هنا .. سجن القوافي !!

صح لسانك يابو عبيد . واحذر من اسواق العثيم . , الفرع الثاني عليه اشاعات من احد العماله مصاب بكرونا /, ارحبي يامهرة منوره وصح ذوقك .

عبدالله الصقري ,الجووهره ,ناصر الهواوي معجبون بهذا

فنجال غيرك لو يجي قلت له بس = ولا أنت لو قهويت ماقلت كافي
يامولعي بالدس في قلبي إندس = وأرمس بهمسات الغلا لاتجافي
نس بوفاك ونسنس بعطر لانس = أفز له لو في حلى النوم غافي
وأرس بحلاك ولا رسى عاشقك رس = رسه وقل من راس وافي لوافي
حس وتحسس شاعر مابعد حس = إلا بحسك باااااح سد وخوافي
من واهسه هس وحنينه معك هس = يتلي غلاك ونيته عد صافي
عل وعسى عسيت عساس لك عس = ياكل خير وخير بالستر ضافي
وإن كانها بالدس تكفيك قل يس = وأنا علي أسريك بالدس حافي

محمد القسامي

عبدالله الصقري ,هزاع محمدالعاصمي ,الجووهره معجبون بهذا

ابشرك مانيب راعي اسواق تسعة اعشار وقتي فلاح
قد قالي احد اصدقاي لو سيمت المزرعه مليون تبيع؟؟
قلت هذا في جلسة الضحي وين قيمة المساء والسهره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
اهلا بالمهره العاصفيه ومعذوره لو ما ودنا بالغيبات الطويله وصح ذوقك
اهلا يالخيال وصح نقلك وصح لسان القسامي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ
الله عليك كرونيا ويش سويت=مابه طريق الا بحجرك قطعته
اول ليا لي عنّْ طاريه وامسيت=أمر علي القلب اسافر وطعته
ركبت في كشن الونيت وتساويت=ودقيت سلفه ولمرادي نزعته
واليوم ماتجدي لعله وياليت=البيرق الابيض بيدي رفعته

عبدالله الصقري ,شاعرة نجد ,خيال مطير و 1 آخرون معجبون بهذا

الجووهره

صح لسانك يابوعبيد .

خذ هي القصيده تسليه

عبدالله الصقري ,الجووهره معجبون بهذا

عزاه ياقلبن من الحب محـــــــــــروق =جفت جروحه والهنوف أنقضتــــــها
اصبح من الراحه معذب ومســـــروق = راحته بيدين الهنوف وخــــــــــذتها
متولعن باللي بها الحسن والــــذوق = اللي تواصيف المها من صفـــــتها
زين الوصايف ساقته بالهوى ســـوق =وصابت معاليق الحشاء واعطبـتها
حبه تغلغل داخل الجسم بعــــــــروق =ذيك العروق اللي لجسمي غذتها
بنتن غلاها منزله عالين فــــــــــــــوق =وأسكنتها تحت الجفون وغطــــتها
اليا ذكرت اسمه جذب قلبي الشـوق =ورجلي تسابقني لظل أشجــرتها
يسرقني التفكير بالـــــــــود برفـــوق =ودايم خيالي ساكنن منطقـــــتها
وحطيت للونات بالصدر صنـــــــــــدوق =والعين ملت دمعتن بهـــــــــــذلتها
صبرت صبر ايوب وطاق مطبــــــــــوق =والله مدري وش بعـــــــــد تالــيتها
ياللي تقول ان كل مطرود ملـحـــــوق =العمر راح وما قطفت اثمـــــــرتها
قدره وحظي ساقني بالهواء ســــوق =وقفت وانا عيني تهــــــل أعبـرتها

سعد الشقحاء


صح لسان ناقلها وشاعرها

عبدالله الصقري ,الجووهره معجبون بهذا

شاعرة نجد
قااالوا إن الطير مسكين..وابن آدم قـوي=قلت لا في ذمتي !!! إن الانسااان الضعيف
يكفي إن الطير عايش..علـى مايهتـوي=ماحسب هـم المفارق..ولابعـد الوليـف
ويكفي إن الطير..يطوي مساافااته طـوي=لابغى مشهـاة نفسه..لجنحااانـه رفيـف
لاطرالـه حاجـةٍ رااح..مـادوّر خــوي=مايفكـر بالمؤونه..ولاقـرص الرغيـف
مرّ يوصل للخضيرااا..ومـراات ايهـوي=قلبه امن الهم..ومْصاارع الدنيـا نظيـف
ليتني والطيـر يـا ابومشاري..نستـوي=ليتلي مثلـه جناحين..بالريـش الخفيـف
أدري ان بعض التمناي..يكوينـي كـوي=وادري إن الوقت..ياناظري جـدا مخيـف
وادري إن الشعر لامن بدا..يضوي ضوي=والمعاني جوهر الشعر والمقصد شريـف
يانسيم الليل جانـي معـك صـوتٍ قـوي=قامت حْرووف القصايد على حسّه زفيـف
والأسد يـزأر يقولون..والذيـب ايعـوي=والحمامه..حسّها حطّـه المولى..رهيـف

عبدالله الصقري ,الجووهره ,ناصر الهواوي و 1 آخرون معجبون بهذا

شاعرة نجد

السلام عليكم ورحمة الله وبركاته
صحت السنت الجميع ودام تواجدكم
اما بخصوص ابو عبيد
١- ما الومك في المزرعة لو ترفض فيها الاثمان الباهضة(الله من حيٍ مُلهِم نزلها هههه)
٢- واول مره ارى ابو عبيد يستسلم (وش حصل في الايام ياجدي)
دااااااااااااااام توااااااااااااااجد الجميييييييييييييييع
تحياااااااااااااااااااااااااااااااااااااتي

عبدالله الصقري ,الجووهره ,ناصر الهواوي معجبون بهذا

مساء الخير يـ الرواسي
وعليكم السلام شاعرنا وعودا حميدا

وصح لسانك يـ الهواوي على هـ الروائع والابدااع
وداام حضورك شاعرنا

وتسلم خيال على النقل,من ذوقك
ولاهنت على هـ الدرر وصحت السنة المبدعين

تقديري,’’

عبدالله الصقري ,الجووهره ,ناصر الهواوي معجبون بهذا