هنا .. سجن القوافي !!

تسليه لسجين والزوار


استأذنك) بسافر ايام واجيك
وان طالت ايام السفر لاتحاتي
حتى ولو طولت ماني مخليك
ياللي بدونك ويش تسوا حياتي
تامر علي حاجه ؟باودعك واليك
عسي عوض الايام في المقبلاتي
حتى يدي ماودها تفارق يديك
ساكت وانا اشوف البلا في سكاتي
ماشفتني لارحت منك التفت فيك
بلاي والله روحتي والتفاتي
لكن قبل ماروح ودي اوصيك
وانت الوحيد الي يقدر وصاتي
لحد"سألك وقال لك وين مغليك
قله لوازم لاقضاها بيآتي
وان طرو النسيان مانيب ناسيك
ياراس مالي في الحياه وغناتي
وان طرو السلوان مانيب ساليك
طيفك معي حتى وانا في صلاتي
قلبي وهو قلبي اذا مر طاريك
لولا ضلوعي كان عزوا مماتي
لو جض صدري كان يمديه يأتيك
ويبات عندك ويهنا بالمباتي
انا وقلبي والغلا ساكن" فيك
وانته وقلبك والغلا وسط ذاتي
غلاك مثل الحكم عند المماليك
اكبر طموحي( لا ) كل امنياتي
شف في غيابي اي حاجه تسليك
لاني بعدك اسلآ مع ذكرياتي
احاول اذكر اي شي يطريك
واقول هو سوء وانا ذي سواتي
كني موادع كل شي حواليك
كني حسبت احساب حزت وفاتي
احب لاني مااقدر انساك وابيك
ولا اقدر اخليك ياالي تحاتي
معنى احب ولااقدر انسى واخليك
يعني بدونك ويش تسوا حياتي

من يوم عدنا ل(......)والبرنسيسه=وشربة ضفادع ومقلية زهيويه
اوضعنا يالمغني ما هي انيسه=اخير من دارهم نمرح خلاويه
اكرم لفيسك اتعرض فيه عن فيسه=والا اجل عن ديرتك مثل الجلاويه

اقتباس:

المشاركة الأصلية كتبت بواسطة ناصر الهواوي

من يوم عدنا ل(......)والبرنسيسه=وشربة ضفادع ومقلية زهيويه
اوضعنا يالمغني ما هي انيسه=اخير من دارهم نمرح خلاويه
اكرم لفيسك اتعرض فيه عن فيسه=والا اجل عن ديرتك مثل الجلاويه

الهواوي صح لسانك واعتلا شانك

صدود صح لسانك والله يقويكم ياحزب النهر

المهره صح ذوقك يالذوق

ارجوان . حياك الله بالسجن . وموفقه خير باختيارك للحزب المنهلك ههههههه. وتراء هذا موضوع للشعر ماهو للفرفشه ههههههه

انته تعرف الكلام الزين وتقيسه=وتورد العلم لعدودٍ رهاويه
كلٍ هروجه بمفهومه على كيسه=ومن لايجوز لك ذكه دون ماويه
محدٍ طلب منك تقبيله وتقديسه=ريح خلاياك والعين الشقاويه
واللي عليها فوادك رايحٍ حيسه=تلقى العوض غيرها طرقاً حساويه

صح ذووقك ياصدود
وصح لسان الهواوي
وصح لسانك ياغنوم
وش فيه حزبنا ليه متحامل عليه ههههههههههه

صح لساانك ي الهواوي
وصح لسانك ي الغناامي

تسليه

يسألوني عابـره ويـن الجديـد
والاجابـه ضايقـه فينـي ملـل
راحت ايام السعـاده والقصيـد
عشتهـا بيـن التكانـه والجهـل
كنت اروض شارد الحرف العنيد
ماعسرني لو بغيته فـي عجـل
فيه اصور لوعة الحـب الاكيـد
ومنّه(اشكل) ماحوى قلبي غـزل
ومعه (اسافر) عن معاناتي بعيـد
ولأجل حبه ماشحنّي من زعـل
احضنه (فرحة) طفل في يوم عيد
واسكنه (روض) الخزاما والنفل
واحتويته ليت لي (قلـب ٍ) بليـد
ماعرف (فرق) الجزاله والهزل
والنهايه مابقـى عنـدي جديـد
واعذروني صارت ايامـي ملـل

صح السانك يالهواوي شاعر ولك اسلوب مميز في الطرق يعرف بالهواوي
اسعدني المرور من خلال سطورك

صح السانك محمد الغنامي
ابيات لا تصدر الا من شاعر مميز ويعجبني نزفك دائما
دمت ودام قلمك