هنا .. سجن القوافي !!

ميه الا واحد الحاضرين الآن ههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
لا والله الا سرح الفكر لبعيد
وانا انتظر وش معه قرر يعيده
يريد له علمٍ/لهالعلم ما اريد
كم قلت له ما راح ما عاد اريده
ما شفت من ما فات غير التناكيد
انا اعتبر فرقاه فرصه سعيده
ترتيب الاوليات تحتاج تجديد
حتى المسار يصير بالحيل سيده

الجووهره ,خيال مطير معجبون بهذا

صح لســـــــــــــــــــــــــــــــــــَانك يالهواوي

من الارشيف


_______________________________

شاعرة نجد ,ناصر الهواوي ,الجووهره معجبون بهذا

اقتباس:

المشاركة الأصلية كتبت بواسطة ناصر الهواوي

ياصباح الخير ع الجميع
ارحبي يانجد وصح الله لسانك درر وابداع قد تجاوزتيه(مبطي)ههههه
وصح بدنك ولاهان راسك
ماعاد انا كافلك بعد هالعذبات
ولا عاد انا ناشدٍ لا عن رحيل ولا الغامدي ولا الجوهره ولا غيرهم الله يسعدهم ويسعدنا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
سرى للسعف مع ذا الهواء البارحه تصفيق
وسرى هاجسي يلعب على حلو تصفيقه

وسرى الفكر من عندي وانا اغفي ونوب افيق
ونوى القلب يسري يطرق الحدب واتعيقه

تلافت همومي مع خلول الضلوع اتويق
لها فوق صدري ثقل ما ظني اطيقه

تسبب قلق وارهاق نفسي ونشفة ريق
لها فعل وحشي لو تبدت لنا انيقه

تبقى شاعرنا وصح بدنك
وصح لسانك على هـ الدرر ,سليت وتسليت ماقصرت, لاهنت
والسؤال عن الغايبين من طيب السائل
والظروف لها احكام

تقديري,’’

ناصر الهواوي ,الجووهره معجبون بهذا

اقتباس:

المشاركة الأصلية كتبت بواسطة خيال مطير

منــــــــــــــوره شا عرتنا

القصيده للشاعره السعوديه الاحسائيه ليلى العصفور

النور نورك خيال
روعة القصيده تستحق كتابة اسم شاعرها
صح لسان الشاعره وسلمت ذائقتك

لاهنت,’’

خيال مطير ,ناصر الهواوي ,الجووهره معجبون بهذا

بيتين والا بيت والا اربع ابيات
لـ صغتها من واقعي عن قصيده

فيها من أسراري رموز وعلامات
وفيها من اخباري مواقف جديده

وفيها على صدر البدايه عبارات
مانيب من توضيحها مستفيده

يابرق ياللي دون نوك مسافات
على سناك ارسم حياةٍ سعيده

واعيشها لو بالامل بضع ساعات
وارقص على ضغط الظروف العنيده

خيال مطير ,ناصر الهواوي ,الجووهره معجبون بهذا

غرد الطير حول النافذه واستباح
الخفوق وطلبته ردها فـ الكفاله

لاتبعثر خفاي بسطوةٍ واجتياح
خل جرحي يطيب وكل واحد بحاله

لو يطوّل هجوسي في تماديه باح
للسجَن دور في عذب القصيد وجزاله

كان طولت في سجني نبشت الجراح
واستثارت حروفي واسهبت في خياله

وجابت العيد لين ابريق الاشواق فاح
فوق جمرٍ عليه القلب تطبخ دْلاله

ياخفير السجن لابان نور الصباح
افتح الباب من باب الحكم بالعداله

انتهت مدة المسجون سلم وراح
قل لـ ابوعبيد عجل هات واحد بداله

خيال مطير ,ناصر الهواوي ,الجووهره معجبون بهذا

سلام عليكم
وهلا بكم
ماشاء الله على الابدآع والجزاله
شاعرنا الهوآوي ، شآعرتنا المبدعه
صحت الالسن ودآم الابدآع

وخيالنا يعطيك العافيه
ويسلم الذوووووق.

شاعرة نجد ,خيال مطير ,ناصر الهواوي معجبون بهذا

صباح الخير للجميع
الله يغربل عدوك يالخيال رائعه الشيله انا ما والا بلاش هههههههههه
شاعرتنا صح لسانك مدد بلا عددع الاول والتاليه
الجوهر عليكم السلام ورحمة الله وبركاته وصح بدنك وكلك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
اكتب على الكيبورد ما امليه يا بهام
وياهجس ساعد من تمالاه همه

عايش على هالالف والميم واللام
وجاء من محاهن وارتفع ضغط دمه

لو ما يجي للطيف في نومه المام
ومعه عبق طيبٍ من اول يشمه

كان الرواسي قد بكوا له من العام
ومن هو يوده قد نفض منه كمه

من الغضب عليه صب الجفا جام
والصبر غار من التوجد مجمه

نومه كوابيس وخثاريق واحلام
وبصحوته طاريِّه اكبر مطمه

وبس ههههههههههههههه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
خفير السجن حط الجوهره لو ما عليها ذنب
نبطشيه على باب السجن ما هيب مسجونه

وانا ابا ادخل وابا اطلع واتسمع للقصيد العذب
واجاري ما اسمعه ويجوز لي بالطرق ولحونه

بوسط السرب ابا اغني ونوب اصير برا السرب
وابا احذف السهم يم الهدف لو طاح من دونه

شاعرة نجد ,الجووهره ,خيال مطير معجبون بهذا