هنا .. سجن القوافي !!

أجيك مقبـل والفـرح محتوينـي
طويت حزني واكتسيت السعـادة
فرحة بوجهي وابتسامـة بعينـي
وثوب جديد وعطر ريحة زيـادة
ادري الحزن له موقعه في جبيني
وادري البكا في داخلي وبعنـاده
وادري انا ما اختار شي(ن) يجيني
أقدار مـن ربـي ولا لـي إراده
بـاستمحك يا حزن تطلق يدينـي
بـأذوق يوم العيد طعم السعـادة

عبدالله الصقري ,ناصر الهواوي ,خيال مطير معجبون بهذا

صح لسانك ملكة وصح ذوقك عيد سعيد

عبدالله الصقري ,ناصر الهواوي معجبون بهذا

أنتى الملكه ,,الأميره,,انتى الحسناء
أنتى المرحِ والدلالِ بدلعٍ,, انتى الخجل والحياء
أنتى الحنان والرقه,,, انوثه طاغيه ,,وايضا قوه شموخ وكبرياء
أنتى الأمان والفرحه بعينى, لما يملاها البكاء
أنتى النفس الدافئ فى برد الشتاء
أنتى سيده العرش تملكى الوطن ,, تمتلكين الفؤاد بقمه واعتلاء
لماذا انتى !
كيف أمتلكتى ذمام الأمور ,, انتى ملائكيه ام من الحور
ارى بعينى انك للحياه نور ,, انتى النجوم .وصفاء البحور
أنتى رمزا لقوه الزات,, كالجبال ثابته شامخه علياء
أنتى كالنهر المتدفق يروى ظمائىِ ,, يروينىِ أرتواء
مر الايام يغيب ,, عندما أتلمس الشفاه ,, هى لى حلو الشفاء
إن غبتى عنى يسكن بىِ الداء

عبدالله الصقري ,ناصر الهواوي معجبون بهذا

______________________________

عبدالله الصقري معجب بهذا

اهلا بالملكه وحييتي وكل عام وانتي ومن يعز عليك بخير وصحه وسلامه وصح ذوقك
صباح الخير ع الجميع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
هذي معايده منزلها قبل العيد بالجوال وجاء عليها عدة ردود جميله ابا احاول انزلها فيما بعدين هههه
غر المزون اشم فيها شذا العيد=وطررا الغوالي لي وحبيت اعايد
لو الوضع مضغوط من حجر كوفيد= بتهديد وانذارٍ يروع ووعايد
عيد الذي تنصاه مبروك واسعيد= ومحققٍ له كل ما كان رايد
بفضل الله الريان مدخاله اكيد=معتق بصومه من لهيب الوقايد
بجنة عدن مع من لكل البشر سيد= ويا علنا له كل عامٍ نعايد
وصلاة ربي كل ما ارزم رواعيد= على الذي بهداه تسعد بدايد
رد هذال جزل المرشدي
يامرحبا مليون ترحيب بالعيد
واللي علينا ارسل جميل الفرايد

ترحيبةٍ مليار ياناصر عبيد
تنصى مقامك ياوسيع البنايد

عسى ليال العيد لامثالك اتعيد
وفي كل عام لمن تحبه تعايد

وانته بصحه وبسلامات واتزيد
من طاعة اللي خالقك في زوايد

ابن الباديه/ محمد الروقي
يامرحبا ترحيبةٍ تقطع البيد
بمعايدٍ جاني من العود عايد

جني يشيلن التهاني مواريد
طيب وعليِّه للرجال السدايد

يابو عبيد اتعيد واتزيد واتفيد
بالعافيه في ضل خضر الجرايد

انته ومن حولك ولا اخص تحديد
ولا حولك الا كاسبين الزوايد

ربعٍ لهم بالطيب منزل واجاويد
وانته كسبت الاوله بالوكايد

عبدالله بن علي السيحاني
جت الرسايل هجنها تطوي البيد
من واحدٍ تسهل عليه الشدايد
جتني من ابن عبيد ذخر الاجاويد
ربعن لهم وصل القرابه عوايد
تبي تزين وتنفرج لك يابو زيد
يامحتم القالات عذب الفرايد
انته لهن فارس وسبار واقعيد
واطيب ما اقول اقول صايد وفايد
يناصر الدنيا صباح ومهاجيد
لكن مرضاة الله اكبر فوايد
رد هاني الدهماني
يامرحبا ترحيبةٍ تطوي البيد=تنصاك يالوافي وسيع البنايد
كل عام وانت بخير ياناصر عبيد=يامحزمي وقت الرخا والشدايد
الحجر يمكن قيد الناس تقييد=وما قيد سلوم العرب والعوايد

حمد الحربي ,عبدالله الصقري ,خيال مطير معجبون بهذا

صح الله السنتكم جميع ,
مجهود
تشكر عليه شاعرنا
وبيض الله وجهك

اعجبني المرشدي لو انه ماله ذكر يوم قال

يابو عبيد اتعيد واتزيد واتفيد
بالعافيه في ضل خضر الجرايد
انته ومن حولك ولا اخص تحديد
ولا حولك الا كاسبين الزوايد

عبدالله الصقري ,ناصر الهواوي معجبون بهذا

هذا قول محمد الروقي ماهو المرشدي
ــــــــــــــــــــــــــــــــــــــــــــــــــ ـــــــــــــــــــــــــــــــــــ
وهذي هدية العيد للجميع
ــــــــــــــــــــــــــــــــــــــــــــــــــ ـــــــــــــــــــــــــــــــ
ناسٍ لنا عنهم مضى شهر وليال= وناسٍ لهم عنا شهور وليالي
غابو ولا غابو دقيقه عن البال=ياضيقةٍ بالعيد راحت تعالي
على مضض باقضي معك شهر شوال=ان كان ما عني حدوك الغوالي
بصيص أمل باقي من الوصل مازال=وكان انطفا من يمهم عزتالي
هي هكذا الدنيا لها جملة احوال=برد الشتا يقفاه بالقيض صالي

عبدالله الصقري ,خيال مطير معجبون بهذا

لي عنّْ يالخيال مالانسيته=لكن كلمه عابره حركتني
ليت الزمن يندار للخلف ليته=ابيه لكن هيبته مانعتني
لوهو قدر جاني ولو طقت جيته=عنه السلوم الطيبه شايحتني

عبدالله الصقري ,خيال مطير معجبون بهذا