هنا .. سجن القوافي !!

ارحب يالخيال وسلم ذوقك ودام تواجدك
وعليكم السلام ورحمة الله يالجوهره وهلابك وصح نقلك والله يرحم الثبيتي قال الحقيقه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ
عام انقضى وآخر بدا باربع ايام
ونفرح وهو من عمرنا ونتعايد

من الجهل نرقص على حلو الانفام
تفخر بنا شاشاتهم والجرايد

مسارنا مبني على اوهام باوهام
بوقت الرخا والا بوقت الشدايد

كم مهتني باحلى منامه ولا قام
ومسافرٍ طوَّل ولا هو بعايد

وكم منتسب خطي الى دين الاسلام
ولا يعرف الاسلام وش منه رايد

شاعرة نجد ,خيال مطير ,الجووهره معجبون بهذا

هلا بك زووود شاعرنا
وصح لسآنك ودآم ابدآعك

شاعرة نجد ,ناصر الهواوي ,خيال مطير معجبون بهذا

المهلي ما يولي يالجوهره
ــــــــــــــــــــــــــــــــــــــــــــــــــ ــــــــــــــــــــــــــــــــــــ
غرِّد وطر وإسلم وسلم على الورق
واسمح لي اقضي ساعتين برواقه

وصلت في غفله الى مفترق طرق
هذا له يودي وعكسه فراقه

وقفت بذهولٍ طرق خاطري طرق
من شاف وضعي قال ذا فيه ءعاقه

يسرق نظر عيني طريق الامل سرق
وحيد ما حولي ونيس ورفاقه

الجووهره ,شاعرة نجد ,خيال مطير معجبون بهذا

يالله عسى من تركني ساعة الشدّه

تحدّه ظروف وقته لين ياتيني

حتى إنّي أعطيه مطلوبه ولا أردّه

ويشوف فرق المراجل بينه وبيني

أنا رفيقي على العسرات ما احدّه

أدرى رفيقي مثل ما ادرى على عيني

وأنا رفيقي ليا شفت الزمن ضدّه

أقوم في واجبه من قبل يدعيني

وإن كان لا جاء لزومي يقدر يسدّه

وألاّ ترى العذر لا جاء منه يكفيني

ما يوجع الكبد كود البور والصدّه

من واحدٍ يقدر وما قام يسقيني




مشعل بن سابر القحطاني

الجووهره ,ناصر الهواوي معجبون بهذا

لا جزى الله حمامة فوق الابراج ناحت
أشغلتني ولا أدري وش بلاها تنوحي

سامره ليلها في برْجها ما استراحت
لو هي تندب لها حيٍ لزومٍ بيوجي

ذكرتني ليال بأول العمر راحت
قبل تظهر مغاتير بوجهي تلوحي

آه يا فرصة ضيعتها يوم تاحت
أحسب أن الليالي الممتعه ما تروحي

كبدي اللي تشادي دلةٍ يوم فاحت
سجْ عنها المقهوي فوق جمر تفوحي

رفت العين وأذني خمس مرّات صاحت
وقام قلبي يهوجس بالهنوف الطموحي

ان ذكرته ولو بيديني اوراق طاحت
حيث حبه مشاركني بعقلي وروحي

عنز ريمٍ على عِرْق النفود استضاحت
جفّله مع ضباب الصبح حس السروحي

وعين شيهانةٍ راجت بجٍو وماحت
خمّرن الحباري يوم جتهن تموحي

كل الأسرار تلك يا ضخيف الروح باحت
وان حكولي بغيرك ماني باسمع ولا أوحي





ـ سليمان الهويدي،

الجووهره ,ناصر الهواوي معجبون بهذا

الحريه ماتشترى قط بالمال
منشانها ياطير اطلق سراحك

الله معك ياطير في كل الاحوال
سر في امان الله وابسط جناحك

رغم الغلا ياطير والقلب ميال
وسنين وجدي في ضلوعي مراحك




شوق طير

الجووهره ,شاعرة نجد ,ناصر الهواوي معجبون بهذا

حكمت الوقت واستقوى ذراعي
بعدّ ماكانت الشرعان غرقا

ويرقا في سما الابداع يراعي
ويرقا ثم يرقا ثم يرقا

حسمت الامر في ساعة صراعي
وجتني خيلها بلقن وسبقا

اجيها كل ما جتني طواعي
وان هي فارقت باعدت فرقا

تبيعوني عصيه لف باعي
كأني ما خلقت الا لابقا




شوق طير،

الجووهره ,ناصر الهواوي معجبون بهذا

تسلم يالخيال على المشاركات الرائعه لاهنت ودمت وسلمت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
ولي رجعه ان شاء الله

الجووهره ,خيال مطير معجبون بهذا