![]() |
|
![]() |
انشر الموضوع |
|
أدوات الموضوع | انواع عرض الموضوع |
![]() |
#37106 |
![]() ![]() ![]() ![]() ![]() ![]() ![]() ![]() ![]() |
![]() عذرك هزيل وسالفتك أجوديه بعض الحكي ماهوب مفروض ينقال إن كان عذرك بالخطأ طيب نيّة؟ لا تصير طيّب، حاول تصير رجال ترى الطموحات الغبية غبية ما يحتمل معنى الغباء شرح وأمثال بين النفوس الطيّبة والردية فعلٍ يبرهن ما وراه من الأفعال وعذر الغريب أنه من الأبجدية حتى ولو تنكر وترفضه الأجيال وعذر الكذوب الضعف والمقدرية وعذر الصدوق أنه صدوقٍ ولا زال ياسر التويجري ![]() |
![]() |
![]() |
#37107 |
![]()
حزب العاصفه
![]() ![]() ![]() ![]() ![]() ![]() ![]() ![]() |
![]()
صباح الخيرات والمسرات للرواسي والراسيات والزائيرين والزائرات
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ اليوم خوذي راحتك يالحمامه رايق مزاج/ السجع والنوح سيان دام الصبر كمَّل مع القلب عامه ولامات باسباب الجفا الطاغي انسان وقالوا من الطايف ايلين اليمامه ومن منطقة عرعر الى باب نجران كم منكم ومنهن شكا من هيامه وشبه الجزيره من هالانواع مليان لويش في صدري تقوم القيامه وتلون همومي على اشكال والوان |
![]() ![]() |
![]() |
#37108 |
![]()
حزب العاصفه
![]() ![]() ![]() ![]() ![]() ![]() ![]() ![]() |
![]()
المنتدا عوَّد عبالٍ بلاقع=صابه بعد ما شب بالعز حوبه
تشتتو ربعه بشتى البلاقع=وقد قيل ما تلقى اللبن بمغصوبه اللي بنجد بصالي الحر ناقع=واللي شكوا شمس الخليج ورطوبه |
![]() |
![]() |
#37109 |
![]() ![]() ![]() ![]() ![]() ![]() ![]() ![]() ![]() |
![]()
علموا اللي كل يوم
علموا اللي كل يوم ٍ يقابلنا بثوب ما يخدرنا كلامه مع من خدّره إن لقينا اللعب نزحف مع جو ٍ لعوب و ان هبطنا سوق طيب ٍ خذينا ندّره العرب ما هيب تعلم مسدات الغيوب و وارد الما ما يدلّه يكود مصدّره ولا تجيك الحصبه إلا من فراش محصوب وحبة الجدري تجي من ف،راش مجدّره والمحب اذنيه ماهيب تسمع للعيوب و العدو لا درهمت به تجي متحدّره دامت الأخلاق يملك بها الواحد شعوب ياجب انها في جميع الامور مبدّره وان لقيناها طويله وموخرها سحوب و المرض فيها فحوله تهيّج فدّره ان قدرنا نقفل الباب من دون الهبوب ولاّ جا درب لنا والقني مسدّره الأصايل كل يوم تلافح بالكعوب و الردي لا عيّن اللي يهينه قدّره ولا تعرف حسابك إلا ليا صرت محسوب وشرهة القادر على العالم المتقدره فالمقابل نفتح له دواليب القلوب و المقفي قلعة الوادرين تودّره سعد بن جدلان ,’, الله يرحمه |
التعديل الأخير تم بواسطة خيال مطير ; 08-09-2022 الساعة 12:16 AM
![]() |
![]() |
#37110 |
![]() ![]() ![]() ![]() ![]() ![]() ![]() ![]() ![]() |
![]() سحابه جف الكلام ومدت يدينها فوق: .. .. أخترت هذي .. وأنت شف لك سحابه قلت .. ويديني تحتضنها مثل طوق .. :أخترت هذي هذي أكثر رحابه هذي دفا صوتٍ من البرد مخنوق هذي سؤالٍ نصف عمري جوابه هذي هي اللي عرّفتني على الشوق هذي قدر .. ماكنت حاسب حسابه قطعة حزن في جيب بالي ومشقوق ومضة فرح في عيون ناسٍ غلابه أن سولفت في ثغرها لمعة بروق وإن سرّحت في عيونها صمت غابه واليا اضحكت نورٍ من الفجر مسروق واليا بكت تحزن عليها الكآبه حبي لها لوأدري ان فيه مخلوق قدّ حبّ مثله .. قلت: ياللغرابه هالآدمي من وين له قلب وعروق؟! والصبر هالمسكين من وين جابه؟ وأنا أتكلّم .. ردّت عيونها فوق ثم تمتمت: من هي هالأكثر رحابه؟؟ قلت ويديني تحتضنها مثل طوق في ذمتي ماشفت غيرك سحابه فهد المساعد |
![]() |
![]() |
#37111 |
![]() ![]() ![]() ![]() ![]() ![]() ![]() ![]() ![]() |
![]()
قالت تغزل
![]() قالت تغزل ليش ساكت ومنظام لا ياخذك صمتك ويطويك ظله عطني قصيده حب من شعرك العام قول وتغزل عنك الصمت خله قلت ايه ماذقتي طعم مر الايام شعب بدون ارضه يعيش بمذله شيء جرى ماصار حتى بالاحلام بالليل امان ونصبح الصبح ذله جونا بغفله والمخاليق نيام اهل الحسد والحقد من كل مله لا تبحثين الي غدى قلبه اقسام مشرداً يشكي ثمانين عله وين اتغزل والبلد بيد صدام وين اتغزل والبلد مستحله ماهوب وقت اسرار واشعار واحلام واقول احبك وانتي الحب كله تبدلت امالنا كلها آلام وضاع الطريق الي من اول ندله يابنت انا ماني على خبرك العام هاتي بلادي واخذي العمر كله طلال السعيد |
![]() |
![]() |
#37112 |
![]() ![]() ![]() ![]() ![]() ![]() ![]() ![]() ![]() |
![]() صح النوم تعودنا على حمل الجمايل والزعل واللوم ولا نرفض عتب غالي ولا نزعل من جداله تمنينا حوز اغلى مكانه في وجيه القوم ونعيش الخوه بوقت يضد رجاله رجاله تعلمنا من الدنيا وزدنا للعلوم اعلوم وسقنا للدروب قلوب رجليه وخياله وقفنا للزمن وقفة شجاعه والقروم قروم الين ان صار واحدنا بديل اقواله افعاله الى منه خذا ياخذ مثل ماياخذ المحروم والي منه عطا يعطي ولو من لقمة اعياله ولا بتنا ولو باتت رحايلنا بدون عزوم نساوم للفخر بارضه ولو بأي من اشكاله ولا عفنا ولو شفنا على باب النهار سموم ولا خفنا ولو طفنا بمخراجه ومدخاله واذا شفنا عناقيد العنب فوق الشجر ملموم نهز غصون عنقوده واذا ماطاح نرقا له نصبر بعضنا بالكذب الابيض والهدف معدوم ونقول انا وصلنا له لو انا ما وصلنا له وانا واحد من اصغرهم طموح وللطموح رسوم على وجهي مثل قوله بغى شي ولا ناله عطيت ولا رضيت اخذ من سلوم البخيل سلوم ولا عمري رضيت اقعد على قلب العرب عاله ولا ارضى بالفخر فزعه وجواسيس وكلام رخوم ولا عمري حنيت الوجه بعد المجد لحثاله غناي الله وانا رجل عزيز مقدر محشوم قنوع بالقدر وان قلت فال الله ولا فالك بسيط يرمي حموله على متن الجبال هموم بوقت الاسف عيت تطيق همومه جباله بوقت نزل خشوم ورفع من رداه خشوم وخلي قيمة الرجال بين الناس برياله صحيت وقلت للنايم بعد ماقام صح النوم زمانك ماعطاك إلا صور وحطام تمثاله سنين اطالع البارق وقول ان المطر محتوم وهو ما مد لي كفه وانا ما طلت هماله أرد اكذب على نفسي واقول ان النخل مفطوم وهو ما بالنخل عذقي عطش ماذاق شلاله وانا مابي من البارق هماليل ومطر وغيوم ولو ذقت العطش بعيون طرقية ورحاله تعلمت الصبر من كنت طفلي بالمهد مزموم إلين ان صرت رجل لا أنتخوا به طوح اعقاله وانا ما احلف بعد عمر طويل بدفنتة المرحوم بقول الله ولا غير الله الرحمن نلجاله ومثل ما بالمطر خوه الي من اهل كوم وكوم انا قلبي بعد يقدر يدك البيد بلحاله واذا اسمي واصل الدنيا قبل لا القى الحياه بيوم ابتكرها وانا اسمي يضرب التاريخ بامثاله واذا ربعي وهم ربعي تناسوا حقي المهضوم بعيش اشره على قلبي قبل ارثي على حاله واذا كفي طعن كفي برأس الخنجر المسموم بعرف ان النصيب اقرب من الرجال لظلاله مدام ان الزمن خلا الشجاع بوقتنا مهزوم اجل خلو ضعيف النفس يقصر شرة اشواله حامد زيد |
التعديل الأخير تم بواسطة خيال مطير ; 08-09-2022 الساعة 12:50 AM
![]() |
![]() |
|
|