هنا .. سجن القوافي !!

اقتباس:

المشاركة الأصلية كتبت بواسطة خيال مطير

وأنت علومك ,, غانمه يالامير ..
خلك .
حولنا , حويلينا
لاتبعد .
طالبك طلب ,
لاتبعد
لعيون الهواوي ,,
خلك قريب منا

^^^
أبشر يالرحيم الغالي وعساك سالم وغانم
والهواوي عزيز وغالي .. والكل ما يهونون
والظروف أحيان تجبر على الغياب ولكن القلب يحن ويون
للرواسي مهما أبتعدنا ،،

ناصر الهواوي ,عبدالله الصقري ,خيال مطير معجبون بهذا

اقتباس:

المشاركة الأصلية كتبت بواسطة عبدالله الدّنّيش

^^
يا صح لسانك أبو عبيد .. ومعك كل الحق واللوم
والكل ينفقد وعساهم سالمين ووالمين ،،
^-^
طريت بعض العرب يا ليت تمسكهم بعرقوب = غيابهم يالهواوي صار من ضمن الفقايد
وأخص عبدالله الناقد .. سجلّه غير مشطوب = يا ما بدع من دروس النقد وأشكال القصايد
والكل مطلوب يحضر ون تغيّب غير مرغوب = واللي معه عذر يا عله يجي في يوم عايد
يا ليت لك قدرة الباحث تدوّر ب (التلسكوب) = وإلاّ بتحديد موقع (باللوكيشن ) للطرايد
يا خوك أنا لو تعلّيت القمم فالقلب مسلوب = البال سارح مع ظبيٍ غدى للريم قايد
وياليت لي جولةٍ وتمدّ لي فنجال مصبوب = من يد زانت بلمعة ماس مع طقم القلايد
وأركي وأشوف الدلال ودلّها والجمر مشبوب = واتخّيل الجمر مثل الجمر في صدري وقايد
^^
علمي وسلامتكم

وانت سالم وغانم
صح لسانك
ثم صح لسانك
وخلِِ كل , ع , مجر اه
يالامير
راق البيت يقووووووول
يا خوك أنا لو تعلّيت القمم فالقلب مسلوب = البال سارح مع ظبيٍ غدى للريم قايد
وياليت لي جولةٍ وتمدّ لي فنجال مصبوب = من يد زانت بلمعة ماس مع طقم القلايد

بيض الله وجهك

ناصر الهواوي ,هزاع محمدالعاصمي ,عبدالله الصقري معجبون بهذا

اقتباس:

المشاركة الأصلية كتبت بواسطة عبدالله الدّنّيش

^^^
أبشر يالرحيم الغالي وعساك سالم وغانم
والهواوي عزيز وغالي .. والكل ما يهونون
والظروف أحيان تجبر على الغياب ولكن القلب يحن ويون
للرواسي مهما أبتعدنا ،،

بيض الله وجهك

ناصر الهواوي ,عبدالله الصقري معجبون بهذا

بيَّض الله وجه الجميع و قبلها سلامي و قمة سروري بما قرأت
صحَّت السنتكم و سلمت ارواحكم و قلوبكم جميعا
و صبحكم الله بكل خير

>>>

ناصر الهواوي معجب بهذا

اهلا بالحفيد والله يصبحك بكل خير والجميع معك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ

انبرت من ضحى بمداعب الباسقات
نسمة هاديه والقلب يشتاقها

مطلع سهيل عقبته وراها وجات
تحتظن من عبق رياه برواقها

شمته تعتبر عندي من اغلا الهبا
تنتعش له مشاعر فاحت اشواقها

ريح روضه كساها الله بزين النبات
الزهر مختلط مع خضرة اوراقها

للوبل طول ليله معهن مداعبات
من مزونن سرت مالاح براقها

لاتخيلت ورد انبوتها ازريت ابات
والنحل من رحيقه ما يبا فراقها

دوكها يا خفير السجن صوغه وهات
ردها مثل وردٍ ضم في باقها


صح لسانك ملاييين
حبيت اجاريها

دآعبت نسمتك قلبي و ضآع الثبآت
تبتهج روح مظنونك بما رآقها

في بسآتين حرفك و اجمل القآفيآت
صورة ٍ حيِّة ٍ سبحآن خلّآقها

بثّ فيها الحيآة و حط فيها صفآت
فوق زينة نبآها قمَّة اخلاقها

تنطق بما يجول و تطرق الأمنيآت
عطَّرَت صفحته بالدم لفرآقها

في ظلآل النخل والا ظلال الشتآت
هاجسه طل فجر يعآنق اورآقها

خيال مطير ,ناصر الهواوي معجبون بهذا

لي عوده ان شاء الله

عبدالله الصقري معجب بهذا

مساء الزنجبيل والقرنفل والزعفران ع الجميع
ابو عامر صح لسانك ولا فض فوك
الخيال صح الله لسانك
الصقري صح لسانك ولاهنت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
حرقني فراقك حرقة اترمب للرفض=بضربه قويه شرقي الشام والانبار
اغارت عليهم والطيران منخفض=بصواريخ توماهوك خل الرفض تنهار
تعلمت درسٍ من سواياك ينحفظ=يقول احذر احذر حوصةٍ للصحيب البار
البي مطاليبه وانا مطلبي رُفض=الى الآن ما اعرف السبب ياملا محتار

خيال مطير ,عبدالله الصقري معجبون بهذا

صح لسانك يالصقري
وصح لسانك يابو عبيد

عبدالله الصقري ,ناصر الهواوي معجبون بهذا