هنا .. سجن القوافي !!

اهلا يارحيل وياكثر الاخوان والاخوات اللي نلتمس لهم الاعذار ههههههههههههههههههه
لكن كل غايب وعذره معه كما يقال

عبدالله الصقري معجب بهذا

السلام عليكم و رحمة الله و بركاته
و مساؤكم رضا من رب العالمين
أخباركم و عاملين ايه
وش هالركود والا البرد أثَّر عليكم
و لمتى أجلس هنا لحالي لا أنيس ولا ونيس
شكلي باقفل منتجعكم ذا واللي يجي الله يعينه يطب من فوق السور
ههههههههه

ناصر الهواوي معجب بهذا

اقتباس:

المشاركة الأصلية كتبت بواسطة ناصر الهواوي

وين الحمام اللي يونس هديله
ويضيِّق الملتاع لالج بالنوح

وياطيف خله لو تزوره بليله
لو لحظةٍ مع غفوة العين وتروح

بعد الولي من غيركم يشتكي له
من هو وقع في ساحة الشوق مجروح

صبره تمادا لين بيَّح حفيله
واليوم جد الجد ما عاده مزوح

طار الحمآم و كب روحي عليله
و تبدَّل العش الهني هم و جروح

من بعده الخآفق مضيّع سبيله
و السر ما بين المخآليق مفضوح

لا يا نديم القلب ويش الوسيله
عجزت ادآوي علَّة القلب والروح

يا وينها ذيك الليالي الجميله
اللي مضت ما بين ممنوع و مسموح

وش الغلا دآم الفرآق الحصيله
وش الوفا لو ما لخلَّآنك تبوح

وش الفرح لا شال رآعي الجديله
لا غآب دون انذآر و اردآك مذبوح

ناصر الهواوي معجب بهذا

يالمنتجع ياشين حالة نزيلك=صاير يساومنا على صكة الباب
اصبر علينا شوي حنا نجي لك=معنا رجا من يرجي العون ما خاب
حفيد لا ترجف علينا بخيلك=ربعك ترا مناب يالصقري اغراب
وان كان هجر الولف بيح حفيلك=اصبر وتفرج من لدن رب الارباب
من فقد يوم ازعجتنا ياحليلك=وش قولنا واللي نبي كم شهر غاب
مع ليلنا نقول ياقصر ليلك=تتعب لقطعه بالسهر خيل وركاب

عبدالله الصقري معجب بهذا

اقتباس:

المشاركة الأصلية كتبت بواسطة ناصر الهواوي

يالمنتجع ياشين حالة نزيلك
صاير يساومنا على صكة الباب

اصبر علينا شوي حنا نجي لك
معنا رجا من يرجي العون ما خاب

حفيد لا ترجف علينا بخيلك
ربعك ترا مناب يالصقري اغراب

وان كان هجر الولف بيح حفيلك
اصبر وتفرج من لدن رب الارباب

من فقد يوم ازعجتنا ياحليلك
وش قولنا واللي نبي كم شهر غاب

مع ليلنا نقول ياقصر ليلك
تتعب لقطعه بالسهر خيل وركاب

يا جد انا داخل عيوني اشيلك
انت الأهل و انت الرفآقه و الاحبآب

ما هو بـ فقدة ليل وما أشتكي لك
مشكآي مما فيني لـ ربّ الاربآب

لا صار حتى الخيل عيَّت تشيلك
و اقرب محبّينك غدوا عنّك اجناب

ياليت عينك شآهدت مقصدي لك
يوم القصايد ضوَّ قمراك و شهاب

معاني ٍ فيها دخيلي دخيلك
و منآظر ٍ تشبه مقابيس شباب

فيها تواصيف الدلال و عميلك
فيها سلا الروح و علامات و اسباب

ناصر الهواوي معجب بهذا

من القديم

Bleas Waer is yeu عسى ماحصل باس=ان كان مامن باس اناNo BroPlem
ليا هب من يمة بلد زيد نسناس=اقول للنسناس لاعدت سلم
عليه لو اني منه طاوي الياس=وان عدت لي من ديرة الترف علم
باخبار من لجله خضع قاسي الراس=يوم انت علمته بماذا تكلم
ابو ثمانن لاابتسم كنها الماس=والخد من لمس الحرير ايتألم
جيد الخشيف اللي يرتع بالاطعاس=وعين اشقرٍ يبي الهدد وامتولم
ضافي هدبهن سود خدَّر ونعاس=ليا لد بي وانا خطيب اتبلم
وقل له حدوني ما اقدر اجيك الانجاس=والا جدار الصبر عنك امتثلم
ولولا الحيا من خالق الجن والناس=وعليك اداري. ما خشيت المهلم
لجي وابادلك العتب راس من راس=وانا لها وانت تعرفني معلم

عبدالله الصقري معجب بهذا

صح الله لسانك ولاهنت ودام حضورك يالذيب

عبدالله الصقري معجب بهذا

______________________________

عبدالله الصقري معجب بهذا