هنا .. سجن القوافي !!

اهلا يالنجلاء وصح بدنك
ـــــــــــــــــــــــــــــــــــــ

الكلبش الرمش واعيانه هي الزنزانه=لكن ارحم سجنته لي فيه من سجن الرواسي
انعم بهمسه بلمسه بالرموش اوجانه=ياورد جوري تخالط مع زهور الآاسي

صح لسانك ي ناصر الهواوي ~
مبدع وجزل كعادتك ~
النجلا والمهره ذوق راقي لاعدمتكم يارب ~

تسليه ختاميه ~

ماعاد فيني اليوم عزم وإصرآر ~
الوقت اعطاني حموله كبيره ..

هدت حيل القلب وخلته محتآر ~
مابين اليأس وأحلام ن كثيره ..

يظهر على وجهي حزن الأقدآر ~
ليت الهموم منه تصبح صغيره ..


بقلمي ~

يالقريحه بالمعاني نادي السيحاني=ودي ارسل له بيوت الشعر واسمع ردّه

خابره شاعر تكانه مبدع وفنّاني=والليالي من غثاها .. ماتبيح سدّه

مانسنّد ب القصيد الا على الشجعاني=والضعيّف مانبي له شي لابو جدّه

جيت ابشكي له همومي واحكي بما جاني=والحياه همومها للأدمي .. ممتدّه

كنت احب انسان غالي واقرب من اخواني=لين شفته قام يبدع في جفاه وصدّه

ثم عطيته كلمتينن من صميم لساني=وابتعدت وقلت للهجران عانه وده ..

هو يحسب ان الكرامه عندنا مجاني ؟=لو يموت من القهر ماقول حبك ردّه

ولو دموعه فوق خده شبّت النيراني=ماطرى لي .. يوم اجي له واتطلّب ودّه

السلامه تتبعه ياصاحبي .. والحاني=قد وصل حدي معاه .. وليت يعرف حده

صح الله لسانك يابو عبيد
وصح لسانك غزوله
سامي الغنامي صح الله لسانك ع هالرائعه وننتضر رد الهواوي

صح بدنك ي نجلا ..

وان شاء الله يحضر .. المسجون هههههههه

صح لسانك ياسامي
اهلا يالنجلاء

مرحبا ترحيبةٍ عطورها الريحاني=ودهن كمبودي ماولع بالقديحه نده
يامصوت للسجين ودونه السجاني=لو بغى يفزع يلاقي في طريقه شِده
لكن الدعوى عنى منها الرفيق يعاني=لو عصى باب السجن سور السجن لاهده
والعلوم بلا فعايل مالها برهاني=والتروي بالمسايل لازمٍ لابده
انت مجنيٍ عليك وبالحقيقه جاني=وكري الصبر المبرقع وش بلاك اتهده
بالتنازل للغلا ما يرجح الميزاني=من مواجيب الايتيكيت الخضوع انعده
من ثلاث اثنين راحن والبقا يافلاني=وادرك الباقي بسرعه لاتفوت المده
وحاضر بمالي وجاهي يافتى وسناني=ما تبيه اخذه وما استغنيت عنّْه رده
والسموحه كان ما جازت لك القيفاني=والله ان الفكر باقي له نحاها لده

الله الله
ياسلام عليك يابو عبيد رد وافي وكافي وجزل
صح الله لسانك ملايين