هنا .. سجن القوافي !!

هلا بك شآعرتنا المبدعه
نورتي بعد الغيبه
وصح لسآنك ودآم ابدآعك
والله يحقق لك كل أمنيآتك وأحلامك

رحيل ,ناصر الهواوي ,عبدالله الصقري و 1 آخرون معجبون بهذا

خيال مطير

صح لســـــــــــــــــانك شاعرتنا

تسليه فجريه .. الشاعر مرشد بن سعد البذال الرشيدي قبل وفاته

يحول اضن الحق جتني طروشة

جتني مطاليبه وانا عنه منحاش

اليوم كن بداخل الجوف هوشة

مثل اختراش الزلم في داخلي جاش

يالله عسا عفوك ولطفك نحوشة

يالله بحسن الخاتمة عند الاقراش

دنياك لو تعطيك زين المعوشة

تالي دعاويها تعود على ماش

ياما خذينا باول العمر شوشة

وياما مشينا مع مضاهير وادباش

في خايع وبل الثريا رشوشة

نجني الزبيدي في صحاصيح ودشاش

وياما جلسنا مع مرودع نقوشة

في سهلة ماحدرنا زل وافراش

في وسط روض مخضرات خفوشة

نبتة جديد ومبعدين عن الطاش

خلي يكلمني بنفس هشوشة

بس العجوب وعرضة انظف من الشاش

نبنوب لاخبلة ولا بمخروشة

عنق الغزال مذيرة زول حشاش

لاشك من طول الغياب محشوشة

تونس معاليق من الهجر عطاش

اسرار في وسط القلوب مخشوشة

بين الثنين ولادرى عنهم الواش

ربعت وفا والا السلب مانحوشه

ماني لوجه معذب الحب خماش

واليوم مالي مع هل الصيد نوشة

عطيتها غيري بلا غير ببلاش

عند الطبيب وصار عندي وحوشة

ومن الاقامة صابني خوف واخراش

هالحين شفني نايم عقب دوشة

اصلب عظامي وكن بالحيل هشهاش

خليت ديواني وبيتي وحوشة

اليوم شفني ساكن دار الانعاش

رحيل ,ناصر الهواوي ,عبدالله الصقري و 1 آخرون معجبون بهذا

الجووهره

صحَّت الألسن و الابدآن و الاذوآق


و ذي مشاركه جديده في تاج القصيد حبيت اشاركها معكم هنا

و هي من إرشيفي الغابر

هههههههههههههه




تَغَنَّى بي و لَحِّنِّي بـ كيفك
على المسحوب والا سامريَّه
و خلّينا بـ هـ الليله نغنِّي
خواطرنا يسلِّيها سهرها


أظلّ ان جيتني في الدار ضيفك
تهلِّي بك أحاسيسي نديَّه
جذبها هآجسي منّك و ظنّي
و غيمه ما يجود اْلنا مطرها


ألا يا من سرق هـ الموق طيفك
و عَتَّم بـ النظر . وشعآد ليَّه
أنا بـ شفآتك الترف اْمتعنّي
و لا علّيت من صافي نَهَرها


وليفي لا تماري لي بـ زيفك
و لو كانت همومك سرمديَّه
إذا خفت الحكي عنَّك و عنّي
ترى الدنيا خذت وجهة نظرها


حبيبي من عيونك رد سيفك
ولا تسفك دموع ٍ نرجسيَّه
و يالعبره جرحتيني . تمَنَّي
يجيك الدرّ من غبَّة بَحَرها


ترفَّق لو طغى بـ شتآك صيفك
و ملِّ الكآس . خَلَّ الشآذليَّه
ينسِّينا و قرطوعه يهنِّي
و لو خآن الصدور وما سترها


و لا تندم ولا يزدآد حيفك
ولا تبكي من اوتآر ٍ شجيَّه
كتب ربي على نآس ٍ تغنِّي
لـ نآس ِ ما يفارقها كدرها


من إرشيفي الخاص
1419/5/1هجري


و سلامتكم

رحيل ,ناصر الهواوي ,الجووهره و 1 آخرون معجبون بهذا

خيال مطير

السلام عليكم ورحمه الله وبركاته
مسائكم خير وسرور
صحت الالسن والاذواق
دام حضوركم وابداعكم

عبدالله الصقري ,ناصر الهواوي ,الجووهره معجبون بهذا

استباح الشوق قلبي وذعذع له هواه

وامطرت سحبه بوسط العروق وبلها

آه يا قلبي من الشوق واللوعات آه

الجروح اللي تتالت خفوقي ملها

كيف اعذل القلب عن نيته واخلف نحاه

القلوب الى انتحت غصب وش نعمل لها!

يا شقا قلب تبلاه شوقه وابتلاه

كل ما يسلى تجيه الهموم بحلها

عبدالله الصقري ,ناصر الهواوي ,الجووهره معجبون بهذا

ترى الجفا في حق غيرك جريمه

غيبتك زادت هم من كان مهموم

وأمست همومه وسط صدره مقيمه

إلك الغلا بين الملا جاك مقسوم

والحب غايه للنفوس الكريمه

ما يلحق العاشق بعشق البني لوم

ملامة العاشق تراها ظليمه

عبدالله الصقري ,ناصر الهواوي ,الجووهره معجبون بهذا

يسعد مسآكم وكل أوقآتكم

خيال
هلا بك ويسلم ذووقك

هلا بك شآعرنا الصقري
وارشيفك وجديدك عآمر بالابدآع
صح لسآنك ودآم حضورك وابدآعك

هلا بك مهووره
نورتي بعد الغيبه
ويسلم ذووقك

رحيل ,عبدالله الصقري ,ناصر الهواوي معجبون بهذا

حيا الله الجميع
اهلا يالجوهره ايه خيال شاعر بس بخيل
ارحبي ياشاعرة نجد وصح الله لسانك ولا فض فوكي
ارحب يالخيال وصح نقلك ولسانك
ارحب يالصقري وقديمك جديد وصح لسانك ولاهنت
اهلا بالمهره وصح ذوقك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
نار تسرج قدم عيني ونارٍ ما تشاف
تدهر بين الحنايا الرهايف خافيه

الغلا لا بدله من يودك بالعياف
اعتبرها قاصمة ظهر مره كافيه

بكل ماهو دونها تعتبر ما بك خلاف
لو يزيد الضغط ما فيك غير العافيه

والشقى والضيق والحزن وانواع التلاف
لا طلبته ثم اجابك بـ..لا النافيه

رحيل ,الجووهره ,عبدالله الصقري معجبون بهذا