.. مِشّـآعَ ـر شّـآعَ ـر ..

دام الغلا ياصاحبي جرح الاحساس
وجروحها بالطب ماله مدااوي

ابعد .. وانا ببعد عبر سكة الياس
لاحلم باقي لاطموح وهقاااوي

اللي بقى .. لهيب زفراات الانفاس
لا جرت اهاات الجروح النداوي

وطيوف من يمك اليا هب نسناس
لاطل بدر وغااب نجم ن سماوي؟


كل الود

تغيب .. وتسافر وترجـع بعـد حيـن
وأنـا .. احتريـك بياسميـنـي وفُـلـي

وينك ؟؟ أبي قبل الشقاء يسرق العيـن
تدق ؟؟ وتشوف الغرام اش عمل لـي

بقولك .. من غبـت والدمـع والبيـن ؟
ساجد .. علـى القلـب المكابـر يصلـي

تبغاني .. اضعف مستعد أضعف تلين ؟
قلـي تعـال .. وقسـم .. لآجيـك كـلـي

دامي .. بحبك تحـت سقـف المجانيـن
وبقربـك .. وبعـدك .. مـولّـي مـولّـي

دامك بوجه .. وناس غيرك بوجهيـن
ليه .. أسـأل وجيـه البشـر ويـن خلـي

تعال .. وعندك لي كل العناوين
وأنا .. على خبـرك ... هنـاك بمحلـي ؟؟

كل الود

رحيل معجب بهذا

اذا تخافين الاماني تعالي
وانا لحلم عيونك السود فارس

بسكنك باخر جزيرة خيالي
واصير انا وانتي فقط والنوارس

كل الود

خلّصـت كـل إلتزاماتـي وجـاء دورك
اتخلصيـن العصامـي مـن صراعااتـه

جيتك حضوري مجرد ظل لـحضـورك
فكي زراير تعـب صـدري ولوعاتـه

خوذيني لما وراء شاطيك وبحورك
وأستنطقي عين مجنونـك ونظراتـه

لمملكة .. حضنك الدافي ولقصورك
جيت بشموخ الرجُل لا ضاع بسكاتـه

أبغى يضج المكان ويلتهب نورك
في كل صرخة نثرتيها من آآهاااته ؟؟

كل الود

والله احبك كثر ماانتي تمنين
واكثر من اللي تحسبين بحسابك

اشتاق لك يانور عيني وتبقين
مثل الاماني وارتوي من سرابك

هذي غلاتك كبرها كان تدرين
كبر العذاب اللي يجي من غيابك؟

كل الود

اقتباس:

المشاركة الأصلية كتبت بواسطة شيخـــة الغــيــد

/
السلام عليكم ورحمة الله

مدونة راقيَة بكل ماتحمله من الأحاسيس الجياشه والمشاعر المُرهفة
بـ التوفيق لك شاعرنا

متابعَة لحروفك العَذبة
/

عليكم السلاام

تكتمل الروعه بأطلالتك الراائعه .


الف شكر لقلبك



تقديري

العوفي
اهنيك على جمال حرفك وروعة مشاعرك العذبه
مدونه رائعه
تصفحت واستمتعت بما وجدت من ابداع
اعتبرني من زوارك ومتابعين ركنك
تقديري لسموك
النجلاء

احمد العوفي معجب بهذا

اقتباس:

المشاركة الأصلية كتبت بواسطة النجلاء

العوفي
اهنيك على جمال حرفك وروعة مشاعرك العذبه
مدونه رائعه
تصفحت واستمتعت بما وجدت من ابداع
اعتبرني من زوارك ومتابعين ركنك
تقديري لسموك
النجلاء

تكتمل الروعه بلا شك بمعانقة ذوقك وبهجة حضوركك


شكرا لقلبك


كل الود