آخر 10 مشاركات |
|
انشر الموضوع |
|
أدوات الموضوع | انواع عرض الموضوع |
08-12-2020, 09:18 PM | #33073 |
حزب العاصفه
|
ان كان غزوى خذت قلب الهنيدي بالعيون الوساع
انا بسود العيون وخذت من غيدا بعد ما غزت برموش عكشٍ وقد وخد بالعتمه يجي له شعاع العين من بعد شافتها اقبلت واقفت تهنصر قزت من لذة النوم/ والطرس اشتكا من كثر حك اليراع عليه يوم القريحه للهجوس بما تريد اوعزت اثر الغلا من بلايا الوقت ما يشرى ولاهو يباع تبطي اباليس سطواته بقلب المبتلى ما خزت وبس |
|
09-12-2020, 08:20 PM | #33074 |
حزب العاصفه
|
اليوم والليله عسى ما بهم باس
من صبح يوم الاربعا مالهم جس السجن مريته خلي من الاوناس حتى الحمام بساحته مالهن حس وطب الفكر غبة طواري وهوجاس يسبح بها ويغوص بالعمق ويعس ولا فاد ما اراده من الغوص وانحاس وسعة الصدر منسوبها بعدهم هس ودنا القلم والشاذليه وقرطاس واملا على هجسه حروفٍ بها حس يساومه همه على اخماس واسداس ويرخي له بطان الصبر ثم يمتس |
|
09-12-2020, 08:43 PM | #33075 |
|
السلام عليكم ورحمة الله وبركاته
و اسعد الله مساكم بكل خير وسرور الله عليكم يالمبدعين صح لسانك يالهواوي وصح لسانك يالدنيش وصح لسانك يالصقري وصح ذوقك ولسانك خال وصح لسانتس نجد وصح ذوقتس جوج وصح ذوقتس مهوره جوج جعلك ماتفقدين غالي يابعدي |
مع احترامي وتقديري لمن هم هنا=ممنون انا واتشكر للزميله رحيل (ابو عبيد )
لو صار عن شكرها بالهجس ضعف ونا=الطيب الطيب اللي مبتدي بالجميل لفعولها الطيبه من قبل سامك بنا=بنت اصل عن ما عليه مربيه ما تميل |
09-12-2020, 09:38 PM | #33076 |
|
غلاك دونه جند و سلاح و اسوار
فـ قلوبنا مثل الدخيل المؤمن ندراه و نحفظه مثل حفظ الأسرار و نصد به عن كلمةٍ ما تثمن مكانة الغالين و الضيف و الجار هذي هي اللي ما تغير تطمن |
|
10-12-2020, 07:42 AM | #33077 |
حزب العاصفه
|
مرحبابك يارحيل وعودا حميدا وصح بدنك وذوقك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ يالجتي لجة عصافير النخل وقت الشروق ما ادري تصايحها غضب والا تصايح رايقه مع روعة التغريد نفس المستمع عيت تروق هل ما عجبها صوتهن والا لغيره تايقه مغيب شمس وونة الورقا وشعقات البروق ثلاث في جوف المعنى يشعلن حرايقه وايضا خضار الروض والميه مع الوجه الخلوق يقال صدر المنشحن تشرح بهن بنايقه |
|
10-12-2020, 01:42 PM | #33078 |
|
ابو عبيد . خل ابو بندر يرجع عضويته السابقه
ودي البس بشتي البرتقالي . بكامل الصلاحيات هو فهم الموضوع خطا انا كنت بسوي خير . في الصقري عدلت كلا مه وحطيت مكانه بيت شعر لأن مافيه شاعر يقول اتفلو في وجهي اذا شفتوني وجهير شاهده ع ذالك خلاص انتهت مدة الجزاء . شهر |
الخط يبقى زمنا بعد كاتبه ،،، وصاحب الخط تحت الأرض مدفون |
10-12-2020, 07:16 PM | #33079 |
حزب العاصفه
|
سعادة مدير المنتدا الذرب كيف الحال؟
ومن عندكم من ربعنا وش هي احواله تحيه بريح الهيل فوح بصفر دلال بمجلس مثل مجلسك لافاحت دلاله ذا تقديم والدعوى بسيطه مثل ما قال ومن هو سعى بالخير يعطى ويدعاله ابي منك رفع الحضر عن حضرة الخيال وردوا عليه البشت والشال وعقاله ابيض قلب يشبه لون قلبه بياض الشال اللي داكنن لونه وورده يسوى له |
|
10-12-2020, 07:59 PM | #33080 |
|
اسعد الله مسا كم بكل خير
مساء العافية والخير الجميل البقى يا ابو عبيد صح لسانك شاعرنا وصح لسااانك ياابو عبيد ويستاهل الخيال |
|
|
|