آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
06-10-2022, 03:25 PM
|
#37225 | |
أبعد قريب
|
ــــــــــــــــــــــــــــــــــــــــــــ
للصقري هجوس الشعر وش قلت بعد ارتعت يستسمح وصفحات النقط جد روعنا قل يوم انك بسوق الجوازي شريت وبعت افدنا يوم انا قد شرينا به و بعنا انا جدك بلمعة سرابه ضميت وجعت صارت دخلته شوم وتقلب مواجعنا ليا شفت لي مَن سنحته ما يبي له نعت عيون الوحش بالخزر فيها يطالعنا لماضي سحيق فات من قبل افيق اقلعت على مدرجه من دون طياره اقلعنا بجو الخيال اغيب لي ساعتين وفعت خطوه للامام وكم خطوه تراجعنا وبس هههه ........ حلوه و بس هههههههههه صح لسانك ملايين و سامحني حاولت اجاري هالبحر قد ما اقدر و انت خابرني ما اعرف الا بحــر جـــدَّه ... نعم جدي اللي خوف لا ابطي عليه اسرعت ابي امســح دمـوعـــه و يمســح مدامعنــــا سبب فرقـة الخـلان بـ احلى القصيـد امتعت تنــاجي تنــادي و صــدّهـــم عنك يوجعنـــا الا يا سقى الله يـوم ريـــم الفــلا نـــازعـــت و حزب الرعـــد من دونهـــا ما تَـراجعنــــا تسطِّـر من الخفــاق جـور الغـلا و اسمعــت جميــع البشــر و لـ هجسك اصغت مسامعنا جلبت الــدرر من غبَّــة البحـر و استـرجعت لما فــات من صـافي الوصــال و لك ابدعنـا وصار الغيـاب آفـه تزيــد الوجــع و اوجعت و صــار الجميـــع يـلـبِّــس اعـــذاره المعنى يجمِّـل غيـابـــه و انت الادرى به و طاوعت و عـدّيـت يـامـا و مـا طــرى لـك تِراجعنــــا و صرت الشفيع لـ ظرفنا و كم سببنا ارتعت و كـم لـه حمـــام الــــدوح ينعــى مجـامعنـــا يهـزّك جريــد النخـل يــوم الله استـــودعــت تهــــزّك نـقـــوشٍ خـلَّـفـتـهـــــا أصـابـعنــــا و لـولاك تغلينــا مـن القلـب مـا تـواضـعـــت و ما كـــان صفحــك دايـــم اول مطــامعنــــا أحبَّــك من الله حب صـــادق و لك أبــدعــت و حقّـك تـــراه اكبــــر و مـزهـــر مرابعنـــا وسلامتك يا عسل |
|
|
|
06-10-2022, 04:01 PM
|
#37226 | |
|
أبعد قريب
|
و هالقصيده من 1418 هجري لقيتها اليوم في الدفاتر اتمنى تليق بذوائفكم *** * حلمي غـرز في خـاصـرة ليلي اْبـروق و اقلـق هجــاد الليــل وضَّــاح بـرقـــه ألجى السَّهَــر و الهَـت مباريقـه الموق و ادعى يـرتِّــل بـ المـراعيـــد طَـرقـــه لا هو طـرَح من غيمهــا حالي اعـذوق و لا عطى للمــوت بـ السيـــل غـرقـــه هو هـآضنـي ثم وَقَّـف الــدَّم بـ عـروق و اخـذ يـذكّـرنـي بمـا فــات ســرقـــــه * 1 بـــدأ بـــذاك اللـي علـى الجيَّــه يتــوق ولا تَـــلاحَـــق مـن مـنِـيَّـتْـــــه زرقـــه * 2 و اخذ يقَـلِّـب صفحــة انسـان معشـوق مـن فرحــة المولـــد إلى نــوح ورقــه أقـول لـه يـا بـرقــي , الليلــه تْـشُــوق و يقول : بعض البــرق يتــلآه حرقـــه ياما بَـرَقْـت و شــاقنـي مرتــع النُّــوق ما فـآضت غيــومي بـ غربـه و شرقـه ما وقفـت الدنيــا على حــرف مطـروق * 3 دوِّر غــديــر زْلآل و ابـــــدأ بـ فَـرقـــه و ليا افتـرَق و انهَلْـت من عذبه تْـذوق مِـدَّه على الظميــان , صُـونـه بـ دَرقــه ما كل مـا يشعـــر بـه الـمــرء منطـوق ما كل دم يجــوز سـفـكـــه و هــرقــــه و ليــا خَذَتْـك افـكــار مجنــون مطلـوق هـاك الهمـاج المــر , و تـذوق فـرقـــه يـ الآدمـي في جحــدك النّعـمــه فْسـوق تـجـي بـ يــوم الجَـمْــع طَـلَّآب فَـرقــــه فـكِّــر بـ سـآري جـاب لك عِلـم موثـوق عـلــمٍ يـلِـــمّ اللـيــــل في لــوح بـرقـــه و اَجهَـت سمـايـــه ليتهـــا ردَّت بْـروق و آفـسِّــر اللي حـطّ في الحلـق شَـرقــه * * سرقه / هي اللحظه بمعنى انه أخذ يعرض شريط الحياة في لحظه * زرقه / زياره سريعه بمعنى ان الموت سبق زيارته و اغتاله في الطريق * بمعنى لا تُقلِّـد غيرك و فرِّق بين الغث و السمين *** |
|
|
|
|
06-10-2022, 07:35 PM
|
#37227 | |
حزب العاصفه
|
ياسلام ياسلام
مجاراه ولا اروع وصح الله لسانك والقديمه اجزل واكثر ابداعا صح الله لسانك ولاهان راسك ياحفيدي العزيز ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ تجي مفرده بين العبارات ذات ابعاد وتشد الخيال ابعيد مهما يبعدها وتجر الفكر برجع لما قد مضى بالكاد الى ذكرياتٍ تشبعه من مناكدها ومطوي الشريط وما احتوى داخله ينعاد وما خف عن روح المعنى يعاودها طفقات المشاعر ما شعا مهرها لاعاد مادام الزمن كنه بجوره يعاندها الزبده سمعت بزوبعة سحبها رعاد من الشرق ذعذاع الهبيب يساندها |
|
|
|
06-10-2022, 08:43 PM
|
#37228 | |
|
أبعد قريب
|
كلمة ( حفيــدي) لي تسـاوي ملاييـن وش عنـدي اغلى من منـادات جــدي جـدِّي الهـواوي راعي احلى البساتين بيـرق ضريَّــه و فوح عـودي و نـدِّي |
|
|
|
|
06-10-2022, 10:49 PM
|
#37229 | |
|
حزب العاصفه
|
يامرحبابك كثر من يسكن الصين
وما داج بنقالي وروسي وهندي واعداد سكان انقره والفلبين واجمل تحياتي لشخصك وودي |
|
|
|
|
08-10-2022, 12:03 PM
|
#37230 | |
|
حزب العاصفه
|
ما بين حين وحين تطري لي علوم
ومواقع فيها حصل لي مواقف مرات تجبرني على المشي واقوم واحيان من تاثيرها ما اقدر آقف وقتٍ مضى فيه السنه كنها يوم نمسك زمام اليوم للشهر ياقف |
|
|
|
|
08-10-2022, 08:57 PM
|
#37231 | |
|
يسعد مساكم
وصحت السنتكم واذواقهم (: لو اعتذر من الحين لبكره مالي وجهه الصديق بس والله من اشغال البيت ومسؤليته): لا تزعل علي ان كان قصرت فيك بيوم تأكد ما هي كل الليالي على كيفي (: |
|
|
مع احترامي وتقديري لمن هم هنا=ممنون انا واتشكر للزميله رحيل (ابو عبيد )
لو صار عن شكرها بالهجس ضعف ونا=الطيب الطيب اللي مبتدي بالجميل لفعولها الطيبه من قبل سامك بنا=بنت اصل عن ما عليه مربيه ما تميل
|
|
08-10-2022, 08:58 PM
|
#37232 | |
|
أنا عن اللي جاي ماعندي علوم
ومستقبلي ما أعرفه الا بـ ذكره واثق تمامًا بان كل شي مقسوم مثل مااثق في حمد ربي وشكره وفـ مطاول الآمال مانيب ملزوم بـ اعيش يومي بس وأحب وأكره |
|
|
|
|
«
الموضوع السابق
|
الموضوع التالي
»
العرض العادي
|
|
