** مقتطفــااااتـــي **(خاص)

الاجازه يَمّ جده والقريحه مستجده
دام ماصارت على كيفي تغني يـ القريحه

كنت قبل ايام يانجد العذيه مستعده
للسفر يمّك ولكن عيت ظروفٍ شحيحه

عيت الخيره ومن سافر عسى ربي يرده
واهني ياواهني اهل القلوب المستريحه

والعوض بك يالمُخيم لاوصل فـ الصبر حده
أطلع لْوحدي واجر الصوت بـ ابياتٍ صريحه

واتغنّى فـ الديار اللي لها حب وموده
في فيافي نجد يُم خالط خضار العشب ريحه

ماحصللي,ماعن المكتوب يـ المحبوب صده
والعوَض فـ المقبلات وغن ياليل الجريحه

عديم ,ريم الفلا ,ناصر الهواوي معجبون بهذا

أنا والله اني كل ما جاا بقلبي شي
وحاف الخفوق المُبتلَى يالغلا حايف

نخيت القريحه وفْزعَت كل مابيدَي
هي اللي بوسعي لاكذب حلمي الزايف

تصورت ماصورت ياحيرتي وش في
سراب وضباب وتوّنا جونا كايف !

حمامه تعالي ودي العب معاك شوي
على النافذه بـ اسمع صدى سجعك النايف

تغنين طربانه على كوم حب ومي
وانا خاطري مكسور والشوق متضايف

عديم ,ريم الفلا ,ناصر الهواوي معجبون بهذا

يَكْفيني اللي حصل خل العتب والملام
لعلّي انـسى المواجع تسلم جْروحي

ويكفيك مني غلانا اللي مضى والغرام
خل العوَض في قصيدي لانـزف بوحي

تثيرني نسمة الغربي وسجع الحمام
واكتب مواويـل من روحي على روحي

موال لو يسمعه راع الهوى ماينام
عشرة ليال ويْزود لْيا ذكر نوحي

حرام كتم المشاعر ايْوَرَبي حرام
الا انا صار في مبداي مسموحي !

عديم ,ريم الفلا ,ناصر الهواوي معجبون بهذا

هجـوسـي لامـتـى تـسـري بقـلـبـي
معـك فـي ذا المتاهـاات المخيفـه

أخااف الدرب يقصر ماوصل بي
أمــانــه خــــل مـعـلـووقـي بْـكـيـفـه

عديم ,ناصر الهواوي معجبون بهذا

عسى خير ياحلمٍ حلمته وطـار النـوم
وأنــا نــوم عيـنـي لاتـكــدّر عـلــى الـريـحـه

سعـيـده ومبسـوطـه ولـكـن قـبـل كــم يـــوم
حـصـل مـ اتحـلّـم بــه ولا تـــم توضـيـحـه

عجزت افهم الموضوع ياليل لو مفهوم
عـسـاي ادرســه وافـهـم سـرايـر مفاتـيـحـه

عبدالله الصقري ,عديم ,ناصر الهواوي معجبون بهذا

إيه أنت يامن انت فـ الروح ساكن
أسرفت في قلبي وفي روحي إيه أنت

أدمنت في حبك ولكن ولكن
أخاف لـ انطقها وانا بْحبك ادمنت

عبدالله الصقري ,عديم ,ناصر الهواوي معجبون بهذا

ياسلام مقتطفات من حدايق ورد تخط بماء الذهب
(عساي ادرسه وافك شفرة مفاتيحه)
هالشطر عن قصيده بحالها هههههههههههههههههههههه
صح لسانك
(مريت ضايق بهالمشتل ورحت اضحك=مبسوط ما كن جاء في خاطري ضيقه)
لاهنتي ياشاعرتنا لاهنتي

عبدالله الصقري معجب بهذا

^
^

(عساي ادرسه وافك شفرة مفاتيحه)

عن معلقه هـ الشطر مو عن قصيده,
مدرسه شعريه شاعرنا
ومنك نستفيد,
وتسلم وصح بدنك وصح لساانك

(مريت ضايق بهالمشتل ورحت اضحك=مبسوط ما كن جاء في خاطري ضيقه)
؛
؛
شرفتني يـ الزعيم بْـ شرحك ومدحك=مرور مثلك فخر,حرفه وتعليقه

عبدالله الصقري معجب بهذا