آخر 10 مشاركات |
|
انشر الموضوع |
|
أدوات الموضوع | انواع عرض الموضوع |
13-10-2021, 01:37 PM | #35593 |
|
مساء الخير
والابدآع والجزآله شآعرنا الهوآوي سجينا كديميس شاعرنا الدنيش صحت الالسن ودآم الحضور الجميل والابدآع خيآل يعطيك العآفيه وصح لسآن خآلك ويعطيك العآفيه ومبرووك الحريه شآعرنا كديميس ومنورين السجن الهوآوي والدنيش بس يمكن ممنوع سجن جماعي ههههههههه |
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك |
13-10-2021, 08:31 PM | #35594 |
|
اقتباس:
صح كلك ولا هنتي الله يبارك فيك عادي كل واحد في زنزانه وياما في السجن من زنزانه هههههههه |
لو جيت ابا اردع هجوس الفكر ب هيامي = يكفخ كما الطير لو هي ربطت اسبوقه درب الموده يضيع بساحة احلامي= مزن الحيا في حياتي تكشف بروقه http://www.r111n.com/showthread.php?t=9220 |
13-10-2021, 10:04 PM | #35595 |
حزب العاصفه
|
ههههههههههههههههههههههه
هلا مرحبا ماحط طيرٍ بحقل وطار=وعدد مالاطبا اجروا فحوصٍ سريريه وعدد ما نوادع زاير وما لفوا خطار=وعدد ما طلع من نبت في كل بريه رغم انه بعد كوفيد من ذا ما شيٍ صار=اكثر هالبشر من هالكرونا انحشاريه بمن حاد عن عرف السجن واستشاط وجار=وصدر وهو ظلم قرارات فوريه ولا ينلام من ماجاه من ضغط دمه فار=وشلون ايتحمل له عيارات ناريه ما تبغى كثر تحليل هذا الذي قد صار=وما قد فعل معقول من شان حريه انا والدنيِّش من عشيه هنا حضار=ومعنا لوازمنا من السوق مشريه |
|
13-10-2021, 10:21 PM | #35596 |
حزب العاصفه
|
يالجوهره ما عاد به شي ممنوع=المعتقل من ما حصل به طفح كيل
اخذ ثلاث ليال تاكي على الكوع=نسمع منه ما قال ونسمعه قيل ضرم وضيقة صدر وارهاق مع جوع=له كرهت عذب الغنا والمواويل لماضيه من زنزانته لد برجوع=لزمام وعيون وجبين وخلاخيل بفلمٍ اعرض له كل ما شاهد ايروع=واعذر من اسبابه ابـ برق المخاييل يصغي بسمعه بضع لحظات وايفوع=وازعجته الذكرى بكثر المراسيل ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ وبس هههههههههههههه |
|
13-10-2021, 11:02 PM | #35597 |
|
اقتباس:
يالجوهره ما عاد به شي ممنوع=المعتقل من ما حصل به طفح كيل
اخذ ثلاث ليال تاكي على الكوع=نسمع منه ما قال ونسمعه قيل ضرم وضيقة صدر وارهاق مع جوع=له كرهت عذب الغنا والمواويل لماضيه من زنزانته لد برجوع=لزمام وعيون وجبين وخلاخيل بفلمٍ اعرض له كل ما شاهد ايروع=واعذر من اسبابه ابـ برق المخاييل يصغي بسمعه بضع لحظات وايفوع=وازعجته الذكرى بكثر المراسيل ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ وبس هههههههههههههه كلام متبوعٌ وماهوب مجبوع = خذ من مقال العود دق التفاصيل انا لسجن القاف ولعته شموع= و يضحك حجاجي للحريم ورياجيل مافيه حرب اعبى لها سيوف ودروع= وفي السجن متزهب بكل المعاميل و بالشعر كل اللي تقولون قرطوع= ماغير ادللكم بالاشعار تدليل يمر واحدكم سريعٌ و موجوع = حابل ونابل صابكم طير ابابيل الا ان فيكم مجرمة زينة طبوع= اجرام قاف تحوز به كل تبجيل لْيا دخلكم خوف جت كنها جموع= عقل وثقل ، قيفانها ورد و اكليل استنزفت من خافي القلب مطبوع= مع ذكريات اللي تساهرني الليل و يانجد لو جاء حزبكم كله فزوع = كدموس ما يَرهب زحول الحلاحيل ، ،، ، |
التعديل الأخير تم بواسطة كديميس السيحاني ; 13-10-2021 الساعة 11:07 PM
|
13-10-2021, 11:03 PM | #35598 |
|
اقتباس:
الله اكبر على الهاجس وجاله مجال=يحاول يقارب الاحوال ويحايله
المفرده له تساقط مثل نقد الريال=تقاطر بسرده إلها ما تجي مايله بينه وبين الغزال ليا تغزَّل نزال=ما ادري ولكن غزاله ليلته لايله لو وجه الرمي مابين اليمن والشمال=عن صيده اللي قعد له ما احدٍ سايله يحذف لعيونها شماغه ومعها العقال=وبالسيف له يحتزم ويشد حمايله ماهو بمثلي متوه بين روح وتعال=ما قنعوه بكلام ولا حصل نايله وختامها ورد جوري للنسا والرجال=ما ناحت الورق بالاغصان بالقايله ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ تلاتدققون مستعجله ^^
يا سلام عليك ابو عبيد وصح لسانك وما عليك زود مجاراة كايفة ونايفة ومشجعة ‘‘‘‘ |
|
13-10-2021, 11:09 PM | #35599 |
|
السلام عليكم كلكم أجمعين
وصحت السنتكم وطابت أبدانكم أشوف أبو منصور متحامل علينا أنا والهواوي وقام بسجننا من غير ذنب ولا خطية ، والله يسامحه ونستأهل ويستأهل ونبشر بالتسالي من الغوالي .. وعساكم سالمين والمين ، والله المعين ،، |
|
|
|