هنا .. سجن القوافي !!

اقتباس:

المشاركة الأصلية كتبت بواسطة ناصر الهواوي

اهلا بالجميع وصباحكم سعيد والشر عنكم بعيد
يانهر لاتركد ترا الماء ما يطيب امع الركود=ارخ العنان لمهرة ابداعك على مضمارها
البارحه يانهر انا مابين قيعان ونفود=بدارٍ حيا صبت روايحها عليها امطارها
لعل مجلاسي بها يانهر صفره ما يعود=اندار فيلم الذكريات ومعه نفسي دارها
من ماطرا كل المشاعر جات وجهتها سنود=والفكر طفقات الطواري فيه ثار اعصارها

الهواوي
صح لسانك يامبدع
ابيات جميله وفخمه
احترامي لك

حياك يانهر للقهوه والشاهي


حياك على العشاء هههههههههههههه

الله الله صح لسانك يابو عبيد
المهره صح ذوقك ولاهنتي على الوجبه الدسمه ذي
بس الذبيحه ذي اذا ماربطوها بتنحاش هههههههههههههههه
والله ان شكلها في الصحن يخوف احس انها حيه ماهي ميته

اقتباس:

المشاركة الأصلية كتبت بواسطة ناصر الهواوي

يامرحبا ياسهيل بن رداد=ترحيبةٍ سمحه ومزيونه
فيها الحلى من حبنالك زاد=فيها طعم برحي وليمونه
دوب الهجوس اركده بالكاد=من يوم شافك طارت عيونه
ان صار نهر بسجننا وش عاد=به زمرةٍ ماهيب مامونه
له عين ثلاثية الابعاد=عينن وراه وعين من دونه
معنا عساك اتفوز بالاسعاد=بكلش وغير رضاك ياهونه

ابك البقى بنٍ عليه قناد=عن من يشيل الحمل بمتونه
لامن دهلنا حلًة الاجواد=نحمي حمى راعيه ونصونه
المملكه للمسلمين بلاد=مادام بيت الله يطوفونه
قل للعنيد اللي خذاه عناد=لايضرب الضلعان بقرونه
ياللي عن علوم العرب نشَاد=ابنشدك من راسك شلونه

ارحب يابو بندر ابك فكني من هاليم لا يغرقني هههههههههههههههههههه
صح لسانك يانهر مبدع الله لايضرك بس لاتحمس ترا ماقدمك شاعر انا ودي اتدرب معك فقط هههههههه

ياللي على العد الروى وراد=يامرحبا بالقاف وفنونه
والله ماودي يطول الماد=تتعب ركاب وتابس شنونه
دام ايتهيا لك فرش ووساد=ارقد والأباليس ملعونه
واليوم منهن جاك كيف وزاد=قد قلت لك لرزاق مضمونه
ان كان شرقي تنوي الانجاد=عط دربٍ الاجواد يعطونه

ي مرحبا يالهواوي
صح لسانك والله يرفع قدرك

انت شاعر كبير ولك قدرك
وحنا يعلم الله نتشرف ونستمتع بمجارات ابياتك الزينه


المهره جعل خيرك واجد ولاهنتي ي السنافيه
ولا تخلينا من الزيارات بالسجن


الغنامي أرحب تراحيب المطر

تسلم يا نهر تسلم وصح بدنك ولاهنت وبيض الله وجهك
وتصبحون على خير

اقتباس:

المشاركة الأصلية كتبت بواسطة ناصر الهواوي

يامرحبا ياسهيل بن رداد=ترحيبةٍ سمحه ومزيونه
فيها الحلى من حبنالك زاد=فيها طعم برحي وليمونه
دوب الهجوس اركده بالكاد=من يوم شافك طارت عيونه
ان صار نهر بسجننا وش عاد=به زمرةٍ ماهيب مامونه
له عين ثلاثية الابعاد=عينن وراه وعين من دونه
معنا عساك اتفوز بالاسعاد=بكلش وغير رضاك ياهونه

تبقا ياناصر
صح لسانك والله يرفع قدرك