آخر 10 مشاركات |
|
انشر الموضوع |
|
أدوات الموضوع | انواع عرض الموضوع |
29-08-2021, 10:01 AM | #34601 |
حزب العاصفه
|
إن الاومور اذا استقبلتها اشتبهت
وفي تدبرها التبيان والخبر(حكمة اليوم) ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ اهلين يالجوهره وحياك الله ونسأل الله العظيم رب العرش العظيم ان يشفي اختك شفاءا لا يغادر سقما وان يجمع لها بين الاجر والعافيه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ ليال راحت والعوض بالمقابيل=يمكن تصير اخف واخير منها وايق سهيل وخفف البرد بالليل=ووجهة غرانيق الشمال إليمنها انهد من طول السرا عندها الحيل وفوق النخل تصبح تناغق لحنها وللورق نوح وللمزارع تماثيل=كنه لماهي تشتكي ناب عنها زودٍ على ما بالصدر من غرابيل=ونفسيةٍ فقد الحبايب شحنها اغضو عن الفهم الخطا للاقاويل=لاكيفها لاكمها لازمنها ياما فقدنا غاليات ورجاجيل=من اللي دفنه الوقت واللي دفنها طولتها لو كان ما قصدي اطيل=لكن حلاة العمر مرٍ ثمنها |
|
30-08-2021, 12:49 AM | #34602 |
حزب العاصفه
|
السلام عليكم ورحمة الله
وعودا حميدا يـ الصقري والحمد لله ع سلامة الوالد مايرى بأس وطهور ان شاء الله والله يشفي اختك جوهرتنا ويفرحكم بعافيتها وطهور وذنب مغفور ان شاء الله وصحت السنتكم شعراؤنا لاعدمنا ابداع المبدعين وحضور رواسينا المتواجدين وسلمتم ودمتم,’’ |
سبحانك اللهم وبحمدك
أشهد الا اله الا أنت,أستغفرك واتوب اليك |
30-08-2021, 12:56 AM | #34603 |
حزب العاصفه
|
وين السجينه؟ ياخفير السجن فك الباب انا جيت لْرحيل
بالتسالي يوم بالي طاريٍ له ماطراه بـ اتسلا وابسليها ولو شيٍ قليل المهم مْن القصيد العذب,صادق محتواه اسمعي عذبي ترى مـ عاد باقي فيّ حيل واعذريني لو حزنتك ضيقة الصّدْر وُشقاه فرصتي لاذعذع النسناس والا تالِ ليل والا لـ غنَّى جزيل القاف وابدع في غناه أتهيض إي واهيّض من مثل حملي يشيل ويتذكر ويتفكر في مقاسيم الحياه ياحلاة الصبر لو يامُرّه الصبر الطويل كم وكم من راح عمره مالحق غاية مُناه |
|
30-08-2021, 01:23 AM | #34604 |
|
مساكم الله بالخير
✋ ، ،، ، |
لو جيت ابا اردع هجوس الفكر ب هيامي = يكفخ كما الطير لو هي ربطت اسبوقه درب الموده يضيع بساحة احلامي= مزن الحيا في حياتي تكشف بروقه http://www.r111n.com/showthread.php?t=9220 |
30-08-2021, 01:31 AM | #34605 |
|
اقتباس:
وين السجينه؟ ياخفير السجن فك الباب انا جيت لْرحيل بالتسالي يوم بالي طاريٍ له ماطراه بـ اتسلا وابسليها ولو شيٍ قليل المهم مْن القصيد العذب,صادق محتواه اسمعي عذبي ترى مـ عاد باقي فيّ حيل واعذريني لو حزنتك ضيقة الصّدْر وُشقاه فرصتي لاذعذع النسناس والا تالِ ليل والا لـ غنَّى جزيل القاف وابدع في غناه أتهيض إي واهيّض من مثل حملي يشيل ويتذكر ويتفكر في مقاسيم الحياه ياحلاة الصبر لو يامُرّه الصبر الطويل كم وكم من راح عمره مالحق غاية مُناه ،، ، مدري وش خلاني اصحي من النوم وادخل الرواسي في هالوقت !!! 😁 ، ،، ، يا رحيل ان كان نجد من التسالي سال سيل قولي الشايب تهيّض يوم ذكرته صباه من منامي كيف صحاني وانا ماني عليل كنه اللي مرسلٌ مرسول وانا اسمع نداه و يوم جاريت القوافي في المثل صبرٍ جميل قالوا الدنيا ممر ،، وطبعها مر وحلاه و الله اني ما امن الدنيا و لو هي سلسبيل و والله اني ما اركن للذاتها باي اتجاه انسفيها بحزنها نسفك لمنسوع الجديل وما يصيب الآدمي غير اللي ءكتبه الإله ارتجال الشايب اللي ما يسير بلا دليل ستة ابيات ارتجال بلا ورق والا دواة ، ،، ، |
|
30-08-2021, 11:26 AM | #34606 |
حزب العاصفه
|
ياحلاوة شاعرتنا وانت يالشاعر حليل= هي كما الخنسا وابو الطيب صحيح انتا كماه
كل قاف من الثنين بطعم شهد وريح هيل=بوصلة هجسي مع القيفان في كل اتجاه والتسالي للسجينه مير ما شيفت رحيل=ياعسى كوفيد ناينتين يبعد ياعساه انتروع كل ما احدٍ غاب وانحط ونشيل=ولاش حول وقوه لمخلوق من دون الاله الخفير المنتسب خيال لو ما فيه خيل=لا يحضر ولا يحضِر من نبي مابه حياه اشهد اني متهمه للبعض مندوب وعميل=لو يوافينا بتقريره عن السجن/ابـ هواه يالحمام اللي تفيا فية النخل واتقيل=بالعسيب ليا ركد وان هبته ريح بذراه فل ريشك طر جنوب وناحر لمطلع سهيل=وانت في وضعي خبير وتعرف اللي منك اباه كان مريت ولقيته هات لي معك الدليل=وخل سيف الحزن كان الوضع محزن في خباه |
|
30-08-2021, 11:52 AM | #34607 |
حزب العاصفه
|
ارسلت لو ما احب اراسل على النت= لكن عدم رده حداني على ذا
حتى الوناسه من قديم استكنت=والضيق حل وبالاله المعاذا بنية الدوح ان تصبرت ونت=ما خلت الورقا لمثلي ملاذا بريف الفياض العين ياما تهنت=ليا غشنها من قنوفه رذاذا وصاب العطش خضر الغصون وتثنت=من شافها يقول به صار ماذا وردي عليه المزن بالغيث منت=ونتيجة اللي صار من ذاك هذا وبس هههههههههههههه |
|
30-08-2021, 03:18 PM | #34608 |
|
اقتباس:
وين السجينه؟ ياخفير السجن فك الباب انا جيت لْرحيل بالتسالي يوم بالي طاريٍ له ماطراه بـ اتسلا وابسليها ولو شيٍ قليل المهم مْن القصيد العذب,صادق محتواه اسمعي عذبي ترى مـ عاد باقي فيّ حيل واعذريني لو حزنتك ضيقة الصّدْر وُشقاه فرصتي لاذعذع النسناس والا تالِ ليل والا لـ غنَّى جزيل القاف وابدع في غناه أتهيض إي واهيّض من مثل حملي يشيل ويتذكر ويتفكر في مقاسيم الحياه ياحلاة الصبر لو يامُرّه الصبر الطويل كم وكم من راح عمره مالحق غاية مُناه صح لســــــــــــــــــــــانك ؛/ يالفخامه |
الخط يبقى زمنا بعد كاتبه ،،، وصاحب الخط تحت الأرض مدفون |
|
|