هنا .. سجن القوافي !!

أشوف ابوعبيد له كم يوم يدخل يزور
سجن القوافي ولا سجل ولا كلمه

مدري غياب الرواسي شاف منهم قصور
والا تردّى هجوس الشّعْر,وش علمه؟

غيابنا لـ الاجازه فيه والوقت دور
وعدنا وعاد القصيد وُجاك واستلمه

الجووهره ,خيال مطير ,ناصر الهواوي معجبون بهذا

صباح الخيرات والمسرات للجميع
ارحبي شاعرتنا وعودا حميدا وحياك مولاك وصح لسانك لاهنتي دمتي وسلمتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
يرحب السجن بالغياب بعد الحضور
لو المشاعر من الغياب منكلمه

هو كيف لا بعد ما زلت ثلاثه شهور
والفكر مع كل طاري يددرج فيلمه

الهجس يا ربة الابداع سجل سطور
بدع ونقل بس من هو يكمل الثلمه

وانتي على ما سالتي عنه اجابتك نور
حضور من غاب من ربعه غدا حلمه

الجووهره ,شاعرة نجد ,خيال مطير معجبون بهذا

يرحب السجن بالغياب بعد الحضور
لو المشاعر من الغياب منكلمه


اي منكلمه يابو عبيد المهم صح لسانك , وشاعرة نجد , ماتظهر الا نص الشهر ولا لهل هلاله ,, تضحك علينا ,, لاتصدقها , الله يخليها لورعانها ,,,,
دخلها السجن ونا اوريك فيها , افطرها بيض , واغديها بيض , واعشيها بيض
جاك العلم

الجووهره ,شاعرة نجد ,ناصر الهواوي معجبون بهذا

هلابك يالخيال حنا يادوب نداري الغياب حتى لو مروا بالاسبوع مره احن من العدم ههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
الله يسلمك يالخيال وش هالعلوم
انزل عن المهر والبس بدلتك وإيتني

خيال قاسي لكنك بالخفاره رحوم
هات الكلبشه وكلبشني ليا جيتني

حرام ما اسجن زعيمه هجسها فيه زوم
ثم اتحسف واردد ليتني ليتني

ابا اسهر الليل في حوشه واعد التجوم
تحييني الذكريات احيان وتميتني

بحاجات ارحب تراحيبي بوبل الغيوم
وحاجات تأسف لوضعي لو تحليتني

بين الحلا والمراره شفني اقعد واقوم
يذكراك ما امتني مره ولا احييتني
ــــــــــــــــــــــــــــــــــــــــــــــــــ ـــــ
وبس هههههههههه

الجووهره ,خيال مطير ,شاعرة نجد معجبون بهذا

مساء الخير

واسعد الله اوقاتكم
وتبقى يـ الهواوي وصح بدنك وصح لسانك
ولاهنت على هـ المجاراة الكايفه النايفه
ولاعدمنا حضورك وفاخر سطورك

حرام عليك مستشارنا
تبي تسجني وش هـ الاستقبال ههه

وسلمتم ودمتم,’’

الجووهره ,ناصر الهواوي ,خيال مطير معجبون بهذا

ياخبل عيني يوم صدقت الاحلام
أنشهد اني للاسف كنت خبله

ترسم لي الدنيا على روس الأقلام
تصوير للي بعد باكر وقبله

بـ الوان مختاره على ذوق رسام
تصفق له الأيام ويطق طبله

وانا اتأمّل دون لا اصحَى ولا انام
يرسم واتابع والعمر مـ احَسَب له

ايلين قمت وصار ماصار قدام
عيني وطاح اللي تعلق بْحبله!

الجووهره ,ناصر الهواوي ,خيال مطير معجبون بهذا

بحاجات ارحب تراحيبي بوبل الغيوم
وحاجات تأسف لوضعي لو تحليتني

بين الحلا والمراره شفني اقعد واقوم
بذكراك ما امتني مره ولا احييتني

الله الله
أبيات عذذبه ورووعه يالهواوي
صح لساانك,’’

الجووهره ,ناصر الهواوي ,خيال مطير معجبون بهذا

صحت الســــــــــــــــــــــــــنتكم جميع مبدعين

الجووهره معجب بهذا