آخر 10 مشاركات |
|
انشر الموضوع |
|
أدوات الموضوع | انواع عرض الموضوع |
12-09-2020, 11:17 PM | #31955 |
|
كرونا
يقول الشاعر نايف أبا العون: ماجاء خواطرنا مثل ضيقة اليوم كن العباير بالحلوق محزومة الشعب كله بين ضايق ومهموم لكن ننفذ ما تقول الحكومة من طاعة الحاكم على كل محكوم يامر وشعبه مايخالف لزومه واللي من صفوف الجماعات محروم عن حزنه اللي جاه لأحدٍ يلومه لكن ترى الحرمان لا صارت القوم عن شوف رب العالمين محرومة ويقول الشاعر راجح المغيري: كلمتك ياخادم البيتين عبر الأثير أنشت سحاب الطمأنينة وطاح المطر تقول: حنا نعيش بوضع وأمرٍ عسير وتقول: بإيماننا بالله نصد الخطر وحنا نحبك يا أبونا من شعور وضمير حبٍ حقيقي على بال الزمن ماخطر ويقول الشاعر مالك بعيجان: الزم مكانك وانا بلزم مكاني تكفى طلبتك لا تجيني ولا اجيك علة كورونا تنتقل في ثواني وانته وش يدريك لو انها فيك ترى الوقاية خير والعمر فاني أخذ الوقاية جعل ربي يعافيك لاتختلط بالناس قاصي وداني فترة بسيطه عقبها الله يحييك عشانك وعشان ذاك وعشاني والعلم عند اللي يميتك ويحييك وهذه مجاراة لتلك الأبيات للشاعر صالح حميد الشاطري، يقول فيها: ابشر وهذا الشي واضح بياني واجب علينا منك ناخذ ونعطيك حي الحروف المفعمة بالمعاني اللي لها مغزى ومبدأ وتشييك النصح والتوجيه لاشك حاني من خوف لا تعدي خويك ويعديك كلمة ملكنا دندنت في الاذاني ننصاع لامره و نتكاتف ونكفيك وهذي مقادير الولي من زماني أقرب من الله وأرض ربك ويرضيك ويقول الشاعر سداح العتيبي: ماعاد باقي غير حظر التجول راح التمشي عنك منته بويّاه فايروس كورونا بانتشاره يهول استوطن العالم من ادناه لا قصاه لكن لعلّه عندنا ما يطوّل الله يعجل في زواله وفرقاه رقم الضحايا لا ارتفع ما يحوّل والذعر بين الناس ذا طول يمناه كانه عمل مقصود من عام الاوّل بكره يجي فايروس مثله وشرواه ويقول الشاعر سداح العتيبي أيضاً: عسى كرونا ما يصيب المسلمين يوم انتشر بين الدول وشعوبها وليت الخلايق قبل تعقيم اليدين تقدر تعقّم بالصدور قلوبها ويقول الشاعر: فهد العدواني: "برحالكم صلوا" ورددنا نداه هذا النداء بالذات خلاني أهيم من عقب ماكنا جماعة للصلاة صرنا نصلي فرد بالبيت ونقيم ! من الوباء اللي ملا هذي الحياة ما أقول: غير أستغفر الله العظيم ويقول الشاعر سفر الدغيلبي: ياربنا لاترينا قوتك فينا ألطف بنا لو عذابك مستحقينه . نخاف بطشك ونخجل من معاصينا نذنب ونستغفرك والعفو راجينه . فعل اسفهانا ترى ماهوب مرضينا نستنكره ياجليل الملك وندينه . نرفع يدينا ولو ماهيب في يدينا يارب أعنّا على الوقت ومعاوينه ويقول الشاعر: عبدالله الطلحي: اللي من أول مايبا قعدة البيت وإذا جلس بالبيت هاوش عياله اليوم ودك مايجيهم وياليت يكون في حبس انفرادي لحاله ويقول الشاعر عبدالله الطلحي أيضاً: أزمة كرونا صدق ما كلها شر أحيان بعض الشر في جانبه خير منها عرف من كان جاهل ومنغر إن السعودية وحكامها غير حمانا الله وإياكم وحفظ بلادنا من كل مكروه |
التعديل الأخير تم بواسطة خيال مطير ; 12-09-2020 الساعة 11:23 PM
|
12-09-2020, 11:24 PM | #31956 |
حزب العاصفه
|
مساكم سعيد والشر عنكم بعيد وهلابكم
وحياك يالخيال صح الله لسانك يالخالدي وصح بدنك اهلا بالجوهره وحياك يالخيال ــــــــــــــــــــــــــــــــــــــــــــــــــ ـــــــــــــــــــــــــــــــــــــ اطلق رحيل وحط مهره مكانها=ردعٍ لها من شان تحضر باوانها قامت تمادا هالشهر في غيابها=شهرين مهره وين وشوي عانها ما ادري لها طاب الغياب وتحلوته=والا الظروف اتتل يمه عنانها من ريم الفلا من عام غارن بناتنا=تذكر لما له قيل صحة لسانها وشف شاعرتنا نجد ما عاد ترعوي=لصوت المنادي معجبٍ في بيانها والشامخه...كم قيل يالربع وينها= وكنقة رواسينا تمسس وزانها ننشد عن الغياب من حبنا لهم=محبة اخوه لاتهاون بشانها |
|
13-09-2020, 12:09 AM | #31957 |
|
صح لسانك يابو عبيد . السجين اللي عندي , الصقري ,
مبروك الحريه بس المهرهـ وين القاها صدق الشاعر اللي قال المهره اللي دونها قطع الارقاب ماكل عساف الاصايل عسفها فنجالها يصعب على كل شراب ترقا على متن الهواء من صلفها |
|
13-09-2020, 12:14 AM | #31958 |
|
يسألوني عن عزوتي ويش تكون
عزوتي من اسمها تلقى سندها هي فزعه المحتاج لا قال تكفون بنت يام والفخر في نسبها ...................... اقول السجن السجن الله يصلحكِ |
|
13-09-2020, 12:18 AM | #31959 |
|
هلا بكم
خيال ويعطيك العافيه على هالروائع الله يرفع البلاء والوباء ويفرجها على المسلمين عاجلا غير آجل شاعرنا الهوآوي صح لسآنك والسجين كان الصقري مبروك الحريه شاعرنااا ومنوره السجن مهووره بس هي وينهااا ؟ هههههه دور عليها خيال وجيبهااا |
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك |
13-09-2020, 12:33 AM | #31960 |
|
اقتباس:
أزهليها , لي عيالي عمي في نجران , يجيبونها بقوة النظام , لو أني عارف أن حمتوووووووووووو , يبي يزعل علينا |
|
|
|