا ذكر له ونةٍ تقعد النيم
تضخمت ماهي على مثل خبرك

لكن ترا الدنيا حظوظ ومقاسيم
ما فات مات وما يجي بعده ابرك

الجووهره ,شاعرة نجد معجبون بهذا