هنا .. سجن القوافي !!

الا وذا منّْك يجي ماهقيته=ولاجا على بالي بحاله ولاكان
ومادام حتى الرقم حقي نسيته=اظنها ماعاد تحتاج برهان
ولا عادها قولة لعله وليته=ما تخفي مجامل بوضح الضحى بان
سمعت ماعني شرحت وحكيته=وانا اجزم ان اللي يلقنك شيطان
وهدمت كل اللي بنيت وبنيته=ولو بنحسب حتى انت ضايع وخسران

عبدالله الصقري ,خيال مطير معجبون بهذا

السلام عليكم ورحمه الله وبركاته
كل عام وانتو بخير يالرواسي وعساكم من عواده يارب
كيفكم واخباركم
صحت الالسن والاذواق
دام الحضور والابداع

عبدالله الصقري ,ناصر الهواوي ,خيال مطير معجبون بهذا

وعليكم السلام^
ارحبي ارحبي ماما مهره // وكل عام وانتِ بخير ,

يا مهرة العام لا والله غديتي فرس
ترفقي كن عطرك ريح حرب وصهيل
العام تمشين ما حولك رجال وحرس
واللحين تمشين ورقاب الخلايق تميل
استغربتك الكنايس تحس مشيك جرس
واستغربتك الحدايق رمش عينك ظليل
جندلتي القلب والعاشق طويل المرس
حيا ولكن تركتي في المحاني قتيل
من جيتي الحب سيفه في الخفوق انغرس
والليل يقصر بشوفك وان سريتي طويل
ما كني العاشق اللي في زمانه درس
وما كني من اسباب المحبة هزيل
حلفت ما أعشق دام الحب طبعه شرس
مالي ومال المحبة والشقة والخليل
دخلت بحر المحبة يا الهنوف الفرس
وقام يتلاقف بي امواجه وضاع الدليل

عبدالله الصقري ,ناصر الهواوي معجبون بهذا

كل عام واللجميععَ بخير

عبدالله الصقري ,ناصر الهواوي معجبون بهذا

وعليكم السلام ورحمة الله وبركاته وكل عام وانتي ومن يعز عليك بخير وصحه وسلامه
مقبولي العمل مغفوري الزلل
ارحب ياخيالووووه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
قمزة الضحى
احرفها على ماشيت دام الرسن بيديك=لك الحق لو اني مقصر تعاتبني
ما احب التشره ياعساهم فدا عينيك=انا لي ضميرٍ لو ظلمتك اينبني
هي معايده مني حملها الاثير ايليك=وانا سامحٍ وامبيح لو ما تجاوبني
لابد الفلك ما يبترم والعلوم اتجيك=والاولى ومن حسن الادب ما تكذبني
ترا المسأله كم عقد ماجت بساعه هيك=على مامضى قيسي بمالك طرا وابني

عبدالله الصقري ,خيال مطير معجبون بهذا

سند بها لين تنطح بالقرون القاسيه ظلم
وعود مشرق وهد طويق في قاسي قرونك
يمكن بفعلك تشد الغافلين وتفهم العلم
وتحيي بهم ما اندثر من ذاكره ساعة يرونك
من البطا عن هذولاك وهذولا كني بحلم
ما اعلم بذولاك ياهجسي وهذولا يبونك
ان كان هالحكي يالمخرج يناسب سو له فلم
خله كوميدي يضحكني وتظهر به فنونك

عبدالله الصقري ,خيال مطير معجبون بهذا

صح لسانك يابو عبيد

عبدالله الصقري معجب بهذا

شكل الكنترول منع عني النسخ

عبدالله الصقري معجب بهذا