هنا .. سجن القوافي !!

اقتباس:

المشاركة الأصلية كتبت بواسطة ناصر الهواوي

اكيد ما غديتو السيد زيني؟!!!

غزلان زيني ما بعد فك ريقه=وزيني على ما اوحيت ما يحتمل جوع
شوفي لنا يا هانم احسن طريقه=غدي نزيل السجن لو كم جربوع
نفسي يابنت الناس ماهي امفيقه=بالغصب ما طاعت ولاجات بالطوع
لهودها من من توده عميقه=وفيوز تفكيري من الليل ملذوع
وان حاولت ترتاح عيني دقيقه=ابعد عليها النوم من حبة الكوع

وتصبحون على خير<<<<<<<<<<<<او حنا الظهر ؟؟؟؟

. يالهواوي عطني من وقتك دقيقه~
هاذي كلمتين وبحط لك حولها شموع ..

الزيني أنا له أخت وصديقه ~
وإن بغى الفزعه ترى مااغديه جربوع ..

بغديه الذبآيح و زمزم يبل ريقه ~
والحلا يجيه في صواني كل الإسبوع ..

وأنامآنب بنت ن مرهفه ورقيقه ~
بنت شآيب ن دربه كله كرم وسنوع ..


وسلامتك يالهوووواوووي ~

صح لسانك ناصر وصحت السنتكم شعارنا
وصح بدنكم لاهنتم

دياري سماها صقور والضلع فيه نمور=من السافي المنقاد لاهب كافيها
عليها المطر هتان والسيل جاها حدور=ونا مرتكي والنار عن بعد اصاليها
وحرها مع الجربوع يعدي عليها طيور=تسافر لها بالخبت وتصيد خافيها
على السختيان تحوم والصيد بين جحور=تطارد سحالي البر والا تلاويها
ولاشفت لي حورا شعرها حدر منثور=هذي منوتي يالعود ماني بشانيها
لياصار ابها العود بين العرب مشهور=ابيها على المله وابقنا ذراريها

اهلا بالجميع وصباحاتكم حلوه وسعيده
اهلا ياغزلان وصح لسانك والنعم فيك ولا قلت فيك الا خير
اما من ناحية الكرم مافيه للمهره ند الا النجلاء من اول ههههههههههههههههه
اهلا يابو بندر
ارحبي يالمهره
صح لسانك يازيني
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ

عليك الله ياورق الحمام اللي تجر النوح=عط الفرصه بقية يومنا هذا العصافيري
شعيت الهجس واذكيت الشجون بخاطر المجروح=وعكرت المزاج وحست بالاحزان تفكيري
اما رح عن نخلنا والا انا يالراعبي با اروح=وابا اقول إلطيورٍ عششت وسط الحشا /طِيرِي
لدارٍ من رباها لي زكيات العطور اتفوح=لو ان منها مواعين الرجا مغسوله بفيري
لكن شوفة منازلهم تشوح الحزن عني شوح=لو الصدر ايتنفس من هواء ذكراه /لا غيري

هلا مرحبا ماشعشعت شمسها بالنور=وما زين شموع الكهارب مبانيها
ومابين العبادي لين عهد يحكم تيمور=وعدد ما لعت محالها في سوانيها
انادي لجرد سهالها واتحدى للطور=وانا قصدي اتفضفض بعلات كانيها
ترا كتمها يثر على القلب والحنجور=تصبح مزمنه تالي حياتك تعانيها
ولا احدٍ تمنى ما تمنى بقصد فجور=حتى العود هزلات الحكا ما يدانيها
لكن لو تشوف اللي رأى قلت له معذور=وعودت كبدك لاهب الوجد كاويها

صح لسانك ي الهواوي والاكيد مافي مثل نجلا ومهوره ~
ودي وتقديري لسموك ~

ابو عبيد صح الله لسانك على هالروائع والابداع
الصارم ياهلا والله فيك وصح الله الله لسانك ودام ابداعك
غزوله صح الله لسانك يالغلا
شاعرة نجد ياهلا والله وغلا نورتي سجن رواسي ولاتقاطعين يالغلا
مهوره تسلمين يانظر عيني ع التسالي والتواجد الرائعوالمميز

غزلان
الصارم
الهواوي
صح السنتكم ياشعراء رواسي
مبدعين ماشاء الله
نجوله منوره يالغلا

الشاعر محمد الغنامي
والشاعرات
النجلا والمهره وغزلان صحت ابدانكم وصحت السنتكم بعد

وصح لسانك يالعود

بعد مالك النصري لجام الفرس مكسور=ودريد الصمه في وادي السيل يثنيها
سلامي على لابه تهز العدو وتثور=من السيل لابقران وكلاخ حاميها
ولا قول فيك قصور يالشاعر المشهور=تجب النوادر من بيوتك وتهديها
تعوم البحر ياصاحبي كنك البابور=ودره ومحاره جنا العود غاليها
اشوف البنر في صفحة المنتدا منشور=عليها قصايد كل واحد يغنيها
وانا قصدي اتعلم ورفبي سنه وشهور=وبكره دروس الشعر بالكاد نجنيها