هنا .. سجن القوافي !!

يامرحبا واهلين ياسهيل لاهنت=لاهنت ياشاعر يحب الحقيقه
من اول نخاف من عالم اللنت=ونخاف من شرهة رفيق ورفيقه
وماجيت لا غازل ولا شبك البنت=ابي اتسلا والعرب في حريقه
ولقيت خلق الله تسولف وهونت=وابوك ياعمر تناوشه ضيقه
ورميت بالغتره وطلوحت بالبشت=ولبست لي بنطال واسمع موسيقه
وانشفت مزيونه مع الدرب سلمت=واظهرت لي ونه بقلبي عميقه
ويلاه ياوقت مضالي كما الزفت=مسوي عويقل وعمدة فريقه

ههههههههههههههه وربي يمزح معكم لاتصدقونه

اقتباس:

المشاركة الأصلية كتبت بواسطة المهره الاصيله

هلابك يالصارم
بخير الله يسعدك وانت اشلونك
صح لسانك ملايين
تقديري لك

هلابك زود يالمهره
دوووم يارب موب يوووووووووووم
انا بخير جعلك بخيير
والعتب على النظر
وربي توي اشوف مشاركتك
وحقك علي
بليز بليز اعذريني وربي لك الحق تزعلين

صباح الخير يابو رداد
صح لسانك وبيض الله وجهك على الابيات الجزله يالجزل
اسف لاني تخطيت البيت السبب ان بيوتك شاقتني
اما الصوره فهي جتني هديه من مصمم واستحيت اردها في خاطره
لاسيما وهو من اعز اصدقائي اما هذه فهي لي وحياك اذا تبي تقنص
معي وتتاكد ههههههههههههههههههههه

هههههههه صباح النور
وصح بدنك
وابدا تخطي البيوت براحتك

صباح الخير يازوار سجن القاف والابداع
صباح الخير يالمسجون والسجان والساحه

صحت الالسن جميع
وهلا فيك يالنجلاء منور

اهلا وسهلا يالنجلاء وعودا حميدا ولعلها اخر الغيبات من غير شر
كما ارجوا ان تكون المهمه ناجحه وتشتمل على اجر وعافيه واسأل الله ان يلبسك ويلبس الجميع الباس العافيه
ـــــــــــــــــــــــــــــ
الصارم هلابك ومرحبا وصح لسانك يالقرمعلما ان النجلاء هي راعية المحل
ــــــــــــــــــــــــــــــــــــــــــــــــــ ــــــــــــــــــــ

ماجور ياللي من عنى الوقت مضيوم=ارجو عسى ربه بلطفه يعمه
الناس في هالكون معطى ومحروم=دنيا تشتت جمع واخر تلمه
ليا اضحكتك بيوم تبكيك في يوم=افراحها مستتبعه في مطمه

اقتباس:

المشاركة الأصلية كتبت بواسطة الصارم

وعليكم السلام ورحمة الله وبركاته
ارحبي ثم ارحبي ي النجلا
ومرحبا هيل عداد السيل
هلابش وبهلش وبالجمل اللي رحلبش
يالنجلا ء الشعار غايبين وصاحبة السجن غايبه
وش السالفه يبه
ترو مانعرف شي

وعليكم السلام
البقى يالصارم وتسلم وتدوم يارب
وانا والله وانا اختك مسافره ودوبي راده من السفر
والشعراء الموجودين فيهم الخير والبركه والغايب عذره وياه
وياهلا فيك وحياك الله

اقتباس:

المشاركة الأصلية كتبت بواسطة الصارم

يامرحبا واهلين ياسهيل لاهنت=لاهنت ياشاعر يحب الحقيقه
من اول نخاف من عالم اللنت=ونخاف من شرهة رفيق ورفيقه
وماجيت لا غازل ولا شبك البنت=ابي اتسلا والعرب في حريقه
ولقيت خلق الله تسولف وهونت=وابوك ياعمر تناوشه ضيقه
ورميت بالغتره وطلوحت بالبشت=ولبست لي بنطال واسمع موسيقه
وانشفت مزيونه مع الدرب سلمت=واظهرت لي ونه بقلبي عميقه
ويلاه ياوقت مضالي كما الزفت=مسوي عويقل وعمدة فريقه

ههههههههههههههه وربي يمزح معكم لاتصدقونه

صح الله لسانك يالصارم
مبدع ورائع ماشاء الله عليك