هنا .. سجن القوافي !!

شيلةالعفراني في الربيع على طريق ضريه الرس القصيم بتاريخ 15/4/1440هـ



__________________________________

عبدالله الصقري معجب بهذا

الاخت نور شكراً ع المشــــــــــــــــاركه
الاخت الشاعره ريوف شكراً ع المشــــــــــــــــاركه

https://www.r111n.com/t32145.html

ناصر الهواوي ,عبدالله الصقري معجبون بهذا

السلام عليكم جميعا ورحمة الله وبركاته
وطابت أمسياتكم وجميع أوقاتكم
وشكرا للجميع على هذه المشاركات المباركات
وصحت السنتكم .. وأرتوت ذائقتكم
ويا هلا بسجينتنا شاعرة نجد ونتمنى لك إقامة سعيدة
وساعات مديدة .. علما إني لا أرتاح لكلمة سجن فأنت في ضيافة
ولي راي لا حقا في هذا المسمى ...،،

شاعرة نجد ,عبدالله الصقري معجبون بهذا

اقتباس:

المشاركة الأصلية كتبت بواسطة خيال مطير

. يا اللي زعلت بْكيفك ارضى بكيفك
وش حدّني اقضي حياتي اراضيك؟ .
. أخاف لو زاد التّغلي اعيفك
وان صد قلبي عنْك..ما عاد يمديك .
. دامك تسل بْوجه الاشواق سيفك
وتطعن عيون اللي يحبك ويغليك .
. اجيك مبحر في رجا حظن سيفك
وتغرق مراكب لهفتي في شواطيك .
. خلّيت لك هذا التجافي حليفك
ومشيت درب البعد..الله يهديك .
. هذا وانا من بدّ خلّقه وليفك
اهواك..واعشق قبّل عندك..تغلّيك .
. لو مرّني في ليلة البرد طيفك
احرق حطب شوقي عشانك وادفيك .
. وانا يدثّرني بْغيابك خريفك
ويْموت صوتي كلّما جيت اناديك .
. ضيّفتك بْصدري متى كون ضيفك
وتصّب لي بنّ المحبه...واقّهويك؟ .
. يا اللي زعلت بْكيفك ازعل بكيفك
وش حدني اقضي حياتي اراضيك؟ .

^^
الأقشر الرهيب المحترم
نصيحة لا تزعل العود وتذوق حلاوة المشعاب هههههه
ملاحظة بس : ياليت تذكر أسماء أصحاب هذه القصائد الفريدة
إتماما للنسخ واللزق ولحفظ الحق الأدبي للشعراء .. وسلامتك،،

هزاع العاصمي ,عبدالله الصقري معجبون بهذا

اقتباس:

المشاركة الأصلية كتبت بواسطة شاعرة نجد

ياقو قلبك وياصبرك على الفرقى
وشلون عايش بعيد الداار عن ناسك

مبسوط والا العيون بدمعها غرقى؟
والا العمل ماخذٍ وقتك مع احساسك

مع سلم أياام عمرك تنزل وترقى
ياما وياما سمعتك تطرد انفاسك

وانا اتعجّب وقلبي يحترق حرقى
لو قااسي الوقت,قوّى بااسي وباسك

^^
بعض الطروق تسمعها وترووووق
راقت وفاقت .. وصح لسانك شاعرتنا

يا قاف هذي مجاراتي على الطرقا = أسعف خيالي على الطاروق لو حاسك
هذي السجينة تناغي نايح الورقا= يا سجن هون عليها طرق حراسك
حاكت يمامة نجود بعينها الزرقا = وشافت خيال الحقيقة جوف مجلاسك
والصوت دوّا على المطروق من شرقا = ويالهيض فاضت عيونك وأمتلأ كاسك
^^

هزاع العاصمي ,عبدالله الصقري معجبون بهذا

رؤية .....

سلام يا سجن القوافي كلما هبت رياح = وعلى السجين اليا بدع قافه وبلسانه سجع
لكن مسمى ( سجن) ظني ما يجيب الإرتياح = ودي نبدّل لوحته ونكتب أسمه ( منتجع)
حتى (السجين) نبدل أسمه ( ضيف) يشعر بإرتاح = وليا جلس بالمنتجع ما حس في رأسه وجع
يمكن مع الرؤية نوافقها - وفيها الإنشراح = ونجلب الترفيه والسلوة مع طير البجع
دنيا بسيطة ليت نبسطها مع الجد / المزاح = وكلٍ على المقسوم مالدنيا على جنبه ضجع
ثقافة الترهيب ولّت ، حرّمت حتى المباح = يا علّ عهد أهل التشدد ما يعود ولا رجع
هذا مجرد رأي عندي وأمنياتي وإقتراح = والحل في حل العُقد لا حل في رأس الشجع

.. ودمتم سالين وسالمين .. في منتجع الرواسي للقوافي

شاعرة نجد ,ناصر الهواوي ,عبدالله الصقري معجبون بهذا

اقتباس:

المشاركة الأصلية كتبت بواسطة عبدالله الدّنّيش

رؤية .....

سلام يا سجن القوافي كلما هبت رياح = وعلى السجين اليا بدع قافه وبلسانه سجع
لكن مسمى ( سجن) ظني ما يجيب الإرتياح = ودي نبدّل لوحته ونكتب أسمه ( منتجع)
حتى (السجين) نبدل أسمه ( ضيف) يشعر بإرتاح = وليا جلس بالمنتجع ما حس في رأسه وجع
يمكن مع الرؤية نوافقها - وفيها الإنشراح = ونجلب الترفيه والسلوة مع طير البجع
دنيا بسيطة ليت نبسطها مع الجد / المزاح = وكلٍ على المقسوم مالدنيا على جنبه ضجع
ثقافة الترهيب ولّت ، حرّمت حتى المباح = يا علّ عهد أهل التشدد ما يعود ولا رجع
هذا مجرد رأي عندي وأمنياتي وإقتراح = والحل في حل العُقد لا حل في رأس الشجع

.. ودمتم سالين وسالمين .. في منتجع الرواسي للقوافي

صح لسانك ملايين و عودا حميدا
وانا أول المؤيدين لهالرؤيه الجميله
دمت و دام تواجدك و ابداعك

عبدالله الدّنّيش ,خيال مطير معجبون بهذا

اقتباس:

المشاركة الأصلية كتبت بواسطة عبدالله الدّنّيش

^^
الأقشر الرهيب المحترم
نصيحة لا تزعل العود وتذوق حلاوة المشعاب هههههه
ملاحظة بس : ياليت تذكر أسماء أصحاب هذه القصائد الفريدة
إتماما للنسخ واللزق ولحفظ الحق الأدبي للشعراء .. وسلامتك،،

صج لسانك
القصيد اللي مالها اسم راعي
تراها قصايدي
حلوه منتجع رواسي للقوافي
انا خوفي من المشعاب اللي مع العود
احتريه الين يرقد , واسرقه منه هههههههه
اعيد واكرر صح لسانك مليون ولايسدون شاعرنا
بس لاتغيب اكثر من اسبوع
ونت سالم وغانم

عبدالله الدّنّيش ,ناصر الهواوي ,عبدالله الصقري معجبون بهذا