هنا .. سجن القوافي !!

هلابك يالخيال وبماجبت وصح لسان العازمي والهاجري
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
هجس الشعر يا دوبه يسحِّب خطاه
ويكع في مشيه وادفه واكزه

مشي العمى ما تحت الاقدام ياطاه
كف بصره من قهر من بعد عزه

من ينتظر شوفه برجعه تباطاه
ولا عاد للدنيا بلياه مزه

اجمل ورود يشوفها مثل الارطاه
ولا يعجبه من مر لو كان رزه

الجووهره ,خيال مطير ,شاعرة نجد معجبون بهذا

السلام عليكم ورحمة الله

واسعد الله اوقاتكم وطاب مساؤكم بكل خير
وصح لسانك شاعرنا الهواوي
ولاهنت على هـ الابدااع والامتااع

وصحت ذائقتك مستشارنا
وسلمتم ودمتم,’’

الجووهره ,ناصر الهواوي ,خيال مطير معجبون بهذا

من ماقلت في نجد العذيه

سبحان من لَبّسْك نجد العريضه
ثوبٍ خضاره ريحته تقعد الراس

جيت اتمشَّى في فيافي وفيضه
ينعش هواها كل ماهب نسناس

والغيم برقه شاق عيني وميضه
هيض شياطين القريحه والاحساس

وانا قبل لاسالمه لامريضه
بس اتحلاّ واتسلا مع الناس

يلعبّي الهاجوس برده وقيضه
واثّر على حالي ولو قلت لاباس,

الجووهره ,ناصر الهواوي ,خيال مطير معجبون بهذا

اقتباس:

المشاركة الأصلية كتبت بواسطة ناصر الهواوي

هههههههههه
هلابتس شاعرتنا وستسعد نجد بشاعرتها بدون شك
وتقول.............
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
ان جات نجد لنجد مع ما زهى نجد
من فضل خالقها سيول وربيعي

تبي الحمايم بالعصافير تستجد
ويسمع لهن في كل روضه سجيعي

وديانها تبجد نقا نفدها بجد
يضيق عن ماه الشعيب ويضيعي

بفياضها يهتاظ من يشكي الوجد
يشري بميدان الحنين ويبيعي

هجسه يمده بالقوافي ولا يجد
الشوق شقه في فواده وسيعي

يون ونة من فقد قمة المجد
يغيَّب بفكره شوي ويريعي

اما يصبَح صبح والا انهجد هجد
لخافقه بين الحنايا قريعي

الله يسعدك شاعرنا ويطول بعمرك
ويديم ابدااعك المميز
ويصح لسانك ملياااار على هـ الدرهـ
شكري وتقديري,’’

الجووهره ,ناصر الهواوي معجبون بهذا

هلابتس شاعرتنا وصح الله لسانتس وبدنتس ولاهنتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
قيفان نجد الهجس دايم تهيضه
صحح مسار القافيه بعد ما انحاس

وهي هاظها برق الخيال ونفيضه
وبشعورها نبت الربى حرك احساس

مرباع نجد اللي يفوته غميضه
نبته علاج نفوس ومجلي عماس

معه الشعر يسمع ويعجب قريضه
بعد انتضم سلكه بلولو مع الماس

الجووهره ,شاعرة نجد ,خيال مطير معجبون بهذا

بـ اقول لكن ما اعرف ويش باقول
يالهجس كان انت تعرف ويش قل لي

امسيت فكري بالهواجيس مرحول
واشناه بس اصبحت مرحول كلي

مفهوم شي وشي مبهم ومجهول
ارمع ورده كل رمعه بــ (هللي!!)

سبب صداعٍ ما امتثل للبنادول
وتقمص ثياب البطول المولي

الجووهره ,شاعرة نجد معجبون بهذا

اثر قاف القصيد ليا عطا دوٍ خلا ينحاس
يحير قايله ما يفتهم قصده ومضمونه

يجامله المجامِل لجل ما تزرا عليه الناس
عن اللايم يلوم ولا يبا الشانين يشنونه

بعدها ياهجوسي بالكفوف اضرب على المرواس
وشل ياليل دان وخل من حولك يغنونه

لعله يطرد الضيقه عن الخاطر ويجلى الباس
وراس الاصبع المظلوم ما ينعض بسنونه

الجووهره ,شاعرة نجد معجبون بهذا

السلام عليكم

والـ هلابك يـ الهواوي وصح بدنك
وصح لسانك على هـ المجاراة الجزله والابداع
والدرر الممتعه

وسلمت ودمت,’’

الجووهره معجب بهذا