هنا .. سجن القوافي !!

اقتباس:

المشاركة الأصلية كتبت بواسطة خيال مطير

حلوه القصيده يالاقشر ومنها تأكدت انك ما تعرفني ابدا
..........................
أعرفك زين ياشوق فضه .. وقاص جرتك ولا ودي أذكرك , بعض العلوم عنك ,
وانا اخر الشهر بروح مزرعتي في, وثيلان , انشد قل مزرعة العقيلي وينها والا أنشد عني . يعلمك او هذال عني في ساجر , أمرح امرح اقوووووول
وانت ي حمد . حمودي أدخل السجن ممنوع الكماما ت والدسوس , وممنوع الزياره
وانتي ي شاعرة نجد
مافيه شي أسمه <" الربع والربعات توني أدري ماعندك سالفه
الربعات , اسمها الربايع
صح لسانك يابو عبيد , وحطني بين عيونك , ورح صل في المسجد , اللي جنبك , ولاتنسى , ألاجر , سقها سقها تراني أقشر

اقتباس:

الربعات , اسمها الربايع

متعمده وأدري والله هههه لاعدمنا توجيهاتك مستشارنا
بس طعنتي لاتدقق تراك الخسران

الجووهره ,عبدالله الصقري معجبون بهذا

قاف من الحكمه تسوقه مطاياه
قاف يطوف البحر جزره ومده
بعض العرب ودك مع الشاه ترعاه
خالي يمين من المراجل تللده
وبعض العرب ودك ع الورد ماطاه
ولا جاب له منطوق تقول ررررده

الجووهره ,عبدالله الصقري ,شاعرة نجد معجبون بهذا

يا شاعرتنا ليش هذي التناكيد= المعتكف بالسجن مازال مرهون
ودي بسجنه شهر وأعطيه تمديد= يمكن هرب وإلا في الرتز مقرون
ما أحب طاري السجن لو هو بمدريد = ولا أحب قيد السجن ماني بمجنون
أحب فلات القصايد من أبعيد = وأحبها بالحيل والناس يحكون
على عموم الحال ما دامك تريد =حاضر على أمرك دوم وأبليس ملعون
حاضر وتم وسم وآقول يا سيد= وأبشر ولا تهتم لو تطلب عيون
وأزهل هموم السجن لو ان في البيد = والبرد يلسع ما ترفرف له جفون
هات العشاء والماي من غير تبريد= وهات السمر والربع حوله يغنون
وكلٍ على ليلاه ينشي تناشيد = ( والشعراء في كل وادٍ يهيمون )

الجووهره ,عبدالله الصقري معجبون بهذا

أهداء للذوووق الرفيع

_________________________

الجووهره ,عبدالله الصقري معجبون بهذا

الجووهره ,عبدالله الصقري معجبون بهذا

اقتباس:

المشاركة الأصلية كتبت بواسطة ناصر الهواوي

هجوس الحفيد مقفله ياعسى ماباس
لعل القريحه سبة الحجر ما كلت

نعم نحمد الله وضعٍ اقلق جميع الناس
لكن الصعايب عدها يالبطل ولت

عود خذ على قاف الغزل هالعشي مرواس
لبو قذلةٍ تكسي متونه ليا انهلت

على وجنته يضفي هدب خدّْرٍ نعاس
من الملح ما بقت وصوفه ولا خلت

ما شفت البرد والورد والجمر والالماس
بغير المحيا اللي لهذا البشر حلت

ان اقفا معه يقفي شعوري بدون احساس
ومع اقبالته كل المشاعر له انتلت

حفيدك هجوسه يالهوآوي تشيب الرآس
و لا ظنتي تدري عن اوقآت لي زلَّت

هوآجيس ما منها سوى الهم و الإفلآس
و انا لو أملّ من الهوآجيس ما ملَّت

و بالله مؤمن ما يغيّرني الوسوآس
تحضَّنت سكين الغدر يومها انسلَّت

بـ يدَّ العذول اللي رسم ورد في الكرآس
و لا اسقآه من دمَّه ولا دمعته هلَّت

رسمها غوى و اغوى بها وردة الجلآس
و دآنت له بغصن المقآطيف و انذلَّت

يا جدي لو ان القلب يشفيه شرب الكآس
لـ املّيه يوم النآس فـ بيوتها صلَّت

و احآسيسنا المتبخِّره بـ حرَّة الانفآس
عليها حيآة الروح يا ليتها طلَّت

و جَفَّت ورود الحب و ورد الفؤآد اندآس
حقآيق يطيش العقل منها لو تجلَّت

الجووهره ,شاعرة نجد ,ناصر الهواوي معجبون بهذا

اقتباس:

المشاركة الأصلية كتبت بواسطة شاعرة نجد

يازين شوف الغيم ياسابر الغيم
لـ قام نسناس الجنوبي يسوقه

ثار القريحه وامتلأ خاطري ديم
من رش هجسي لاتلاعج بروقه

والشوق حطم حاجز الصدر تحطيم
والقلب سيل الود فتق عروقه

ه

صح لسانك يا نجد
و لك تحياتي

الجووهره ,شاعرة نجد معجبون بهذا

جدي
خيال
حمد

صحت السنتكم و سلمت قلوبكم


مع أجمل مسآء الخير

الجووهره معجب بهذا