آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
16-04-2020, 09:53 PM
|
#30473 | |
 
|
يارجل لاتنسى حقوق الرفاقة
وعلى حقوق الربع لاتبدي القرش فبيوتهم تلقى الكرم واللباقة وتاكل عيال اللي عراقيبها حرش وتعطيك أهلها من التراحيب باقة مجالس مكسية بأفخم الفرش غناتك بربعك ولو ماش فاقة تسوى ملايين الرعايا من الطرش وإلا غناة المال هي الحماقة لو تنفخ العلباه وتكبر الكرش ترى ماهي دايم فروح ورواقة دنيا تذل الذيب وتنوخ الهرش لو بينها وبينك ضبطت العلاقة وبنت لك من الحلم فوق البحر عرش من طبعها ماتخلي الاصطفاقة ياما اخرشت ناس لهم ثقلهم خرش تخلي يدين اللي عشقها عشاقة وتغني يدين اللي قبل رابح شرش مادام تحمل باسم ربعك بطاقة على حقوق الربع لاتبدي القرش |
|
الخط يبقى زمنا بعد كاتبه ،،، وصاحب الخط تحت الأرض مدفون 
|
|
16-04-2020, 10:01 PM
|
#30475 | |
حزب العاصفه
|
اهلا بشاعرتنا وصح الله لسانك وبدنك وما تقصرين
اهلا يابو زياد ماقصرت الا زدت الحمى مليله لكن صح لسانك وبدنك ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ نحمد الله لاش ضيقه ولا احس بكآابه=وكل طيرٍ بالنخل باعذب الالحان يصدع والامور اتسير والحمد لله في رتابه=عاصفي للي بقى حي من هالغوش يردع انتعش بعد الحجر عضو من ذيك العصابه=والسراب لمن ضمي حيل وقت اللال يخدع قولوا لسلطان كم قرَّط بصبعه بنابه=يوم تطرد للرواعد كتايبنا وتجدع ودام اشوف العاصفيات عبر خلول بابه=ااشعر اني وسط سجن القصايد ليثٍ افدع |
|
|
|
17-04-2020, 12:15 AM
|
#30477 | |
  حزب الرعد
|
اقتباس:
المشاركة الأصلية كتبت بواسطة ناصر الهواوي
اهلا يالجوهره الله يصبحك بالخير والصحه ويحفظنا واياك ومن يعز عليك من كل شر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ من خوفة كرونا تفك المساجين=وسلطان خالف هالنضام وسجني عزالله انه من ربوعٍ ميامين=واوعز له بسجنة بناخيه جني اكافح همومي من يسار ويمين=وليا ابعدن ذولي هذوليك جني معذور في زنزانه بعرض مترين=وكل الطواري بالدماغ ارهجني لا اغفيت لحظه زارني طيف غالين=وافز لوهو حلم واكاد اجني كنت ناوي امشي بس تقديرا لاختنا الغاليه الجوهر قررت اكتب شي من التسالي على الطاير والله يرفع قدرك ويحفظك ويسعدك |
|
|
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك
|
|
17-04-2020, 12:19 AM
|
#30478 | |
حزب الرعد
|
وهلا بكم
شآعرنا الغبيوي وشآعرتنا نجد وصحت الالسن ودآم حضوركم الجميل وابدآعكم وهلا بك خيآل يعطيك العافيه ويسلم ذووقك |
|
|
|
|
17-04-2020, 01:44 AM
|
#30480 | |
|
اقتباس:
المشاركة الأصلية كتبت بواسطة سلطان الغبيوي
السلام عليكم ورحمة الله وبركاته
صحت السنتكم وابداعاتكم جميع بدون استثناء بشرونا عن السجين وش علومه قولوا له انا من خوفنا عليك سجناك عشان ماتجيك عدوى من برا وتعدي اهل الرواسي معك هههههه سجنتك خيرٍ للعرب والسياحين دام اجملك رغم (الحجر) مايونّي فالحبس دافع شرّ دون المسلمين لا تمتحن غيري ولا تمتحنّي خلّوه يقعد فا السجن لين بعدين والامر منّي والتعاليم منّي يا يقعد ايرتّل فالاعراف والتين ولا يعّود في وليفه يغنّي وهذي تحية خالصة بين (..) نيابةٍ عن كل غالي وعني وسلامتكم ^^
هههه هلا سلطان وصح لسانك خايف العود لا يعدينا وحجرته ههه وبقوة النظام بعد 14 يوم وبعدها أفحصة وأطلق سراحه تكفى خله يروح يشوف شغله ونخيله وعصافيره ،،، && والسلام على الجميع والشكر موصول وسلامتكم من الجايحة والنايحة ودمتم بسلام وعافية ،، |
|
|
|
|
«
الموضوع السابق
|
الموضوع التالي
»
العرض العادي
|
|
