آخر 10 مشاركات |
|
انشر الموضوع |
|
أدوات الموضوع | انواع عرض الموضوع |
26-03-2021, 02:49 AM | #33985 |
|
السلام عليكم وأسعد الله فجركم وصباحكم
واسعدكم في نومكم وأحلامكم ‘‘ وصحت السنتكم وأبداكم وأهلا بشاعرتنا نجد والحمد لله ع السلامة بعد الغياب وأهلا بالجميع وشكرا لكم |
|
26-03-2021, 02:55 AM | #33986 |
|
ماشاء الله عليكم سابقين في الترحيب والعلوم الزينة
وما عليكم زود . & يا مرحبا ترحيب من روس الأخوان = وترحيب من راسي وراس الهواوي باللي لفى يوم أختفى شهر ما بان = مثل القمر لا غاب ياتيك ضاوي من دلة الهيلا نقهويه فنجان = مبهرة بالهيل والعود جاوي أعلامنا وأحلامنا دوم صنوان = وآمالنا تمضي بدرب الرجاوي وشيخنا خيال يسلم كحيلان = من حكمته ساق الحِكم والفتاوي يا ليت حظي سار وأعطيه عنوان = وأحقق أحلام اللقا والهقاوي خطوة على خطوة ودانه على الدان = والساق ينقلها ليا صار ناوي ^-^ وسلامتكم |
|
27-03-2021, 12:23 AM | #33987 |
|
هلا بك شآعرنا الدنيش
وصح لسآنك على هالرآئعه ويستآهلووووون شآعرتنا المبدعه ومستشآرنا خيآل |
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك |
27-03-2021, 06:33 AM | #33988 |
|
|
الخط يبقى زمنا بعد كاتبه ،،، وصاحب الخط تحت الأرض مدفون |
27-03-2021, 11:46 AM | #33989 |
حزب العاصفه
|
اهلا وسهلا يابو عامر وصح الله لسانك واعتلى شانك وما قصرت
حي لله الجميع وعدكم بالابيات اللي صارت بيني وبين الشقاوي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ يقول الشقاوي /ابو زياد
ياهاتفي ب اوكلك بالمراسيل=مادام برج العاصمه متصل لي لي صاحبٍ عسى مرابيه للسيل=دارٍ تضم اهله وضمت هلٍ لي هذي مكاتيبي ولا يمسي الليل=الا محله تاصله من محلي عودٍ لو ازوره محبه وتبجيل=قحص على شونه من اجلي يهلي ماكني امقفي من ابريل لبريل=اقفاي حرٍ شاف خربٍ مولي عز الله اني فيه قصرت بالحيل= لو ان لا ودي ولاكان دلي لكن باذن الله لجي بالمقابيل=ان كان ربي في حياتي مهلي ************************************************** ***** قلت
ياهاتفي دندن على نافل الجيل=فرخ اشقرٍ بالنايفات امتعلي
رجل المواقف من نوادر رجاجيل= على محياه النبوغ امتجلي كم ميل بين الجدي عن نجمة سهيل=عنه الردى ابعد بل يزيد الف ملي سلطان ما يشكي رفيقه من الميل=بسماحة اخلاقه يسمى مسلي اقابله لا اقبل جري سبَّق الخيل= ما جا لزوم الشون جعله يولي اما بكاسرت الركايز من الحيل= والا بمفرودٍ مع امه مفلي |
|
27-03-2021, 12:20 PM | #33990 |
حزب العاصفه
|
وش نويت الله يسامحك ما ادري وش نويت
كش شعر الراس من راعتي من ما تقول لا تبرر مقصدٍ بان لي في كيت كيت الغلا منسوبه اشوف حاصل به نزول انت كنت ليا تغيبت ليله ما تبيت وهالسنه من شوفتي لو ربع ساعه ملول كان ذي صده فقل لي على ماذا بنيت كنت اقول اللي حصل منك لظروف وتزول لاتقوم بدور من وهقوا وراد هيت ضيع العِد الرهاوي ولا دل الدحول |
|
28-03-2021, 12:44 PM | #33991 |
حزب العاصفه
|
اول ليا مريت بالحي ضايق
ودوجت به غادرت حيك بلا ضيق وهالحين اجي سالي واروح متضايق مكسور خاطر منكتم ناشف الريق منه الرجا نعسان والياس فايق لولا الضلوع القلب تل المعاليق تبي الصدق ما نيب للصبر طايق يكفي كذا ماعاد للفراقك اطيق توت ودرر ورموش عكش وشقايق ابداع قادر غربلن العشاشيق |
|
28-03-2021, 01:03 PM | #33992 |
|
مسائكم غيم
لكم وحشه بس مو واجد ههههههههههه < امزح اخباركم وكل عام وانتم بخير والله يبلغنا وأياكم رمضان لا فاقدين ولا مفقودين ليت كل الناس بأوصاف الغيوم لا سـواد .. و لا نفـاق و لا ريـا تسكب الامطار من فوق الهموم و تنثر الدمعه على شـان الحيا |
فِــيَ صَــمَــتــيَ كْــلآم ْ.. مَــآ يـَـفــهَــمَــهَ كِــلْ إنــسَــآنْ وفـِـيَ شِــمَــوَخِــيَ مَــهَــآبــَه تِــعَــدَت كِــلْ الأوَطَــآنْ !! |
|
|