آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
01-10-2019, 07:59 PM
|
#27337 | |
أبعد قريب
|
مسا الانوار و الامطار
جده غرقت هههههههههههه صحت الألسن جميعا و دام هالتواجد الجميل ابو عبيد حل بسيط لكل مشاكل النشر عندك مستند نصي على سطح المكتب اكتب ولا خلصت انسخ و الصقه في المنتدى و بس تسالي يا قوّ قلبك لا تنـاسى و زَعَل و اقفى و عن شوفي تباعد مداه ما الوم .. لكن ما هقيته رحل واغناك حتى عن فروض الصلاه خابرك معذور ٍ ولا بك زلل ومالك على ترويض قلبك جداه مثلي ولكن ماصرفته هلل أطيع قلبي مير ماني فداه ذكّرتني من لهفتك للغزل بالحب و آهآته و أوّل مهاه عوّدت بي للهاجس اللي همل أصدق تعابيره بـ ماه و دماه بلاك ماتدري بسهم ٍ نزل في خافق ٍ ما عذّب اللي رماه شي ٍ على التوصيف ما هو سهل يجمع من الماضي لجرحي عزاه قلب ٍ على مدماة شوقه سدل واخفى عذابه لين ما بهواه من غالي ٍ له في ضميري محل لا مالقاه المغرم و لا نساه اللي ذبحني فيه طبع الخجل حين استمال و هامستني شفاه هو مترف ٍ بالحسن ماله مثل من رقّته حسّيت موتي نجاه أثر المحبّه موت ٍ بلا مهل في كل حين تجرِّع الصبّ آه ياما غشاني من فراقه وجل واغليت في غبّ المحاجر سناه مستقبلي أرسيته مْن الأزل لعيونه وما نلت مرّه دفاه راح و تركني فوق ذاك الجبل أنقش حكاية حبّنا في حصاه واعيش وحدي بلا حبايب و اهل ولا منزلٍ غير المسا في خلاه لاشك بالفكر المتيّم خلل والقلب ماظنّيت يعشق سواه أبغاه لكن لو حصل .. ما حصل والله يصرِّفنا على ما يراه ياصاحبي ما قلتها لك هزل هي قصِّتي و الجرح لبًّى صداه صوت ٍ على ونّات شعري حمل معنى الألم و الهمّ للي قراه في مرتع ٍ خايلته احلى نهل و اثْره يغثرب كل صافي صفاه في غبّ صدري لابس ٍ له حلل من جوهر ٍ وصله بقايا جفاه و اقول : ما عذّبني الاّ الجهل حين استباح العمر كلّه وراه يموت فيني كل لحظه أمل والذكريات تزيد فيني لظاه وان بان بالصفحات لا ما اكتمل الهاجس الباقي يداري غلاه والمشكله مادام فيها جدل كل ٍ على مسراه يلقى جزاه نصيحتي لاصار مالك بدل عنها ولا لك من بَعَدْهَا غناه شاور حكيم ولا تشاور خَبَل ما من تصاريف المولَّع هناه من سار في درب السلامه وصل ومن هان ساسه ما تعلاّ بناه ومن لاتوقّع.. لو بدى له شِكَل مرحوم قبل الموت ياخذ مناه مايولج بـ سـمّ الخياط الجمل وما كلّ ينبوع ٍ يطيب اِلْك ماه الليل يسبي ما عطاك بـ عَجَل واللي يذوق البرد يبكي عباه و مادام طبَّك في مرير العسل خايف تصير اللي بـ كحله عماه والاّ العمي لو كان شوفه خذل يميِّز بقلبه مواطيء خطاه واذا رضينا منك سوء العمل لاواحسافه كان عقلك رضاه خل الجهل و لكل علم ٍ أجل وما كل ما نسقيه يحلى جناه جرحك سبايبه الفراغ و ملل والقلب يحييه الأمل بالأناه آسف إذاه مْن الحقيقه زعل و اقفى وعن شوفي تباعد مداه |
|
|
|
01-10-2019, 08:02 PM
|
#27338 | |
|
أبعد قريب
|
اقتباس:
المشاركة الأصلية كتبت بواسطة النجلاء
دخلت ع الرابط ما فك يقول لقد ادخلت رابط غلط !!!!!!!!!!!!!!!!!!!!!!!!!!!!!!!!!!!!! |
|
|
|
|
01-10-2019, 10:40 PM
|
#27339 | |
  حزب الرعد
|
هلا بالجميع ويسعد مساكم
شاعرنا الهواوي صح لسانك شاعرنا وان شاء الله تنحل مشكلتك ودام حضورك وابداعك خيال مطير يعطيك العافيه ع التسالي ويسلم ذوقك ودام حضورك رحووله منووره حبيبتي وقصه حلووه يستاااااهل ههههه الصقري صح لسانك ع التسليه الجميله والطويله ههههه ويعطيك العااافيه نجولتنا الغاليه يعطيك العآفيه حبيبتي يفتح معي الرابط بس ما يطلع لي الصندووق للرد. وماعندي مشكله أنااا في المشاركات ومالي في التنسيق ماجربت. ومشكوره على اهتمامك بالموضوع وعسااك ع القوه. الله يحفظك ويسعدكً |
|
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك
التعديل الأخير تم بواسطة الجووهره ; 01-10-2019 الساعة 10:43 PM
|
|
02-10-2019, 11:14 AM
|
#27340 | |
حزب العاصفه
|
كالمستجير من الرمضاء بالناري/ جمله اعتراضيه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ عن مثل هذي ياخفير السجن من يقدر يصد=لو هي سعيره لق وجهك لا تبدت يمها مبسوط عشر وعشر قيراطات واليوم انعصد=مزاجي المسكين لخبطته بخفة دمها حاولت الف يسار والا ايمين لو مالي مصد=وحليت شفرتها بكفٍ عنه كفت كمها بقصدبين لي مراده بالمرور او دون قصد=يشقي عيون ويكسر الخاطر وكبد ايسمها |
|
|
|
02-10-2019, 11:14 AM
|
#27341 | |
|
مقتطفات للتسليه ....وصح الساني هههههه
البارحة سهران بالرأس تفكير = أجدد الذكرى مع ذكرياتي خيالي اللي قادني قلتله خير=سرحت مع ذكرى جميله بحياتي ذكراك مازالت معي دون تبرير=من كثر مافكرت عفت المباتي ايوالله ان قلبي كفخ فرحته غير=ياقلهم احباب سوو سواتي وهذي تسلية ..... يازين وش روعة زماني بلياك= انت الحياة وخافقي في كفوفك انت الحياة وروعة الحب وياك = في ليلي الثاير اسامر طيوفك وفرحة زماني كلها من سواياك=ياكيف ابنسى فرحتي في حلوفك ترى الغلا يمك شغوفٍ الطرياك= فرحة زماني يوم تأتي اشوفك ودي بقربك وتفهم خفاياك = في خافقي ليا الهبايب تلوفك وسلامة الجميع ماقصرتوا |
|
لاصرت في صحتك والحال مستور = يغنيك عن بعض الرفاقه رفاقه منتب على طرد المقفين مجبور = أما الوصل وإلا بلاش العلاقه - ديواني الإلكتروني
|
|
02-10-2019, 11:23 AM
|
#27342 | |
|
حزب العاصفه
|
مداعبه لعاشق فقط
بالله ياعاشق عن العشق وش قلت=والا انت مالك بالتماثيل راده وش حط منك ومنه يالقرم وش شلت=ووش بينك وبين السهر والوساده اسمك مهول ومن كثر صمتك اهتلت=للعاشقين الصمت ماهو بعاده |
|
|
|
|
02-10-2019, 11:29 AM
|
#27343 | |
|
ضحى الخير (:
نجولة منورة ي غالية الهواوي صح لسانك شاعرنا العاصمـي صح لسانك شكل السجن مؤبد ههههههههههههههه الصقري تهناكم الرحمة الله يجعلها امطار خير وبركة وصح لسانك جوجو صح ذوقك ي ذوق |
|
|
مع احترامي وتقديري لمن هم هنا=ممنون انا واتشكر للزميله رحيل (ابو عبيد )
لو صار عن شكرها بالهجس ضعف ونا=الطيب الطيب اللي مبتدي بالجميل لفعولها الطيبه من قبل سامك بنا=بنت اصل عن ما عليه مربيه ما تميل
|
|
02-10-2019, 11:51 AM
|
#27344 | |
|
اقتباس:
المشاركة الأصلية كتبت بواسطة ناصر الهواوي
مداعبه لعاشق فقط
بالله ياعاشق عن العشق وش قلت=والا انت مالك بالتماثيل راده وش حط منك ومنه يالقرم وش شلت=ووش بينك وبين السهر والوساده اسمك مهول ومن كثر صمتك اهتلت=للعاشقين الصمت ماهو بعاده بقول من كيفي ولوقلت ماقلت = أنا مع القيفان كلي رياده وش عادلوعبرت أو شلت ماشلت=فكر على كيفك وعطنا زياده حاول وجرب عودنا كان محتلت=ابشر على راسي اجيب الوساده سلام |
|
|
|
|
«
الموضوع السابق
|
الموضوع التالي
»
العرض العادي
|
|
