هنا .. سجن القوافي !!

حاميه بدر بسربةٍ تقضي الشان =
جمٍّ براسه مايبا حدٍ يقدّيه

خيلٍ تهاقع فوقها جيل فرسان =
حاطٍّ لها الصانع قطيعٍ مسّويه


من عولقيات يجيدنّ الاكوان =
طريحهن ماله طبيبٍ يداويه

يكسر على أشناقه بجرّات عربان=
بشولٍ لزيزوم السرايا تباريه

دار ٍ لها بين الحفيفين مسكان =
قبليّة الظلع الحمر والجنب فيه

محدده مارق وقدمه صنيتان =
وقدّامهم ذبّاح الاتراك حاميه

مزين تراطنها على جول حيران =
بين المحيل وبين ظلعٍ يواليه

يازينها لاشرّعت حم الامتان =
تزهى العمود اللي علاها مواريه


الســــــــــــــــــــــؤال موجه لشاعرنا الكـــــــــــــبير أبو عبيد او بألا صح ابو عبدالعزيز ,, من هو (حمى كليب)

اهلا يالخيال
اولا انا ما اعترف اني شاعر على شان اصير كبير
ثانيا انا ابو عبيد فقط لان مالي الا الله ثم عبيد وعبد العزيز ما ادري منين جبته يالخيال
ثالثا سؤالك ما كنت اعرفه لكن غششني العم قوقل
يقول انه منطقه في الباحه حماها كليب بن ربيعه اخو المهلهل

الجووهره ,خيال مطير معجبون بهذا

حتى نهار العيد ما جيت اعايد
الله يغربل ابليسك يالعضياني
صح ذوقك يالجوهره

الجووهره ,خيال مطير معجبون بهذا

اقتباس:

المشاركة الأصلية كتبت بواسطة ناصر الهواوي

اهلا يالخيال
اولا انا ما اعترف اني شاعر على شان اصير كبير
ثانيا انا ابو عبيد فقط لان مالي الا الله ثم عبيد وعبد العزيز ما ادري منين جبته يالخيال
ثالثا سؤالك ما كنت اعرفه لكن غششني العم قوقل
يقول انه منطقه في الباحه حماها كليب بن ربيعه اخو المهلهل

يابن الحلال مافيه شي اسمه عبيد ,, اذا كبر سموهـ عبد العزيز , خل عنك الهياط . ياعود ,,,,,,,,,,,,, يتبع . (حمى كليب) هو (حمى ضرية) الذين حموه الخلفاء الراشدين من بعد , وللمعلومية كان هذا الحمى على شالح الاول (راعي مهوج) ومن بعده ابنه صنيتان ثم بعد ابنه مارق ثم بدر ابن مارق

صدق بندر يوم قال الله يرحمه

يا عبيد يوم إنك تبي الدرب عجلان
رد النقي يا عبيد حالٍ وحيله

ما ينرمي قولٍ على غير نيشان
ومن لا يثبت حجته ويش هي له

صوتي وأنا بندر طويلٍ ليابان
وان ما خشيت الرب ويش اختشي له

وان عودت للناس قومٍ وصدقان
ما احد بما نعني لأعدي الطويله

وأن جيت أغني البيت وافي ومليان
ولولا معاني بالغنا ما اشتقيله

ما أحب ترديد الغنامير مشحان
ما أدمح خطا اللي شاهده رأس ذيله

والا خطا الطيب زبادٍ وريحان
لو يدعي لي بالفنا وادعيله

إن ضاق صدري شفي أمزح بالالحان
والا عن الزلات رجلي ثقيله

دنيا نبي تقزيرها ضحك حجان
وألا ترى صيورها مستقيله

والرجل غاية ملحته قلب ولسان
وألا أن باقي جثته حنضليله

يارب تجعل لي من الذنب غفران
يافارج لأيوب عقب تهليله

الجووهره ,ناصر الهواوي معجبون بهذا

تراني أقشر , ماتحملني .. مثل الجوهرهــ , فديتها

الجووهره ,ناصر الهواوي معجبون بهذا

اقتباس:

المشاركة الأصلية كتبت بواسطة الجووهره

عنها لاجيت اكتب قصيده تراجعت
‏وآشره على اللي يكتبون القصايد

‏وان كان أحد ملهود قلبه تبرعت
‏بعطيه من جزل الفرايد فرايد

‏صديت عن درب الغرام وتطوعت
‏حتى نهار العيد ماجيت


عبدالله العضياني

عذرا سقط سهوا


…………. ما جيت أعايد

ناصر الهواوي معجب بهذا

صباحكم خير وتغاريد عصافير ودفا ووفا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
كتبت للشاعر كديميس بالواتس

ياصباح الخير يا اشب شيخٍ بالوجود
واشعر الشعار واهمهم بالمنطقه

يا عسى سحب السعد فوقكم تمطر ورود
رغم تاثير الرطوبه وشمسٍ محرقه

التحيه مرسله من فتىً قد صار عود
فوق سندان الاحد تحت سبت المطرقه

وجاء رده
ياصباح النور ياعود يا فهد الفهود
راعي ديارٍ لها كل صفحه مشرقه

لك نصيب بدعوة الخير والبادي يزود
والرطوبه خير من لاهب يحت ورقه

التحايا بسرعة البرق تاصل للحدود
ياعسى سنينك مديده ونعمه مغدقه

الجووهره ,شاعرة نجد معجبون بهذا