هنا .. سجن القوافي !!

هااك القصيد اللي من الرووح للروح
ابيات عذبه لو قليل عددها

فيها الغلا والود جاري ومسموح
يطلع على ذيك الغيوم وبردها

ويمطر من الاشواق مع فااخر البوح
اللي كثير اهل الهوى تفتقدها

ماودي اسرح في سماا الفكر وارووح
بلاش خل اسرارنا في مهدها


لنجد
من اروقة السجن (؛

عبدالله الصقري ,الجووهره ,ناصر الهواوي معجبون بهذا

يا مساء الابداع
اهلا يارحيل وصح نقلك وصح لسان نجد بس اشوفها قامت تشوحنا بالغياب شوح ههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
عداك اللوم ياهجس القصيد اللي بنيت القاف
وعداك اللوم يالذوق الرفيع اللي نقل قافه

على بعض المعاني من تمعن خافقه ينلاف
لو ان القصد شرق وهو مغرب بالندب لافه

يحثه للحنين لفايتٍ ولى وهو ميلاف
على اول نقره لسلفه يدق ودار حذافه

لو انه قبل يقرا ما يدون ما عليه خلاف
على حبه وكسره يحترق لو السبب تافه
وبس هههههههههههههههه

رحيل ,عبدالله الصقري ,الجووهره معجبون بهذا

ياهلا بالجميع
منوورين
وصحت الالسن والاذوآق
ودآم حضوركم وابدآعكم

رحيل ,ناصر الهواوي ,عبدالله الصقري معجبون بهذا

اقتباس:

المشاركة الأصلية كتبت بواسطة ناصر الهواوي

سعادة مدير المنتدا الذرب كيف الحال؟
ومن عندكم من ربعنا وش هي احواله
تحيه بريح الهيل فوح بصفر دلال
بمجلس مثل مجلسك لافاحت دلاله
ذا تقديم والدعوى بسيطه مثل ما قال
ومن هو سعى بالخير يعطى ويدعاله
ابي منك رفع الحضر عن حضرة الخيال
وردوا عليه البشت والشال وعقاله
ابيض قلب يشبه لون قلبه بياض الشال
اللي داكنن لونه وورده يسوى له

صح لسآنك شآعرناا
ويستآهلون مديرنا ومستشآرنا

رحيل ,ناصر الهواوي ,عبدالله الصقري معجبون بهذا

تسآلي آخر الليل
للجمييع


‏جيتني والشوق بعيونك يبان
‏وشوفتك ماعاد صرت أشتاقها
‏.
‏⁧‫#كان_ياما_كان‬⁩ في ذاك الزمان
‏وصار ياما صار بعد فراقها
‏.
‏كانت الأشواق تمشي باتزان
‏قبل تجفاها و تكسر ساقها
‏.
‏لا تدوّر ذكرياتك في المكان
‏روّحت ريح الجفا بأوراقها
‏.
‏ويش جابك بعد مافات الأوان
‏وطارت طيور الهوى بأرزاقها !!

،،،،


‏فكو شبابيك الرضا ي مبعدين
‏ نحتاج شمس الوصل تشرق بيننا

،،،

‏عوّد الليل عقبك سرمديٍ يهاب
‏لا صفالي ونيس ولا غفالي جفن

‏ياهجوسي ولفت الهم والاكتئاب
‏ مثل ماتالف الورقا ظلال الغصن

،،،

رحيل ,ناصر الهواوي ,عبدالله الصقري معجبون بهذا

صح نقلتس وبدنتس يالجوهره والله يمسيتس ويمسي الجميع بكل خير
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
يسعد مسا من هو نسي من لانسيه
لو ما ذكرني عاد هو بالذاكره
قل له يامرسول الغلا هالصد ليه
العذر رغم انه تصنع حاكره
مزحه برزح وبعدها ما عاد ابيه
نكبه ولكني عليها شاكره
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
يابعد من حلوا بهالمعنى ورحلو
الرجاوي فيك من وقت صارت خايبه

إي نعم بالجيل نادر ومجمول وحلو
صافي جنيهٍ محكك ولابك شايبه

لكن الا عزة النفس ما ترخص ولو
شفت في عيني من الشوق كبدي ذايبه

ما تجبِّر كسرة الخاطر رساله وألوو
والمشاعر بالجفيا اعتبرها كاذبه

عبدالله الصقري ,رحيل ,الجووهره معجبون بهذا

الوضع يالسجن فاتر مالنا قوه ولاحول
حتى خفيرك اشوفه له شهر والجهد فاتر

نقول لعلها سجه تمر ايام وتزول
دخول برد ومنصه وامتحانات ودفاتر

ومن بعد ذا قول ياهجس القصيد بما ترا قول
باللي له اتتوق والقيفان من شانه تواتر

اللي عليه المشاعر ضاميه والفكر مذهول
وجرحٍ خفي ما ظهر حتى بشاعات التخاتر

النفس من حينها ما تحتمل والعقل مدخول
وضحك التصنع احطه دون من يشنون ساتر

عبدالله الصقري ,رحيل ,الجووهره معجبون بهذا

يسعد مسآكم
وصح لسآنك شآعرناا
ودآم حضوورك وابدآعك

عبدالله الصقري ,رحيل ,ناصر الهواوي معجبون بهذا