هنا .. سجن القوافي !!

الله يسعد جميع اوقاتك يالجوهره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
ليا قلت هاليومين كني تعافيت
والضيقه اللي تجزع الصدر راحت

وقاف الغزل لفته خلافي يابلفيت
باحزن لحن ورق البساتين ناحت

بكن سوى والا تلاعن تفاخيت
وما شح فيها الجفن هلت وطاحت

نحيبهن ثور بصدري ديناميت
شميت بعده ريحة الشوق فاحت

يسير وقتٍ منه دخت و تراكيت
وبروق قبل العام للعين لاحت
ــــــــــــــــــــــــــــــــــــــــــــــــــ ــــــــــــــــ
وبس هههههههه

شاعرة نجد ,خيال مطير ,الجووهره معجبون بهذا

مساء الخيرات والمسرات
وصحت الابدان وصحت الالسن

ودام الابدااع والمبدعين,’’

الجووهره ,خيال مطير ,ناصر الهواوي معجبون بهذا

صارت المُتعه بتقليب صفحاتٍ قديمه
حرك اللي بين طياتها عذب القصيد

كنها من دقة الوصف مدري القصف غيمه
تبرق وترعد وانا اقول ياهل من مزيد

وان تحمّلت وتجمّلت انا انسانه عظيمه
عندي بْفضل الله الصبر قوه من حديد

وان تدهورت وتكسرت مافيها شتيمه
هكذا حوى زجاجه,لها حسٍّ فريد..!

الجووهره ,خيال مطير ,ناصر الهواوي معجبون بهذا

اي نعم ياشاعرتنا انتي عظيمه بالابداع وبالاخلاق واكيد بذاتك لاهنتي و\دمتي وسلمتي
وصح لسانك وبدنك
ــــــــــــــــــــــــــــــــــــــــــــــــــ ــــــــــــــــــــــــــــ

شاعرة نجد ,الجووهره معجبون بهذا

صارت المُتعه بتقليب صفحاتٍ قديمه
حرك اللي بين طياتها عذب القصيد

كنها من دقة الوصف مدري القصف غيمه
تبرق وترعد وانا اقول ياهل من مزيد

وان تحمّلت وتجمّلت انا انسانه عظيمه
عندي بْفضل الله الصبر قوه من حديد

وان تدهورت وتكسرت مافيها شتيمه
هكذا حوى زجاجه,لها حسٍّ فريد..!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
مرحبا ماحرك الشرقي لقلبي في نسيمه
وما صدح ورق النخل باللحن فوق الجريد

بشاعرتنا اللي للابداع بيطار ونديمه
لو معي تفويض قلدتها رتبة عميد

وش يسوى في عيونٍ عن الشرطات نيمه
وخاطر اللي من ضعف حيلته دايم مسيد

ايتعنز بالصبر وايتقوى بـ العزيمه
والعزا (ما احد تجي له حسب ماهو يريد)

شاعرة نجد ,الجووهره ,خيال مطير معجبون بهذا

ياهلا بالجميييع
ويسعد مساكم
شاعرنااا الهوآوي
شاعرتنا المبدعه
وصحت الالسن ودام الحضور والابداع

شاعرة نجد ,ناصر الهواوي معجبون بهذا

صباح الورد فل وياسمين وريح ند وعود
وباقة ورد جوري توها من حقل مقطوفه

على الغياب ناوين الرجوع ومن هنا موجود
ومن جانا محال ايمر فيه الورد ويطوفه

لنا حول الشهر وايام ما اطرينا هبوب النود
وهي لاهل القلوب الخضر والشعار مالوفه

اكز الذاكره قدام عن ما فات لي وتعود
وتعرض له مشاهد واضحه وعيوني تشوفه

ربيع وعج به ريح النفل واثمر ويبس العود
لعب فيه الهبوب يكسر العيدان ويلوفه

رحل من فيه من عقب التصحر ما بقى به رود
بدل جوٍ دهر بمريف/ذاك الجو وش نوفه

شاعرة نجد ,خيال مطير معجبون بهذا

يالانامل حركن القلم فوق الورق
خاطري فيه استجد امر ودي يكتبه

كل ما به من وناسات بالليل انسرق
بين طاريه وخياله وطيفه وعتبه

كان له كرتٍ مفعل وفاعل وانحرق
عام فيه اعصار فارط غروره واعطبه

ما استحى وجهه كما قيل مغسول بمرق
من مباديه الوفاء ما اعرف ليه شطبه

شاعرة نجد ,خيال مطير معجبون بهذا