هنا .. سجن القوافي !!

اقتباس:

المشاركة الأصلية كتبت بواسطة ناصر الهواوي

صح الله بدنك يالخيال ولاهنت
ارحب يالخالدي وعليكم السلام ورحمة الله وبركاته حنا بخير بشرنا عنك ومن يعز عليك
مالنا بك علم اقفاية ذيب ههههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
تذبذبت مع ذكرى القدايم على ما قيل=لا للجاذب الدلو المسمى ولا للجال
اثر كسرة الخاطر بلا ادنا سبب تهيل=وانا يحق لي من ما يدور ويصير اهتال
لو اللي على متني نقلته لظهر شعيل=توهن وللقومه سبب ثقلها ما احتال
اذا كان هذا اللي جرالي من الخليل=فلا اشره على بنتٍ سواها ولا رجال
مسامح لاني ماعرفته قبل بخيل=بماهان واللي كاد ما كان له بذال
لعل الديار اللي تمشى بها تسيل=ويجي نبتها بن وفواكه وحب الهال
مع ان المشاعر مزمعه يمه الرحيل=ابا اقفي واخالفها لو اتقول لي تعال

تبقى يا ابو عبيد الله يسعدك ابشرك بخير ونعمة من فضل الله
عساكم بخير ومن يعز عليكم
لحقنا حجر ثم رمضان ثم هالحر وخلها على الله😄

الجووهره ,عبدالله الصقري ,رحيل معجبون بهذا

إجتهاد فالشعر الفصيح تسلايه للمسجون والله ما ادري من هو مير يا قشر حظه في هالحر سجون خخخخخ


..

إن الذي للنظم قاد لساني
ذنب جنته كتائب النسيانِ

ما زال يصحبني ويغسل مقلتي
ومحاجري فيض من الطوفانِ

كم سرت أرتكب الفرار محاولاً
أن أختفي عن ما مضى فأتاني

لم أدعه لكن في سلطانه
من أوصد الآفاق حين دعاني

فمضيت أبسط بالأكف فلم أجد
غير الندامة تحتوي الكفانِ

الجووهره ,عبدالله الصقري ,ناصر الهواوي و 1 آخرون معجبون بهذا

رحيل

على شان الزمن ضدي تجي ضدي = وانا الي كنت احسب انك جويد الساس
تخون العهد والعشره وانا ودي = اموت ولايجيك امن الخلايق باس
حسافه جاك مرسولي وبه ردي = تطمن ماربيت اجرح شعور الناس
هذا طبعي وطبع العود من جدي = ولكن مارضيت الهون والادناس
وصيه خطها عودي على خدي = ليا شان الزمن خلك سليط الراس
انا ادري يااجودي منته على قدي = حبارا فالخلا من فوقها قرناس
خطاك انك قدرت تبيّح بسدي = وانا والله مداني خوت الانجاس
فمان الله يااغلا من وطى حدي = فمان الله مالك فارضنا مجلاس
فمان الله مع شكري ومع ودي = تجيك محمله بالحزن في قرطاس

الجووهره ,عبدالله الصقري ,ناصر الهواوي و 1 آخرون معجبون بهذا

رحيل

صباح الخيرات واليرات
وقهوه معها كت كات (:

صح لسانك يابو عبيد
وصح ذوقك خيال

عوداً حميداً يالخالدي
وصح لسانك

الجووهره ,عبدالله الصقري ,ناصر الهواوي معجبون بهذا

هلابك يالخالدي وصح الله لسانك ولاهنت روعه هالدره
اهلا يالخيال صلفه هالسينيه بالحيل صح لسانك وذوقك
اهلا يارحيل والله يصبحك بالمسرات والصحه والسلامه
والله انا فاقدين الجوهره ماهيب لها عاده الله يحفظها
كذلك الدنيش لكن له عاده يطول الغيبات
شاعرة نجد كذلك لها وحشه
نجلاء والملكه والشامخه وغزلان والناقد لذولا كلهم انا فاقد هههههههه
لعل غيبتهم بلا باس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
من كم شهر انا سمعت انه يقال=كَبٍر وسادتك ان دهتك الهمومي
ودققت بالمنطق لوهو منطق هبال=صعبٍ يجي من كان مهموم نومي
كبر الوساد لرايق الفكر والبال=لاجاب علم ولا يودي علومي
لو تنشده وتقول وش حبة الخال=ضحك وقال/اخو امي إبنا رحومي
يطلع هلال ويبدر ويرجع هلال=ماله بتحسيب الليالي لزومي

الجووهره ,عبدالله الصقري ,رحيل معجبون بهذا

بعد السكون اليوم رج النخل رج=شرقي شمالي كل غصنٍ تلوفه
لكن بفضل الله خليٍ من العج=على العسيب الطير يلقا كلوفه
لالافه العاصوف يم الذرا هج=يمن كهب خضر المحاديب خوفه
وجنوب غرب يسار والفكر مدلج=وفيه اسرعت معها خبر عن ظروفه
لين اوصلته لديرةٍ وسطها سج=حاراتها له من قديم معروفه
عسى سيول الوسم للدار ترهج=وزين الزهر فيما توطا نشوفه

الجووهره ,عبدالله الصقري ,خيال مطير معجبون بهذا

مساكم سعاده وسكر زياده (:
صح لسانك يابوعبيد

جوجو طيبه وبخير عهدي بها البارح
وبتجي ان شاء الله

والباقين الله يذكرهم بالخير
انشهد انا فاقدينهم

الجووهره ,عبدالله الصقري ,ناصر الهواوي معجبون بهذا

ليت حظي ماضوى بك وليتك مستخير
قبل تدرج بين عوج الضلوع الناحله

خابره اني بنت عودٍ ملاذ المستجير
وانت راحل والليالي سواتك راحله


،،،،،

حالف ان اموت واوسّد يمينـي
لادله قلبي ولا سجيـت منـه

عاتقٍ حبه وماضيٍ له سنينـي
مقرعٍ قلبي عليه اقـراع شنـه

اجحد الخلة وانا قلبي حزينـي
واتعزز كن نفسـي مرجهنـه

ان رقدت آخذ بنومي ساعتيني
وان صحيت اتابع الونه بونـه



تسالي من ذوقي المتواضع (؛

الجووهره ,عبدالله الصقري ,ناصر الهواوي معجبون بهذا