هنا .. سجن القوافي !!

صح الله لسانك يا ابو عبيد
وحيك الله يا الصقري

يا كثر ما نكتب قصيدٍ وننساه
قصايدٍ ماهيب فتحة وضمه

يا عالم النسيان من عيّن دواه
أصبحت أسيرٍ له وهذي مطمه

فكري مشوش والسبب من سواياه
مير العجيب إنه على البال جمه

أنهل وهو يعطي ولا يبخل بماه
وقال الهواوي والحكي في متمه

خل الذي بالصدر يقنب لليلاه
خله يجر عواه في كل قمه

يسرح بعيد وباكر الصبح تلقاه
إما لقا غاديه وأرتاح همه

والا نسى والصدق ما اظن ينساه
ماله سوا يصبر على حر سمه

ذكرتني باللي كثيره مزاياه
وأحلى الكلام اللي نطق فيه فمه

وجدي عليه وجود من خارت قواه
وأزرى يجي للما ولو هو يشمه

طاح متواسي والضواري تحراه
وأمسى وحيد بديرةٍ مدلهمه

الجووهره ,عبدالله الصقري ,هزاع محمدالعاصمي و 1 آخرون معجبون بهذا

ناصر الهواوي

الله الله يالخالدي قمة الابداع صح الله لسانك

لقيت انا كنز الجواهر مخباه=ونشرتها من بعد كانت امرمه
غني عنها من نسيها بمخباه=ما ادري عليها القرم كور معمه
طريت له ما كان ناسيه بصباه=على النقا ماجاه منها مذمه
وجت كنها تمر الحسا غط بلباه=والا عسل سدرٍ منافعه جمه

الجووهره ,هزاع محمدالعاصمي ,عبدالله الصقري معجبون بهذا

خيال جمعا ربعنا عودت ماش=اسلوب اغيب امع الجميع امتماشي
كلن حذف ما معه بالسجن وانحاش=وشكل المقيم ليا اصبح الصبح ماشي

الجووهره ,عبدالله الصقري ,حمد الخالدي معجبون بهذا

من الارشيف

ياجعل غيمٍ غطا شمس الغلا ينجلي=وحلاة الايام تمدي روعة لياليه
تهزني ذكرياتٍ مبطيه يا علي=لكهربة بعضها بي ذبذبه عاليه
اخضع لما حل منها وانتظر ما يلي=تشد فكري ومعها ينشغل باليه
مفعولها دون شك اكيد يثر عليِّ=لا ابكتني الاوله تضحكني التاليه
تظهر لي اللي محاه الدهر واضح جلي=وتحلي المر لي وتمرر الحاليه
اقلب اوراقها تقليب وايبين لي=معالمٍ عشتها بايامنا الخاليه
واسمٍ لشخصٍ عنه قلب العنى ما سلي=ومن هي لها الاسم ما ظنيتها ساليه
عفا على كل ماصار الزمان وبلي=ياعونة الله فال الله ولا فاليه

الجووهره ,عبدالله الصقري ,هزاع محمدالعاصمي و 1 آخرون معجبون بهذا

حمد الخالدي

صح الله لسانك وبدنك يا ناصر
وخذ لك تسلايه

الضيقة اللي كل ما قلت فكت
ينثر عليها إبليس قاز وشرارات

تحرق هدب عيني وقلبي ودكت
هاك الضلوع اللي من اول قويات

يا الله وأنت الملتجا يوم صكت
ما غيرك يفرج همومٍ كثيرات

ضرتني التكه وتكت وتكت
حتى نسيت إن به صدورٍ وسيعات

الناس قالوا من رخا يوم نكت
ولا يلام اللي خفته الخفيات

والا القرابه من ردى الحال شكت
لين إختلط بالحق سم الإشاعات

طالبك أنا يا الله بالصبر سكت
كل الجروح اللي بصدري دفينات

من الأرشيف

ناصر الهواوي ,عبدالله الصقري ,هزاع محمدالعاصمي معجبون بهذا

السلام عليكم ورحمة الله وبركاتة
مساء الخير
عساكم على القوة وصحت الالسن والأذواق
بلاشك اسعدني المرور يعطيكم العافية لاعدمت الجميع

ناصر الهواوي ,الجووهره ,عبدالله الصقري معجبون بهذا

مسآء الوورد والبررد والجمده
وصحت الالسن ودآم حضوركم وابدآعكم
وهلاا بك هزآع. بس وين الابدآع ههه

ناصر الهواوي ,عبدالله الصقري معجبون بهذا

تسلايآت ع الطآير
من الذآئقه.
نقطه في بحر ابدآعكم



‏ما عاد باقي للمواعيد .. لهفة
‏مرت ليالينا على ظن ميعاد

‏للناي ترنيمه .. و للعود عزفه
‏و أنا تناهيدي على روس الأشهاد

‏محتاج لي من خاطر العمر صدفة
‏أنا ذخرت سنيين موعد .. ولا فاد

،،،،

‏من لا يحس بقيمتك وأنت موجود
‏ما هو بناشد عنك لا صرت غايب
‏حاول تفرق بيض الأيام والسود
‏يا قلب ما كل الحبايب .. حبايب
‏اللي يبيك يجيك لو دونك قيود
‏يكسر على شانك خشوم الصعايب
‏واللي يبي فرقاك لو دربك ورود
‏ما جاك لو إنك من أدنى القرايب

،،،،

‏عيش الحياة ولا تبالي بما فات
‏الي مضى ماضي ولا له إعـاده

‏وأستقبل المقبل بخير وسهالات
‏ترى التفاؤل من أساس السعاده

هزاع محمدالعاصمي ,ناصر الهواوي ,عبدالله الصقري معجبون بهذا