هنا .. سجن القوافي !!

اقتباس:

المشاركة الأصلية كتبت بواسطة ناصر الهواوي

اهلا وسهلا يالنجلاء وعودا حميدا ولعلها اخر الغيبات من غير شر
كما ارجوا ان تكون المهمه ناجحه وتشتمل على اجر وعافيه واسأل الله ان يلبسك ويلبس الجميع الباس العافيه
ـــــــــــــــــــــــــــــ
الصارم هلابك ومرحبا وصح لسانك يالقرمعلما ان النجلاء هي راعية المحل
ــــــــــــــــــــــــــــــــــــــــــــــــــ ــــــــــــــــــــ

ماجور ياللي من عنى الوقت مضيوم=ارجو عسى ربه بلطفه يعمه
الناس في هالكون معطى ومحروم=دنيا تشتت جمع واخر تلمه
ليا اضحكتك بيوم تبكيك في يوم=افراحها مستتبعه في مطمه

ناصر صح لسانك يالذيب وبيض الله وجهك
بداية لقصيده لو اكتملت على نفس الرتم راح تنال لقب شيخة القصيد
بكل جداره
بعض الابيات ياناصر تبقى راسخه بالذاكره
اسف على التاخير ع الرد لاني مارجعت للصفحه

اقتباس:

المشاركة الأصلية كتبت بواسطة ناصر الهواوي

يالخفير اطرد نهر ثم اطرح الغنامي=خل ابو بندر يراجع ما كتب ويتمه
يوم خلَّص شغله الشاغل وفك الزامي=قل له ايريح هنيا وايتوسد كمه
نوب مالازم ونوب ايصير فيه الزامي=اثر نهر وطيحته ما كانت اكبر همه
طويت الصفحه بالامر وجفت الاقلامي=صنفت لي قلت ابا اخذها من اعلى القمه

اثر شغلك يالهواوي بس حامي حامي=لاعرض عابر سبيل مع الطريق تخمه
والله اني لا اسبح واقطعك دامك طامي=تحسبني مثل بعض الناس يوم تطمه
مادريت اني فهيم ونجدتي فـ حزامي=ابا امد الحبل وابا اشرب من احلى جمه
والنضاء لا روحن جاين لهن درهامي=مايبن ألا وسيع بطان ولا ذمه

صحت ابدانكم جميع
وصح لسانك يابو عبيد .. وانت كيف جيتني وانا حاشريني في كرسي الاعتراف بعد ههههههههه
عليكم معونةٍ بالله كلها اسبوع بالكثير وابا ادافع عن نفسي اما النصر ولا الشهاده

الله الله
صح الله لسانك يابو عبيد ولاهنت ع الكفاله الكايفه
وصح الله لسانك يالغنامي رد كافي وافي ورائع
مبدعين الله لايضركم

صح لسانك يالحناش على هـ الابيات ماقصرت جزله يالجزل

الظاهر ان السعد في نجد مفقود=والظاهر انه من حجازي بعد مات
لاتتعب الرجلين ياناصر العود=عذر كما عذرت وان طعتني بات
ولو ينشد محمد فقل غير موجود=احسن لك السودان صيد البريهات
يقلون رح حايل بها السعد معقود=دار النشاما والخيول الاصيلات
وفي شارع بن باز يالعود محدود=سافر وخص الحي يالعود بالذات

صح بدنك يالنجلاء لاخلا ولاعدم هالحضور
الصارم صح لسااانك مليون رااائع يالمبدع .. بس ويشهو .. ( الحناش) ؟!

صح لسانك يالهواوي والصارم
وصح لسانك يالغنامي والسجن يرحب بك

صح ابدانكم شعرائنا محمد وسهيييل
محمد اسأل عائض عن الحناش ويعلمك ههه
الحناش طال عمرك هو اللي يدخل على السباع في جحرتها
ويصطادها ...!!!