هنا .. سجن القوافي !!

تسلية للسجينه
من الارشيف
وابشري بالتسالي من القديم و الجديد


هز غصن الراك ذعذاع الهـوى=والهوى ينساق له مـن لا نـوى
في الحنايا للصدى جاوب عـوى=واهنـي اهـل القلـوب الرايقـه

هم نبع القول قالـوا وش يقـول=في كلام النـاس ماتلقـا الحلـول
والهوى ياصاحبي حسب الأصول=في وصال الوصل وصله عايقـه

هز وجدان الغـرام اللـي حكـى=لو مجرد مـزح ماضنـي شكـى
يحتـرق قلبـي وجفنـي مابكـى=ياصـدورً مـن غلاهـا ضايقـه

هانـت الدنيـا ولا كانـت مقـر=وللهوى شلنا على جناح الصقـر
ليـن حطينـا لهوانـا مستـقـر=آآآهـ واقلـبً هـواهـا سايـقـه

هاجسي لو مر بإعصار الهبـوب=يسبق الإعصار ولصدري يجوب
ياخليل القلـب يعشـق للغـروب=لو ضحكت الهـم مانـي طايقـه

استعرت الصبر لين إنـه قضـى=ما حسبت سنين في عمرٍ مضـى
ما شعرت الا بعد ضـاق الفضـا=واثر قلبي نـون عينـي بايقـه

لو بغيت اقـول رده مـا قويـت=صعب أمِن الشي عقب أني عطيت
شبه غصب اعطيت وأنا ما خذيت=غير غفوة عين وابطـت فايقـه

فـرق مابيـن السعـادة والشقـا=مثـل مايفـرق نواهـم واللـقـا
إن هقـا بالوصـل والا ماهـقـا=لـه مـوده رغـم بعـده فايقـه

كان وصله طيف لكن طيف شـي=رغم شمس البعد كان الطيف فـيّ
وقت حم الصيف للعطشـان مـيّ=لو زلال الميّ ما احـد(ن) ذايقـه

العهد لو ضاع كم ضاعت عهـود=لو مواثيق العهد جبهـة صمـود
يا محل العهد صعب اطلق قيـود=و الصفه في غير وصفي لايقـه

الجووهره ,شاعرة نجد ,ناصر الهواوي معجبون بهذا

رايعه هالرباعيه صح لسانك وقديمك جديد يابو منصور
وهاي تسليه للعاصفيه ولكم وللزوار
ــــــــــــــــــــــــــــــــــــــــــــــــــ ــــ
ياطير يوم انك كفخت وتعليت
عن الوطا وادرجت باللجه الحوم

وجنوب عن عيني تغيبت وابطيت
ان كان لك رجعه علينا آخر اليوم

ابا انشدك واقول ياعقاب ياليت
عندك جواب يحبب لعيني النوم

اكيد في طرقتك ياطير مريت
بيتٍ على دربك من الوقت مهدوم

بشر عساه مرممينه هل البيت
وبعد الجفا للناس من حوله رسوم

وللحديث تتمه ان شاء الله ههههههههه

الجووهره ,شاعرة نجد معجبون بهذا

اقتباس:

المشاركة الأصلية كتبت بواسطة كديميس السيحاني

يا شاعرة نجد الكلبشات بيديك
من بعد ما قررت احط الكفالة

سجن القوافي من طرب صاح يدعيك
يقول هاتوها سريعا بداله

البرق في دارك و مزنه حراويك
و العود وقع حكم كله عداله

مما عطاك الله صوغي قوافيك
و مضمون عندي كل صوغك جزاله

لا لا يـ ابومنصور
وش هـ الظلم,ارجع واقر قوانين السجن
السجين مايسجن سجانه مو على كيفك ههه

وصح لسانك,’’

ناصر الهواوي ,الجووهره ,كديميس السيحاني معجبون بهذا

اقتباس:

المشاركة الأصلية كتبت بواسطة ناصر الهواوي

ياحلو جو اليوم يالربع حلواه
زرقة سماها عقب الامطار به قو

لو ان صدري بالصفا اليوم حاكاه
ماضيقه رايح ولا ارضوه من جو

ولا قال يا وجدي على ذاك وجداه
اللي عليه ذياب صدري تعاوو

ولا عكر الخاطر ولاهجسي اشجاه
ولا اقزاه صوت الورق صبح ان تلاعو

قافٍ لنجد اعجب هجوسي وجاراه
ظنه كماه بروعته/ماطلع هو

صح لسانك,كايفه ونايفه
ولاعدمنا مجارياتك شاعرنا الجزل
نستمد الابدااع من ابداعك المميز طال عمرك

تقديري للشعر والشاعر,’’

ناصر الهواوي ,الجووهره ,كديميس السيحاني معجبون بهذا

اقتباس:

المشاركة الأصلية كتبت بواسطة كديميس السيحاني

هيضتني شاعرة نجد بالمعنى الحزين
لو مشد القاف يطرب له الشاعر طرب

من قنوف وبرق و رعود واصوات الغشين
و التمني والتواصيف لفيوزي ضرب

سموا

كان ماهيضت بالقاف لاجاا له رنين
مبدعين الشعر والفن وكبار العرب

اعتزلته لو بدونه حياتي ماتزين
لاتهيض خاطري مارد جنونه قرب

ناصر الهواوي ,الجووهره ,كديميس السيحاني معجبون بهذا

اقتباس:

المشاركة الأصلية كتبت بواسطة ناصر الهواوي

اهلين بالشاعره والشاعر وبالجوهره والخفير
اهلين ما هيب تكفي ياهجوسي زد عليها ميه

هلّت بك الحور يالشاعر,مساك النور والخير
كريم حتى من الترحيب نارك في ديارك حيه

ناصر الهواوي ,الجووهره ,كديميس السيحاني معجبون بهذا

لا يـ ابومنصور مالك حق ابد تسجني
كيف تسجني وانا يالشاعر السجانه

وللأسف ماحولي احْدٍ جاا يدافع عني
كلهم يقرون ويقولون صح لسانه

ان قبلت وجيت في زنزانتي خذ مني
القصيد اللي يوسّع خاطر العمسانه

لاسرى ليلي سريت العب معه واغني
هاجسي وانا على عذب الشعر ضميانه

وان رفضت ورحت في ذاك المخيم كني
هايدي وسط الخضار اللي تشوق الوانه

والاجازه مقبله وانا وربي ظني
الهروب ابرك لي مْن مْقابل الزنزانه

وبس على قولة الهواوي

الجووهره ,كديميس السيحاني معجبون بهذا

ياكثر ماتقبل الضيقه وتقفي بي
وياطول صبري وياحلمي على الضيقه

أصبح وتصبح معي وأمسي وتمسي بي
حطت بْصدري لها بصمه وتوثيقه

بلاش شعري على كثرة مكاتيبي
لاصار مازاحت الضيقه طواريقه

ناصر الهواوي ,الجووهره ,كديميس السيحاني معجبون بهذا