آخر 10 مشاركات |
|
انشر الموضوع |
|
أدوات الموضوع | انواع عرض الموضوع |
12-10-2021, 12:56 AM | #35561 |
|
اقتباس:
تسليه بنات الرواسي جيبن الكيف للمسجون وجيبوا العشاا والا من الحلو ماطابي وانا له بـ اجيب الكايف النايف الموزون جديد القصيد اللي من الجزل جذابي واغني واسلّي واتسلا بعَذب لحون تثير القرايح والذوايق والاعجابي لْسكون المساا لمسه على الخاطر المشحون تجيب المشاعر دون مضمون واسبابي واروح وهجوسي لاسرابي علَيّ يْمون أغمض عيوني واتبعه لو ورى بابي! انا تو كيفي طاب يا مِشعل الغليون ما دام القوافي جات من طيب الانسابي اصيلة و نشميه قُبل هرجها مضمون عساني على احسن ظنها بخافي كتابي ليا صاغت فنون الشعر والطروق فنون تقادح لها الافكار و اشعب لها ركابي انا في سجون القاف والناس ما يدرون عن امر السجين اللي صدر حكمه غيابي |
لو جيت ابا اردع هجوس الفكر ب هيامي = يكفخ كما الطير لو هي ربطت اسبوقه درب الموده يضيع بساحة احلامي= مزن الحيا في حياتي تكشف بروقه http://www.r111n.com/showthread.php?t=9220 |
12-10-2021, 01:01 AM | #35562 |
|
|
|
12-10-2021, 02:22 AM | #35563 |
|
ماكوو نوووم
الطبع يغلب التطبع احب السهر ههههههه وهلا بك شآعرتنا المبدعه صح لسآنك ودآم ابدآعك ونوم العوآفي وصح لسآنك سجيناا ودآم ابدآعك |
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك
التعديل الأخير تم بواسطة الجووهره ; 12-10-2021 الساعة 05:39 AM
|
12-10-2021, 03:01 AM | #35564 |
|
تسآلي آخر الليل
للسجين والجميع هوّن على نفســك إذا ضقت ، وتهون لا تنشغل بـ الشـرح ، والجرح جرحك اللي يبي يكرهك ،،،، يكرهك من دون واللي يحبك ،،،، ماهو محتاج شرحك ،،، يالله عسى الوقت يمضي على خير وكل الامور اللي على البال تفرج وتشرق لنا شمس الامل بالتباشير ونلقى لنا من ضيقة الصدر مخرج ،،، ﺑﻌﺾ ﺍلبشر ﻳﻔﺮﺽ ﻋﻠﻴك ﺍﻟﻐﻼ ﻓﺮﺽ ﻣﺜﻞ ﺍﻟـﺬﻫـﺐ ﻓﻲ كل ﺍلأﺣـﻮﺍﻝ ﻏـﺎﻟﻲ ﻳﻤﺸﻲ ﻏﻼﻩ ﺑﺪاخلك ﻃﻮﻝ ﻓﻲ ﻋﺮﺽ ﻗــﺪﺭﻩ گﺒﻴﺮ ﻭتاج عـ الراس عالي ،،، #الحياة دروب ، واختار الطريق.! اللي ما يحدّگ على الضيقه ابد. صير مثل #البحر من خارج انيق.. وداخلگ عالم ما يدري بّه احد. ،،، فمان الله .. يا ذكرى الغرام .. وما مضى يطوى !! طويته مثل ما تطوى سفينة حزني .. شراعي غدآ للدمع من عقبك بعيني .. غبشه ومضوى بعد ما راحت اوراق البريد .. وغادر الساعي تذكرني الاماكن فيك .. واشتاقك تعب .. واخوى على بحة حكاك .. وضحكتك .. يا سيد اوجاعي |
|
12-10-2021, 06:05 AM | #35565 |
|
من محفوظات التجوري
فنجال قهوة الصبح ههههه حث الركايب عسعس الليل عساس" "جفنه سهير النوم صار استحاله امقارعات الشلف واسيوف والطاس " "واصهال خيل المعركةفي الطباله دارت رحاها من على قب الافراس " " بفزوع روق اللي وصفها الطواله وفي سلمهن ما يقبل اخماس واسداس " " ترسي الجبال الشامخة في نزاله من يدعي ما اقام حجه بقرطاس " " ولقاضي الأحكام يثبت مقاله و ينقض كلامه من عن الحق ماهاس " " وعلم الفراسة موهبه بإرتجاله رجل(ن)على حمل المهمات مدباس " " راسه عنيد وطايل الطيب طاله و ابشر عن علوم الحيا عقب الارماس " " عس الديار و ريّح البال داله وعنق المهاه اللي جفول من الأوناس " " له روض محمي مرتعن له لحاله في فلسفة فكري على حسب الأجناس " " نظرة شمولية ومنبر عدالة ومهما أني احاول صعيب ارضي الناس " "ولا لي على ذريّة آدم وكالة ولا لا تخاف ولا تلعثم بالاحساس " "والخوف جعل الله يعجل زواله و داوي الجروح اللي جداد(ن)ودرّاس " "ترى طبيب الجرح يكسب جماله مايترك المجروح في وضع محتاس " "لو كل من حوله عمام و خواله وارقد ملا عينك عوافي ولا باس " "لو يأخذ التفكير ساعة مجاله قسط (ن) من الراحه يبدد لك عماس " "وما لا تطيقه ما طلبت احتماله كل المشاعر لك على طول حراس " "وما لا يجوز لخاطرك لك بداله بنظرة تفائل تنتفي نظرة اليأس " "و على النوايا الكل يبني إحتماله و أنا ادري إنك يا اتلع الجيد حسّاس " "نظرة عقل ماهيب نظرة جهالة يا من على شانك تبنيت مقياس " "ولا للمدلل غير نحفظ دلاله من بيننا كل الصعوبات تنداس " "القدر عالي صعب كل(ن) يناله و لك في حنايا الصدر مركى ومجلاس " "يا ملهمة نبضه و فوحة دلاله و إن كان ناقوس الخطر دق الأجراس " "أشر ويكفي وانت خله بفاله في الجو بجناحه وفي البحر غطّاس " "ومع الفيافي ما تونّى رحاله قد حرّم الشارع لنا خمرة الكاس " "وحنا نميّز للحرام و حلاله وخمر المشاعر يروي غصون يبّاس " "صافي صفاه ونايف الطيب جاله تعبيري وقلته من الراس للراس " "ما ارسلت مع ساعي البريد الرسالة شعر ومشاعر مالهن حد وقياس " "من عقل صاحي ما تشوبه ثماله وجسورهن راسي عمدهن مع الساس " "لو بعض الأجواء كل يوم(ن) بحالة و عدودهن من جمّ ياعذب الأنفاس " "فيضه وغيضه نابع(ن) من زلاله و ذراه عن سافي الهبايب والاطعاس " "زرعه يحيطه من جنوب وشماله و النفث منهن مع صبا نجد نسناس " "نفث المباخر في مجالس شكاله العود الأزرق من صلو جمر نساس " "وغطى على انفاس الحضور اجتواله و النور منهن به لميعٍ من الماس " "في خرمسي الليل يضوي حِلاله والعزم به من عهد تُبّع وجساس " "ما ينثني عزمٌ تورّد حباله وشعر الغزل له داخل الجوف نبراس " "وبالغصب ريم الصيد يوصف جماله فيه التفاتة جيد وعيون نعّاس " "وإن شاف له زيله جفل من ضلاله ولياوصف ل /اصايل الخيل ما ساس " "لكن يميز طيبات السلاله ، ،، ، |
|
12-10-2021, 06:47 AM | #35566 |
|
،
،، ، اسعد الله جميع اوقاتكم قهوه نظمت قافي على جال البحر وافي وصبيت من صافي افكاري فناجيله للبحر غرّاف يوم الموج نسافي و في غزر قوع البحر و لّع قناديله اسبح ببحره بلا مركب و مجدافي يا محلل القاف لا تخطي بتحليله سقت الركايب و مشيت القدم حافي خمسة عشر عام عد اليوم و الليلة وما كل ميلافٌ يشابه لميلافي له بين الاضلاع قصرٌ محدٌ يزيله حبه زروعه بصدري له تغريافي ريان من دم شريانٍ يغذي له ان غاب ناديت خوف يصيبه خلافي و ليا حضر سر قلبي من تعاليله اسمع لهمس وحرارة صوته الدافي رخيم صوته ينادي لي و انادي له يا قايد الغيد يا اصفى من صفا الصافي من يطلب الحق قدم لك معاديله اسرفت بي ف الوصال و هجرك الخافي قاضي و جلاد ويش الراي و الحيله ، ،، ، |
|
12-10-2021, 07:19 AM | #35567 |
|
خذ مني الفنجال مع فكة الريق
يجلا عماس اللي على الكيف خاوي ترى ارتجال الشعر ما فيه تدقيق ءليا رفع صوته سجينٌ خلاوي ءليا احترى الزوار وينام ويفيق و الغبقه البارح لها الفين راوي فنجالٌ اسهرني لوقت التشاريق ريحة قناده للمشاعر يداوي رقيت به عال الجبال الشواهيق و ذكرت به ريعان عمر الشقاوي و عانقت به هام السحاب المصاديق و امطر على فياض الديار السناوي و اصبح زهوره زاهيات الزماليق و عشبه تشابك من ثرى الارض راوي وذكرت عود اللي زهت للعشاريق ريميةٌ من دونها البعد طاوي مرتاعها الحاجز و عال المعاليق محمية الاطراف عن كل هاوي من غير بس هههههه ، ،، ، |
التعديل الأخير تم بواسطة كديميس السيحاني ; 12-10-2021 الساعة 07:24 AM
|
12-10-2021, 11:25 AM | #35568 |
حزب العاصفه
|
هههههههههههههههه اعتراضيه
ابو منصور صح الله لسانك ولا فض فوك رائع بجميع المقاييس لاهنت وبيض الله وجهك شاعرة نجد لله درك ابدعتي وامتعتي ولاهنتي الجوهره صح بدنك زذوقك ولاهان راسك ودام حضورك المشكله اني لاحظت حضوركم من بعد الـ12 وانا لو وصلتها مشكله كبيره هههههههههههههه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ ان طوَّل المسجون في سجنه على قلبه خطر قولوا له يسوي كفاله او ندور له كفيل في عقله الباطن سطر /في ملهمة شعره بطر تورده عِدٍ روي وماه طعمه سلسبيل يغوص غبات الخليج من راس مشعاب لقطر ما كب لاهل الغوص من ما يجمعون الا القليل وقنوف هجس العاصفيه هلهلت مثل المطر تغرف بحر تنحت صخر ما تعترف بالمستحيل سبت الرجل من كثر ما اتبعهم مع الدرب انفطر امرح على الساقه ليا باتوا وعند الظهر اقيل احاول اعانقهم/اكتب شطر ثم امحى شطر اعجب بما جابه هجوسي/احسب ان ماله مثيل ومن بعدها ودي تساعد يالهجوس بكم سطر باللي بعد ما حل بين الحدب نادا بالرحيل ليته ايلين اقنع من الاسباب في ملكه نطر ولا تركني دون علم احط بظنوني واشيل ********************************** وبس ههههههههههههههههه |
|
|
|