آخر 10 مشاركات |
|
انشر الموضوع |
|
أدوات الموضوع | انواع عرض الموضوع |
23-01-2020, 03:14 PM | #29001 |
|
|
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك |
23-01-2020, 04:46 PM | #29002 |
|
اقتباس:
سجين السجن سجانه علامه ما يشب النار
ترا الليله براد وزينة النيران مشبوبه تلحف فروته واصبح يقلب جمرة المجمار وجابوا له حطب ماشب واثره لحقه رطوبه وشغل موتره والظاهر إنه شغل الفيكسار وسج خطاه من داره وميل عند مشذوبه وحصل عسوجيٍ يحسب إنه ساكنٍ فالدار تحلى من حلي السوق من راسه لعرقوبه جديلٍ كنه الليل البهيم يزين لا من طار ولامس خدةٍ مثل القطن نوبه ورا نوبه تدلى فوق نهدٍ من قوامه يلفت الأنظار وهو بيديته خصله يمسمسها على ثوبه سخيف الوجه مقرون الحواجب عينه المشوار رموشه يوم ترمش كنها تعبر عن اسلوبه خطى له خطوتين وصار كنه تشتعل به نار تبخر في ثواني والسجين يشوف بصعوبه تلفت ما لقى حوله سوى نفد وطريق القار وحط الرجل مسرع متجه للسجن ودروبه وعقب السالفه هذيك ما يبغى ولا مشوار ليا من قيل له هيا يقول التوبه التوبه صح لسانك يالخالدي |
الخط يبقى زمنا بعد كاتبه ،،، وصاحب الخط تحت الأرض مدفون |
23-01-2020, 04:48 PM | #29003 |
|
اقتباس:
اهلا يالخالدي وصح الله لسانك
مرحبا يالجوهره اهلا يالخيال وحيا الله الجميع سجين السجن سجانه بحالات البشر محتار=احد يبي الدفا وآخر ظهر بالبرد في ثوبه تقول بحموة الكنه/صحو والا تهل امطار=ومشروبه كرك لو دلة الرسلان مصبوبه وترا رويا المنام آيه من آي الواحد القهار=لمن نامو بلا حاسوس ما صارت ولا نوبه تجي خضر القلوب اللي عليها لو شوي غبار=من رياح السنين ومن بقايا الشوق ودروبه ترا سهاف الخدود ولوية الحاجب كما الدوار=ما تاصفها سوى عين البخيص بنون مقلوبه وذيل المهره اللي شعشعت به يوم جا المغوار=يعبر عنه من لا يعتني بالخيل بصعوبه وترا خضر القلوب تحب في بحر الغرام ابحار=وتطيح بغبته لوهي من الامواج مرهوبه ويرقص من سمع طق الطبول اللي براسه زار=بغوها له وناسه يوم غنو له وبلشوبه |
|
23-01-2020, 05:02 PM | #29004 |
|
اقتباس:
من أجمل ماقرأت له هذهِ القصيده ـيا روحـي اللـي عـن الهفـوات مانعهـا لـو كـان مـن صوبهـا يحدانـي الـحـادي هـي ودهـا تمشـي بــدربٍ مــا ياسعـهـا وأنـــا مـــاودي بـــدربٍ فــيــه نــقــادي أجـاهـد النـفـس لـيــن تـصــد وأقنـعـهـا عــن زاد مـاهــو بـقــدر لـــي ولازادي مـطـاعـة الله فــــي دربــــي تـطـوعـهـا اليا هـدى الله روحـي صحصـح فـؤادي روحي على اللي خلق روحي مودعهـا عسـى وأنـا أبـو فهـد يهديـنـي الـهـادي يازيـن صــوت الـمـؤذن يــوم ينشعـهـا الــلــي يـكــبــر بــآيـــات الله ويــنـــادي الله أكـبــر عـلــى الأفـــاق ماأوسـعـهـاا لخـيـر والـشـر فيـهـا صـــار مـتــلادي المـؤمـن الـلـي يفـكـر فـــي مـوادعـهـا عنـده يقـيـن إن بـعـد الــزرع حـصـادي والـجـاهـل الـلــي يبـاريـهـا ويـذرعـهـا يرصـد لهـا فـي خلايـا مـخـه أرصــادي مـاهـمـه إلا مـــن الأمـــوال يجـمـعـهـا ويعـانـق الطـايـرات وجـوهــا الـهــادي من طاوع النفس قامت به على أربعها وأومـت بـه ومـاي ليـن يحـدر الــوادي إليـا انحـدر حولـت بــه فــي مصانعـهـا مـصـانـع الـــذل والخـبـيـة والأنـكــادي أمسى مع البوم وأصبـح فـي مواقعهـا تحول الصـقـر بــوم وصـــار يـنـقـادي ياصقـر عـود بـروح الصـقـر وأرفعـهـا الـعــار والـــذل مـالــك فـيــه مـقـعـادي الــروس ماعـابـت الإ مـــن تصـدعـهـا خيـب رجاهـا السمـوم وسـم الأكـبـادي الـلـي مــن الـغـرب وزعـهـا موزعـهـا وعربـيـا تشتريـهـا كـــاش وأقـصــادي القـبـح فــي وجـهـه شاريـهـا وبايـعـهـا قـطـاعـة الــديــن لا قــــوة واعــتــادي الله وأنــــا مـصـلــح الـعـيــاد يقـطـعـهـا قـطـع الـرشـا فــي قلـيـب جـــاه ورادي النـفـس تبـغـا لـهــا رجـــل يصـارعـهـا رجـــال مـاهــو قـلـيـل ديـــن وربـــادي تـــرى الريـاجـيـل مـعـروفـه طبـايـعـهـا صــدق ونـزاهـة وديــن وزاد وزنــادي غض النظـر واقصـر الخطـوة وسنعهـا احـفـر بـهـا حـفـرة المـيـت والإلـحـادي ادخــل بـهـا مـنــزل الـمـيـت وسمـعـهـا صـيـاح الأحـفـاد والـزوجــة والأولادي اخــذ الجـنـازة عـلـى متـنـك وشرعـهـاب القطـن والشـاش والكافـور والـكـادي اربــــط كـفـنـهـا وجــودهــا وشـيـعـهــا على النعـش ليـن تاصـل بيتهـا العـادي الـيـا طـويـت الـلـحـد منـدونـهـا دعـهــا اسحب عليهـا تـراب القبـر مـن غـادي رح للعـنـايـة وعـايــن فـــي ودايـعـهــا جسـم بـلا روح وأرواح بــلا أجـسـادي تـعـيـن الأجــهــزة واســمــع لعـالـعـهـا لاتـنـشـد أحــــدٍ ولا يـنـشــدك نــشــادي حـتـاك تــروي خــدودك مــن مدامعـهـا تشوف ماشاف غيرك يابـن الأجـوادي ورح للمساجين وانشدها وش أودعها فـــي مـنــزلٍ ماتـهـنـت فـيــه مـرقــادي الـسـجـن ضيقـبـهـا والـقـيـد مـوجـعـهـا سـد الحراسـات مـن ضـبـاط وأفــرادي رح للفـقـراء وعـايـن فــي مضاجعـهـا وأعلم ترى الخافيات أدهى من البـادي العسـر خلـى الرجـال تعـض أصابعـهـا يامـا كسـر مـن مقـام وكـسـر أوتــادي مايـطـعـم الــمــرة إلا مــــن تـجـرعـهـا انـشـد مـجـرب يجـيـك بعـلـم الأوكــادي الطيبـة فــي المـكـان الطـيـب ازرعـهـا انفـق مـن الـمـال لاتطغـيـك الاعــدادي ابـعـد عــن الـشـر والفتـنـة ومولـعـهـا النـار تمسـي شــرار وتصـبـح رمــادي ارفق على النفس واحذر من تراجعهـا خـلـك مجـاهـد جـهـادٍ صــدق ومـفـادي علـى الهـوى واصـل الرحلـة وتابعـهـا ارجــع كـمـا كـنــت ماعـنـهـا تـلــدلادي أصـــل الـمـحـلات الأربـــع لاتقاطـعـهـا حـتـى لــو صـدفـةٍ مــن غـيـر ميـعـادي ميـصـالـك إلــهــا يــذكــرك بمنـافـعـهـا فـزعــة وجـزعــة وتـذكـيـر وتـعـبــادي تـرى الوداعـة بتـرجـع عـنـد مودعـهـا والصفـحـة تـبـيـن المـمـتـاز والـعــادي لابـــد مـــن يـــوم ينـزعـهـا منـازعـهـا تــــدور الــلــي يـذكـرهــا الـتـشـهــادي مهمـا تـطـول العـمـار اللـحـد مرجعـهـا رعيـان الأدبـاش وإلا ملـوك وأسيـادي |
|
23-01-2020, 07:47 PM | #29006 |
حزب العاصفه
|
الليله تلحف عن هواها يالاقشر=ليل الشباط اللي يروع هبوبه
يمكن يصل للصفر فيها الموشر=واعزتي للي عشاه امعصوبه خيال ياشيٍ بصدري تحشر=اون منه اشكي واداريه نوبه اذكى حمد فكري بشعر تنشر=على الكتوف ووجه الهجس صوبه ووجه الفرح من حل طاريه كشر=ما ادري جزع والا تعاسر دروبه الله يكافي طلة الاشقر الشر=قيفان شعري لا ذكرته طروبه لولاي اقابلها بال(stob )واشر=يادوبني وقفتها في صعوبه |
|
24-01-2020, 02:32 AM | #29007 |
أبعد قريب
|
السلام عليكم رواسينا
ابو عبيد و حمد اقسم بالله ارتويت شعر و تمخمخت صح الله السنتكم و بيض الله وجيهكم السمحه معاني ولا أجمل أميرنا خيال و جهير صحت ذائقتكم و تواجدكم وللجميع اجمل تحياتي |
|
24-01-2020, 07:07 PM | #29008 |
حزب العاصفه
|
اهلا يا الصقري
ــــــــــــــــــــــــــــــــــــــــــــــــــ ـــ من غيبة الشمس اكتب البيت وامحاه=ثم اتهجا نصف شطره واتمه واجهر بصوتي واحسب الغالي اوحاه=وابعثر حروفه بطرسي والمه واقول ليته يستمع لي وانا اقراه=و لو جاء مرده مثله اول امطمه يقول خل الصبر كنزك وتلقاه=وتوسيعتك للصدر جداً مهمه والصبر من طول الصبر وصل لقصاه=ريشه فلت بيدي وازريت اخمه بالزين فلته لو حفيدي تحلاه=قال بقصيده ليتني ولد عمه والخالدي لو شاف طلة محياه=نفض من اهم ارتباطات كمه عليه ذيب الصدر ما بطل عواه=يهرف خلا لين ارتفع ضغط دمه |
|
|
|