هنا .. سجن القوافي !!

حمام الورق ليته في لحونه
شعا خافي قريحه في غيابه

ولا غنا ترانيم ام سالم
يضيع العود مع جر الربابه

على مركاي اراعي للمجره
ولا شفت النجوم من السحابه

سحابة صيف ما ترزم رعوده
على قول المثل رزقه هبابه

الا يالله طلبتك يا إلهي
بنوٌ سيله يغطي هضابه

تباشر به عيونّ يرقبنّه
مثل ما يرقب مْهاجر لايابه

الجووهره ,ناصر الهواوي ,شاعرة نجد معجبون بهذا

أول التسالي لـ السجينه..

جر قلبي من اللي فيه جر الحمام
للحون الجميله مع شروق الصباح

آهـ لو جتني الفرصه على مايُرام
كان اجاوب واجيبه مع هبوب الرياح

وانسج خيوط ودي بالغلا والغرام
واطلب مْن المشاعر والشعور السماح

واستعيد القصيد العذب واجلا الظلام
واشعل شْموع حرفي بين جد ومزاح

مابغيته صحيح فْـ هُو صحيح وتمام
ومابغيته مزوح اسدل عليه الوشاح

واتغنّى واغني عـ الهوى ياسلام
مثل عذب القراح ومثل زرق الرماح!

الجووهره ,ناصر الهواوي ,كديميس السيحاني معجبون بهذا

يا صدري اللي يضيق ليا غشاه الغبار
ارتاح لا تتعب انفاسك و صمتي كفا

و على زهور الحديقه تم فتح الستار
و الليل دامس و ولع شمعتين الدفى

شاعرة نجد ,الجووهره ,ناصر الهواوي معجبون بهذا

الصدر ضاق به النفس ما للغلا عندي قياس
ولا فاد في حظي معك ضحكات سن وفبركه

الجرح باقي ما اندمل رمش الكسل قوي باس
واسيرك اللي تنزف جروحه علامك تتركه

وإن قلتي احساسي كذب من كهرباك الالتماس
حتى الجبال الراسيه بالكهرباء متحركه

وانتي صحيح انك هنا لكنّك بعيدة مراس
و لو حبل وصلك في يدي والله لعقده واشركه

حتى الغلا يطبع بقلبك منه نسخه بإقتباس
مما بقلبي من غلا للوصل لازم جمركه

يافاتنه ياللي على جيلك لبستي تاج ماس
لعيونك القاف ءيخضع والمعركه متمعركه

شربكت لهجات العرب صافي ذهب مابه نحاس
الناس قالوا شربكة وانتي ووصلك ش/بركه

ياللي فهمتي صافي المنطوق من دون التباس
انتي سراب لضامي الحمه ويقفاه ءدركه

اشرك غلاك من الغلا حذرى عليه الانتكاس
في الروح يشركه الغلا والا مع الله ما اشركه

و يضيق به صدر و نِفَس والا الغلا ماله قياس
ويوم(ن) تجود به الوصل من جد عندي ماابركه

شاعرة نجد ,الجووهره ,ناصر الهواوي معجبون بهذا

صح لسانكم وسلمت ذائقتكم ودام ابداعكم المميز



ناسٍ تعذر قلبهم من غلاهم

لو من جفاهم وسط جوفك حواسيس

وناسٍ تشوف قلوبهم من صفاهم

أصحاب ذمه والنوايا فوانيس

وناسٍ تضيع حقوقها من حياهم

وناسٍ تحفر لليتامى دواسيس

وناسٍ تضيق ولا تبين خفاهم

ما شالوا الزله إليا جات من هيس

وناسٍ يديهم في حلوق اقرباهم

ولا البعيد يردهم بالمدابيس

وناسٍ تزينهم ويطغى رداهم

لان الردى بالعرق ساسٍ وتاسيس

دون المعونه ليت تسلم وذاهم

والله يعوض خير عند الهلابيس

شوري عليك إن كنت تنشد دواهم

الطيب ما يثمر بناسٍ مناجيس

لا تشيل هم ولا تعبر لحاهم

لأن الجبل ما يشيل هم القراطيس

شاعرة نجد ,الجووهره ,ناصر الهواوي و 1 آخرون معجبون بهذا

كديميس السيحاني

‏تمنيتك قبل لا أعرف تفاصيل الوله والشوق
وخذاني الحلم لأبواب الغرام وأول .. دروبه

وتخيلتك ، على لطف النسيم البارد المسروق
من أحضان السماء وأول صباح وليلنا دوبه

الجووهره ,ناصر الهواوي ,كديميس السيحاني معجبون بهذا

‏ياللي محبتك لابقت ولاخلت
يامرحبا بك عقب ماغيبتك طالت
صوتك يشابه مطر وسمية هلت
فوق ارض بدوٍ لها عامين ماسالت
بعدك الاصوات لو كثرت ولو قلت
متساوي صمتها عندي بما قالت

الجووهره ,ناصر الهواوي ,كديميس السيحاني معجبون بهذا

اقتباس:

المشاركة الأصلية كتبت بواسطة شاعرة نجد

أول التسالي لـ السجينه..

جر قلبي من اللي فيه جر الحمام
للحون الجميله مع شروق الصباح

آهـ لو جتني الفرصه على مايُرام
كان اجاوب واجيبه مع هبوب الرياح

وانسج خيوط ودي بالغلا والغرام
واطلب مْن المشاعر والشعور السماح

واستعيد القصيد العذب واجلا الظلام
واشعل شْموع حرفي بين جد ومزاح

مابغيته صحيح فْـ هُو صحيح وتمام
ومابغيته مزوح اسدل عليه الوشاح

واتغنّى واغني عـ الهوى ياسلام
مثل عذب القراح ومثل زرق الرماح!

لافض فوك ولا انلجم لسانك
وجبت مجاراة هالكايفه



‏
‏

غن ياليل دام الطرق فيه انسجام=والمجارى صداي لصوت ضبي البراح
ماعليّه ملام و لا عليها ملام =في مجارى القصايد والنوايا صُحاح
تستلج الصدور و يستباح الكلام=ان سمعنا حمام الورق جر النواح
كل هجسٌ ينادي يا القوافي الهمام=جاوبي ساجع الورقا بما هو مباح
و الله اني صويبٌ ما اشتكي من هيام=و من شكى من هيام وشوق مطلق سراح
كل هجسٌ عليه مْن الليالي عسام =وكل عدٌ نضح من مشربٍ له قراح

‏[/quote]

الجووهره ,ناصر الهواوي معجبون بهذا