هنا .. سجن القوافي !!

مساء الخير
وصحت السنتكم وصحت ذوائقكم ودام ابداعكم

ومرحبا الف ريم الفلا,عودا حميدا,وصح بدنك
والعذب والروعه حضورك شاعرتنا,آخر الغيبات ان شاء الله

ومرحبا رحيل
حياك وابشري بالتسالي يابعد حالي
وسلمتم ودمتم,’’

ريم الفلا ,رحيل ,عبدالله الدّنّيش و 2 آخرون معجبون بهذا

عبدالله الصقري ,الجووهره

تسليه

رحيل شوفي الكل مثلك مساجين
مافيه لاروحه ولا فيه جيّه

مثلك سجينه لو عن الحال تدرين
ليلي البارح ليل وش صار فيه

جتني صور ديرة هلي امس والحين
أمطار وبروق ورعد وبْرديه

والسيل مابين النخل والبساتين
شوفه ورب البيت مثّر عليه

وش ينفع التصوير والشوف بالعين
مع شاشة الجوال لو قلت حيه

لـ صار ماسافرت والناس ممسين
ويطلع علي الصبح مع ذا وذيه

ونلتم من عقب البطا بـ جونا الزين
بين الحبايب كل صبح وعشيه

والصبر زين وربي وربك يْعين
تفرج,ويجمع كل حيٍ بْـ حيّه

ريم الفلا ,رحيل ,عبدالله الدّنّيش و 1 آخرون معجبون بهذا

الجووهره

هلااابك شآعرنا الصقري
وصح لسآنك ودآم حضورك وابدآعك

هلا بك شآعرتناا نجد
وصح لسآنك مليون
قصيده رآئعه ومؤثره
والله يفرجها ويكشف الغمه
عاجلا غير آجل
ونجتمع بالقرآيب والحبآيب

رحيل ,عبدالله الدّنّيش ,عبدالله الصقري معجبون بهذا

تسليه واهدآء
للسجينه الجميله


‏في ذوقها كل ،، العذارى ، تقاليد
‏من حرفها من نظمها من صورها

‏هي ابتكار الذوق ، ومنها بتعميد
‏وهي النجوم ، العاليه مع قمرها !

رحيل ,عبدالله الدّنّيش ,عبدالله الصقري معجبون بهذا

للسجينه الجميله
ولكل من يقرأ

‏عساك ماتفقد قلوب تراعيك
‏ولاتشتكي من جايرات الليالي ��

‏ويالله عسى ربي من الهم ينجيك
‏ويسعد بقربك كل من كان غالي

رحيل ,عبدالله الصقري ,عبدالله الدّنّيش معجبون بهذا

السلام عليكم .. وصحت السنتكم جميعا
ومرحبا وأهلا وسهلا بشاعرتنا ريم الفلا
وإقامة طيبة وهنية لمستشارتنا رحيل
ودمتم بأطيب حال ،،

ريم الفلا ,الجووهره ,عبدالله الصقري معجبون بهذا

مسائكم مطر وأجواء ريبعية .. وهنيتم الرحمة
السماء محملة والبشائر بالخير حاصلة أن شاء الله
...
ترحيبية وترويقية ...
^-^
التحية بالأصالة ومن رأس الجميع = مرحبا يالريم عد المطر في موسمه
غبت عن نادي الرواسي وعن سجن البديع = أقصد إبداع القوافي ومثلك ينظمه
وأثني الترحيب باللي لها شأنٍ رفيع = ضيفة السجن الكريمة ( رحيل ) الملهمه
جوهرتنا حاكت الشعر بالدر اللميع = ذوقها شاعر وجاب الدرر من منجمه
وشاعرتنا نجد قامت بواجبها سريع = رحبت وأعطت تسالي وجوٍ ترسمه
صوّرت سيل المطر والمزارع والربيع = والأماني في طرفها لسفره ملزمه
الربيع أقبل بورده وقد ولى الصقيع = والدفأ ولّع بروق السحاب المرزمه
والبشاير حاصلة في سما رب سميع = الغيوم اليوم عمّت وربي م أكرمه

^^-^^
وسلامتكم ونهاركم أمطار وأعطار ،،

رحيل ,خيال مطير ,عبدالله الصقري معجبون بهذا

صح الله الســـــــــــــــــــــــنتكمم جميععَ

• جاكم ألأقشر

رحيل ,عبدالله الصقري معجبون بهذا