هنا .. سجن القوافي !!

روحي وطن مساحته مالها حد
لكن يضيق الى تعدّا حْدوده

والمزح له حزه وحزاات للجد
وكلٍ يعيش بْراحته حَسْب موده

وان جارت ظروفي قويه وُلِي سد
وعقلي على قلبي مْوثّق قيوده

حياتنا كـ الموج والجزر والمد
والبَحْر هايج والهبايب تزوده

بس أتمنى وكم تمنيت واعد
طول الليال السود عله وكوده

يجي على كيفي زماني واغرد
في روعة اجوائي بفضله وجوده,

الجووهره ,خيال مطير ,ناصر الهواوي معجبون بهذا

هلا بك شاعرتنا وصح الله لسانك على الدره الكايفه النايفه وهذا ديدنك
وتواجدك وتواجد ربعنا بالنسبه لي
مثل ناس لقو ميت من العطش ويمرون وينقطون بحلقه ماء حتى لا يموت ولكن ما يذهب عطشه هههههههه
لي عوده ان شاء الله

الجووهره ,خيال مطير ,شاعرة نجد معجبون بهذا

الـ هلابك شاعرنا
وصح بدنك
وش هـ المثل يـ الهواوي ياقوه قواه هههه

( ولكن ما يذهب عطشه هههه)
يعني ميت ميت هههه

بصرااحه مقصرين كلنا ماعدا أنت دام تواجدك وابدااعك
واعتذر عقب هـ المثل عشان مايشملني
عـ الغياب هـ الاسبوع بـ اروح نجد اشوفها بعد هـ الامطار اللي جتها والسيول
الله يزيدها من فضله

وسلمتم ودمتم,’’

الجووهره ,ناصر الهواوي معجبون بهذا

هههههههههه
هلابتس شاعرتنا وستسعد نجد بشاعرتها بدون شك
وتقول.............
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
ان جات نجد لنجد مع ما زهى نجد
من فضل خالقها سيول وربيعي

تبي الحمايم بالعصافير تستجد
ويسمع لهن في كل روضه سجيعي

وديانها تبجد نقا نفدها بجد
يضيق عن ماه الشعيب ويضيعي

بفياضها يهتاظ من يشكي الوجد
يشري بميدان الحنين ويبيعي

هجسه يمده بالقوافي ولا يجد
الشوق شقه في فواده وسيعي

يون ونة من فقد قمة المجد
يغيَّب بفكره شوي ويريعي

اما يصبَح صبح والا انهجد هجد
لخافقه بين الحنايا قريعي

شاعرة نجد ,الجووهره ,خيال مطير معجبون بهذا

بالصوره اقفي مع هالامواج وارد
واكيد لي معهن الى الرمل عوده

لمجاريات القاف ما كان لي بد
نحاه غير وجودته غير جوده

لكن وحيد ولامعه بالخلا حد
وفرح بصوتٍ جابه الفجر نوده

لمصدره يصغي عساه يتوكد
ولا كان في ساحه ولا في حدوده

الا معه ما كان دارس تجدد
عاده مع جزال القوافي تذوده

لواهي جدار الصبر مال وتسند
سرح خياله والطواري تروده

شاعرة نجد ,الجووهره ,خيال مطير معجبون بهذا

عن الهجس هجت مفرداته ولاله جات
هجيج البراد احس في حموة الكنه

صحيح انه بنمنماته يجيب ابيات
لا يشبه لقافه قبل مده ولا كنه

يلقى من عليه يدقق بمجهره هنات
ما ينلام وظروس الطواري يلوكنه

ياطيبه يكافح رغم ما صار له ما مات
يخفي ما يكابد من غثى الوقت ويكنه

شاعرة نجد ,خيال مطير ,الجووهره معجبون بهذا

ماجيت قسم الا وانا آخر من قفل بابه وراح
الا العذب في قسم(سجل بيت)له وسم بعدي
الله يزيد ابداع لـ بداعه وللصدر انشراح
ما ادري لكن المفرده للعذب تاتيه تعدي
تقديم والا يا هجوسي قل ترا ما راح راح
لاتنتظر ما فات عش يومك بيومه تسعدي
ان غنت الورقا طرب وان جرت الورقا النواح
(اضحك بكلتا الحالتين)إحد الحزن عنِّك حدي
وبس ههههههههه

شاعرة نجد ,خيال مطير ,الجووهره معجبون بهذا

ومن المحاورات الجديدة والمشوقة التي جرت مؤخراً لشاعرنا حبيب العازمي مع الشاعر سلطان الهاجري هذه المحاورة الرائعة والتي بدأها العازمي بقوله:


هلا يا مرحبا يالهاجري واطلع على المرقاب

ومد الشوف وأتشوف الجمال الحمر في الوادي

ولا تنشد ليا ضاعت جمال حمر عوج ارقاب

ترى مالك جمل غادي وأنا مالي جمل غادي


الهاجري:

يدوم لك البقا والعلم بين الدقن والاشناب

لكن البس ولبسني ثياب بيض وجدادي

نجوم الليل لا حبيب حسبناها بدون حساب

وعدينا السنة بشهورها هجري وميلادي


العازمي:

تبا تلبس ثياب العيد وأتكبرعلى المحراب

وأنا وياك فيما فات نحضر كل الاعيادي

دخلت القبة الخضرا ولا تقفل عليك الباب

وأنا أوحيت المنادي.. والمنادي دونه منادي

الهاجري:

تحياتي على الحضار وأشواقي على الغياب

مثل مستور ابن تركي وصياف ابن عوادي

يا سواق السفينه سرها وأحذر على الركاب

ترى موج البحر لاهاج يغرق عفش الأجوادي


العازمي:

أبو زيد الهلالي يعلم أن الرمح رمح ذياب

ولا يقض الطلب هرجه على دله وبرادي

سفينة نواح مأمونه من التفجير والإرهاب

ولو كان البحر موجه يدف السيف من غادي

الهاجري:

حقوق الطبع محفوظه عن الدجال والنصاب

وهداف البطوله ياخذ الخبرة من النادي

ألا ياللي بنيت البيت بالعمدان والأطناب

ما يربطنا معك يا كود حق الملح والزادي

العازمي:

أبو خدن من المكياج يوضي كنها المشهاب

يماري بالذلول اللي بليا خرج واشدادي

وأنا واللّه ما حب الزخرفه والمظهر الكذاب

أجيب الرأي من رأسي وأشب النار بزنادي


الهاجري:

عليه اللّه وأكبر بالعصا والرمح والمشعاب

ونار الحق مشبوبه ونور الصبح منقادي

يقولون العرب ما تحمي الميسم بدون أسباب

وأنا ماني براعي صدفةٍ من دون ميعادي

الجووهره ,ناصر الهواوي معجبون بهذا