هنا .. سجن القوافي !!

وعليكم السلام ورحمة الله وبركاته
وكل عام وانت بالف خير وعافيه
وصح لسانك مدد بلا عدد يالسمي
ابدعت وامتعت ولاهو غريب عليك هالشي
دمت بكل خير ومحبه
ولك أرق و أجمل تحيه

شاعرة نجد ,ناصر الهواوي معجبون بهذا

وعليكم السلام والرحمات يانسل الكرام=غامد هل الوقفات تكتبها مورخت السنين
وجعلك تعايدنا وحنا نسمعك في كل عام=في عافيه وبخير في طاعة إله العلمين
والله يزيل الكرب والشده ونسعد في سلام=لا ماصك يكتمنا ولانحتاج قفازات ايدين
وليا طرت ذيك الجبال اللي تكبعها الغمام=ندق سلف اليوكن الاشهب وبالله نستعين
ما اناب في حاجة (توكلنا) ولا نخلف نضام=ساعه ونصف نزبط العزبه ونصبح جاهزين
تقديم واليوم النخل من صبح به لجة حمام=اللي يساره بالنواح تنادي اللي باليمين
وانت تعرفني نوحهن يبعث بخفاقي هيام=لعهدٍ ضعونه مقفيه ينتابني شوق وحنين

تطري وتطري لي حكايات اسمها ضاع الزمام=قريتها بكتاب والا من حلام النايمين

عبدالله الصقري ,خيال مطير ,شاعرة نجد معجبون بهذا

هجوس الحفيد مقفله ياعسى ماباس=لعل القريحه سبة الحجر ما كلت
نعم نحمد الله وضعٍ اقلق جميع الناس=لكن الصعايب عدها يالبطل ولت
عود خذ على قاف الغزل هالعشي مرواس=لبو قذلةٍ تكسي متونه ليا انهلت
على وجنته يضفي هدب خدّْرٍ نعاس=من الملح ما بقت وصوفه ولا خلت
ما شفت البرد والورد والجمر والالماس=بغير المحيا اللي لهذا البشر حلت
ان اقفا معه يقفي شعوري بدون احساس=ومع اقبالته كل المشاعر له انتلت

عبدالله الصقري ,خيال مطير ,شاعرة نجد معجبون بهذا

الا ياحمد خذلك بسجن البديع اسبوع=عسانا بحبسك ياحمد نفحص اخلاقك
هاته يالخفير بددسنك غصب والا طوع=لجل طي قيدك شفني اجمع اوراقك
لانك بتالي هالسنه صايرٍ مصروع=تقفي لا بغينا نفعتك راكزٍ ساقك
الا ياحمد لو ضقت والا بغيت طلوع=و بالتسليه ماوسعو صدر رفاقك
تخير لنا من نادرات المثايل نوع=من ما اشجا هجوسك يالمغني وما شاقك
ت

حمد الحربي ,عبدالله الصقري ,شاعرة نجد معجبون بهذا

حلوه القصيده يالاقشر ومنها تأكدت انك ما تعرفني ابدا
..........................
أعرفك زين ياشوق فضه .. وقاص جرتك ولا ودي أذكرك , بعض العلوم عنك ,
وانا اخر الشهر بروح مزرعتي في, وثيلان , انشد قل مزرعة العقيلي وينها والا أنشد عني . يعلمك او هذال عني في ساجر , أمرح امرح اقوووووول
وانت ي حمد . حمودي أدخل السجن ممنوع الكماما ت والدسوس , وممنوع الزياره
وانتي ي شاعرة نجد
مافيه شي أسمه <" الربع والربعات توني أدري ماعندك سالفه
الربعات , اسمها الربايع
صح لسانك يابو عبيد , وحطني بين عيونك , ورح صل في المسجد , اللي جنبك , ولاتنسى , ألاجر , سقها سقها تراني أقشر

ناصر الهواوي ,عبدالله الصقري ,شاعرة نجد معجبون بهذا

وش ترجي من الدنيا ياعود
اسمع الفصيدة لعلك تتوب

ناصر الهواوي ,عبدالله الصقري معجبون بهذا

وعليكم السلام ورحمة الله

وحياك يـ الدنيش وكل عام وانت بخير ومن يعز عليك
وعودا حميدا
وعـ قبال عودة ريم الفلا,وجميع رواسينا الغائبين
وصح لسانك على هـ الـ كايفه النايفه والابدااع المعهود

وصح لسانك يـ الهواوي,أبدعت وامتعت
ولاهنت على هـ الدرر العذبه

ومرحبا حمد في سجن الابداع,’’

ناصر الهواوي ,عبدالله الصقري ,خيال مطير معجبون بهذا

يازين شوف الغيم ياسابر الغيم
لـ قام نسناس الجنوبي يسوقه

ثار القريحه وامتلأ خاطري ديم
من رش هجسي لاتلاعج بروقه

والشوق حطم حاجز الصدر تحطيم
والقلب سيل الود فتق عروقه

ه

ناصر الهواوي ,عبدالله الصقري معجبون بهذا