هنا .. سجن القوافي !!

السلام عليكم وصبحكم الله بالخير مع هذي الفجرية ..
والحمد لله على عودة عزيزتنا الجوهرة وسلامتها .. ونسأل الله تعالى
أن يشفي مرضاكم وجميع مرضى المسلمين .. ويثبتكم بالصبر وأعانكم الله .
&
ويا هلاا بالمستشار خيال مطير .. وعسى علومكم غانمة .
&
وصح لسانك شاعرنا ابو عبيد وشاعرتنا نجد .. إبداع كالعادة وحضور سعادة ..
^
مقيم هذه الأيام في ديارنا والحمد لله أجواء ربيعية وأمطار وخير من رب العباد .
وسلامتكم ،،،

الجووهره ,خيال مطير ,ناصر الهواوي معجبون بهذا

اقتباس:

المشاركة الأصلية كتبت بواسطة ناصر الهواوي

مع روعة الجو يشجي هاجسي صوت العصافير
وش عاد يحصل معه لو هو سمع شدو الحمامه
سجع الرواعيب اغاني والطيور يقال تصفير
من كثر ما اصغي لصوت الطير صرت افهم كلامه
لــ اقفت هموم بفكري قلت لعله مسافير
وليا لفت مقبلات اقول يارب السلامه

&&
يا سلام وصح لسانك ابو عبيد

^
جو الربيع المطير أشجى طواريق الشواعير
وكلٍ سرت به هواجيسه على متن الغمامه

وأنا هجوسي سرت وأغرت خيالي بالمشاوير
كنها خذت رحلة القرني وبرناوي إقامه

وأطوف حول الكرة وأنظر لشوقي بالمناظير
وأصحى وحالي لحالى م السراه إلى تهامه

^^

الجووهره ,خيال مطير ,ناصر الهواوي معجبون بهذا

اقتباس:

المشاركة الأصلية كتبت بواسطة شاعرة نجد

يثير الجروح الشّعْر ويجيب مافي الجيب
وانا غايتي مافات مات وتناسيته

مع اني قسم بالله ماجيت درب العيب
لو القاف من عذب المواويل غنيته

ولو الاحي الورقاا على غصنها وتجيب
خفَى الروح لو مسموح اجيبه وعديته

أقاوم وانا مدري وش العلم وش فـ الغيب
قسى الوقت قاسي بس اقاسي وقاسيته

^-^
صح لسانك شاعرتنا ودام تواجدك الأخوي الرائع ،،،

عسى كل جرحٍ يندمل بالشعر ويطيب
ولو شفت مثلي ثار بالشعر واسيته

نفضفض بما ف الصدر ونصبها ع الويب
ولا شفت قافٍ طاب للطرق شليته

مسافات بُعد الشرق ما يمتطيها الجيب
ولا اللكزس اللي صنّعتها لنا تويته

بنركب على متن الأماني لوقت الشيب
ومن يرتجي للشعر والودّ وديته

^-^

الجووهره ,خيال مطير ,ناصر الهواوي معجبون بهذا

تجاروا وانا الورقا ارهقتني على عسيب
تنبش بالنواح الجرح من بعد داويته

ما بين الضلوع ايشب ونينها لهيب
لو الماء يطفي لاهبه كان طفيته

ويحن الخفوق ليا تذكر حنين النيب
ويزود حنينه هاجسي ينهدم بيته

بعيد الشبل من قبل واليوم جاء قريب
برسن مات ماقد فات بالعقل تليته

عسانا نرى باقصى النفق لو بصيص الــ ليت
قبل شحن املنا يسحب وينطفي ليته

الجووهره ,خيال مطير معجبون بهذا

يسعد صباحكم
وصحت الالسن ويعطيكم العافيه
على الابداع والمجاريات الرائعه
ودآم حضوركم وابدآعكم

ناصر الهواوي معجب بهذا

اقتباس:

المشاركة الأصلية كتبت بواسطة شاعرة نجد

السلام عليكم ورحمة الله

وعودا حميدا جوهرتنا وصح بدنك
والله يشفي اختك ويفرحكم بعافيتها
طهور وذنب مغفور ان شاء الله

والله يصح لسانك شاعرنا
ودام ابداعك وحضورك الفاخر

وسلمتم ودمتم,’’

هلا بك شآعرتنا الجميله
اللهم آمين. الله يجزاك خير
ويسعدك ويحفظ لك أحبابك

ناصر الهواوي معجب بهذا

اقتباس:

المشاركة الأصلية كتبت بواسطة عبدالله الدّنّيش

السلام عليكم وصبحكم الله بالخير مع هذي الفجرية ..
والحمد لله على عودة عزيزتنا الجوهرة وسلامتها .. ونسأل الله تعالى
أن يشفي مرضاكم وجميع مرضى المسلمين .. ويثبتكم بالصبر وأعانكم الله .
&
ويا هلاا بالمستشار خيال مطير .. وعسى علومكم غانمة .
&
وصح لسانك شاعرنا ابو عبيد وشاعرتنا نجد .. إبداع كالعادة وحضور سعادة ..
^
مقيم هذه الأيام في ديارنا والحمد لله أجواء ربيعية وأمطار وخير من رب العباد .
وسلامتكم ،،،

وعليكم السلام ورحمة الله وبركاته
هلا بك شآعرناا والله يسلمك
اللهم آميين. الله يسعدك
ويحفظ لك أحبابك

ناصر الهواوي معجب بهذا

على رفوف الـذاكـره بعض الايــام
‏مثل الروايـات الحزينه على الـرف

‏تشكي جفى عصر المحابر والاقلام
‏اقفى وحبر اقـلامهـا مـابـعـد جف

‏ليت الزمـن ينعـاد يابيض الاحـلام
‏وندون الذكـرى على حائط الصف

ناصر الهواوي معجب بهذا