آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
07-11-2020, 06:15 AM
|
#32710 | |
 
|
أطيب قلوب الناس حنا سكنا = بأطيب أحاسيـس الغلا والأماره بين الضــلوع مشيدينه وطنا = عنوان عشق وطيب مابه خساره ماقد كذبنا والدموع إفضحنا = ولــو هـو فقدنا مايجينا جساره مايشتري عمر الغلا غير حنا = ولانشتري غير الوفى مع طهاره لا تصدق اللي قال عنا وعنا = ردد معـي ردد صـريـح الـعباره كنا هنا بس الـزمان إمتـحنا = وذوق خواطـرنا الرحيل بمراره |
|
|
|
07-11-2020, 06:20 AM
|
#32711 | |
|
=ليتك بقيتي ياحياتي صغيره =كان الفرح عن دنيتي مابعد غاب =ليتك بقيتي فالضروف العسيره =اللي بها قلبي من العام ماطاب =قامت تزايد قلت لعل خيره =الامر امر الله ما منه مجناب =بكره يزين الحال ويطلق اسيره =ويعيش عيشة حر في راس مرقاب =ويمد بيدين الغلا للاميره =وتبادله نظرات حباً مع اعجاب =ياللي ملكتي حسن كل الجزيره =أنتي ترا للزين قبله ومحراب =انا أشهد ان الروح بعدك خطيره =وانا أشهد اني عاشقك ياام الاهداب =لكن ضروف الوقت صارت مجيره =وطارت طيور الصيد واصبحت منصاب =ياشين حظ اللي تحدد مصيره =وحكموا عليه بحكم ظالم وبغياب =حكم البعاد اللي يهد المسيره =ويقطع رجاء من مد في وصلك ركاب =روحي فمان الله وأقول خيره =والامر امر الله مامنه مجناب =لكن ياروحي لو بقيتي صغيره =كان الفرح عن دنيتي مابعد غاب |
|
|
|
|
07-11-2020, 06:24 AM
|
#32712 | |
|
يالله يلي ماش غيرك رجيته = يالواحد الي ترزق الحوت والطير يا عالمٍ بالسر لو هو خفيته = يا مقدر الارزاق للخلق تقدير ما اطلبك يالله رد امرٍ قضيته = الطف بحال الي همومه مناعير من زود مابي كل بيتٍ بنيته = ارجع وادور له مع الناس تفسير حتى الحبيب الي بقلبي هويته = اليوم اشوفه مبعدٍ عني عصير يا ويل حالي يوم شفته دعيته = وقف وناظرني بنظراة تصغير وحتى الرفيق الي بدمي فديته = اليوم قفى مثل ما تقفي العير والصاحب الي يوم ضاقة نصيته = قفل وسكر دوني الباب تسكير دنيا رمتني بالقشر ما بغيته = دارة وظلت فوق راسي دواوير يا ذيب يلي كل رجمٍ بديته = اقنب وجر عواك يالله عسى خير من لا يضيفني على زاد بيته = ما جايني منه حسين التباشير لو كان بين الناس قد شاع صيته = مشيي معه يعد ظمن المخاسير من باعني يبطي وانا ما شريته = و تاقف العالم من اجله طوابير ومن هو شكاني حالفٍ ما شكيته = الا لربٍ عالم بقاعة البير ومن هو نساني حالفٍ ما نسيته = ماني من الي يحمل الجرح ويغير صحيح اسامح بس جرحٍ لقيته = لا يمكن انه يرحل بيوم ويطير ودام الجروح قصاص هذي عطيته = مسموح مبغى منه حق ومعاذير عزيز نفس وكل بيتٍ قريته = قصدي اعبر عن النفس تعبير |
|
|
|
|
«
الموضوع السابق
|
الموضوع التالي
»
العرض العادي
|
|
