هنا .. سجن القوافي !!

كــلام نــام بـشـفاهك..وخفتي لاتـصـحينه
ذخـرتـيه لـغرام لـلي يـنام...ويترك تـصحين
تـغـانمتي غـيـابي..لين رجـحـتي مـوازيـنه
تـعلم مـن يـدك لـمس الـكفوف وعلمك تجفين

خيال مطير ,عبدالله الصقري ,ناصر الهواوي معجبون بهذا

مساكم الله بالخير يالرواسي
ياهلا والله ناقدنا حياك الله والحمد لله على السلامه واخر الغيبات ان شاء الله
الدنيش ياهلا ومرحبا بك واخر الغيبات ان شاء الله وصح الله لسانك شاعرنا
ابو عبيد صح الله لسانك مدد
خيال يسلم ذوقك وانتقائك
رحوله ياهلا فيك وبحضورك
المهره يسلم ذوقك يالغلا
جوجو استودعناك الله وتردون بالسلامه واذ قدرتي دشي طمنينا على اختك واجر وعافيه ان شاء الله

خيال مطير ,رحيل ,عبدالله الصقري و 1 آخرون معجبون بهذا

ناصر الهواوي

‏

ياملهمة هاجسي غيبي لو اربع ليال=لجل تريح من غيابك كذا ذائقه
اشغلتي الناس في قاف الغزل والهبال=مع الهوامير قيفانك ماهي لايقه
قولة تعال وتقلع مثل طس وتعال=محللين الكلام عقولهم فايقه
الزبده ارجوك روحي ما يفيد الجدال=في غيبتك عايقه في حضرتك عايقه
خثاريق فقط


‏

خيال مطير ,رحيل ,عبدالله الصقري معجبون بهذا

‏

سقها تعشي مثل ما قال خيال=انا قبل قد سقتها لك تعشي
الراعدي قبل امس يالذيب وش قال=واقفى بعد ما قال قوله ولاشي
خذ سجةٍ بي مجنب اشيل موال=يالجيب افيض معك حاشور جشي
اللي يراودني من اول ولا زال=لمشبَك معاليق الضماير يحشي
بالكبد له ندبه كما حبة الخال=مازالت بدم التوجد تبشي
من رجف قلبي خفت الاضلاع تنهال=يقال مع طول الجفا تستهشي
لو بس اعرف الموجب لقطع الارسال=ابي سبب منك انت لو فيه غشي

‏

عبدالله الصقري ,خيال مطير ,رحيل معجبون بهذا

اسعد الله مساكم جميعاً


جوجو
نستودعك الله الذي لا تضيع ودائعه
تروحين وترجعين ياغالية
و الله يشفي اختك ويعافيها


صح لسانك ابو عبيد

منورة نجوله
ومنورة المهره

عبدالله الصقري ,خيال مطير ,ناصر الهواوي معجبون بهذا

قال حاول تشغل الفكر باللي تستطيع=قلت طبع الفكر من عام الاول منشغل
قال طيب قلبك يشبه بحملٍ وديع=قلت له يالذيب للطيب وش بك تستغل
راح لك في عافيه وانت رديته وجيع=نيتك من قبل زينه وجا فيها دغل
اول اغريته بكثر العوا مع كل ريع=وراح لك من نظف قلبه واثر قلبك نغل
كان بعد اللي جرا منك لسلوبك يطيع=كان جاك حصان قل له تقلع يابغل

رحيل ,عبدالله الصقري ,خيال مطير معجبون بهذا

صح لسانك يابوعبيد واللجميع
جهير
ماتشوف شر أختك
اللهم ياحنان يامنان اشفي اختك
بنتظارك يالاميرهه

ناصر الهواوي ,عبدالله الصقري معجبون بهذا

تسليه من الخفير
قصيدة المقناص:في وصف الطير و المقناص
لـ عبيد القلادي، منذ 10 أعوام،






لاوالله الا تو مابالي انساح
يوم ان مزن الوسم لاحت بروقه
وراع الولع يجيب للطير ملواح
غير له البرقع وجدد سبوقه
وانابعد بالمثل جهزت وضاح
يعوق خرب(ن)وان تعذر لحوقه
ناب الثنادي والجناحين نزاح
ادعج تقول مخضباتْ اشنوقه
كاشف تقل بين الجناحين مصباح
اشقر تقل جمر الغضى حط فوقه
ياخذ من الداب الحنش عاتقً لاح
وياخذ منه بالوصف لمحت شدوقه
افجح وسيقانه قصيرات ذباح
ضربات كفه ماتخيط فتوقه
نبي على المقناص مع فج الاصباح
قبل شعاع الشمس يبدا شروقه
مع ربعت(ن) شفقين عجلين ولحاح
كل(ن) على المطلاع نفسه تسوقه
من فوق شهب(ن) لجرد الخد تجتاح
اسبق من الشيهان مومي اخفوقه
نباء الديار الي محاني وصحصاح
شرقي شمال مريط بقصى عروقه
شمال من فيحان وغرب ام رماح
جنوب من الانبط وعقرب والوقه
يم الديار الي لها القلب يرتاح
هي منوة الصقار شفه وذوقه
فيها الحباري بين ممسى ومصباح
في وسط سدر(ن) كل نبقه تذوقه
ياحلو جرتهاتقل نظم مسباح
بين العرافج مثل مشي السروقه
يبرا لها خربْ(ن) تقل لون تمساح
هذا يقطع له وهذا يسوقه
ليا من طارن لجوا الصوت بصياح
ووضاح جاهز ثم فكوا سبوقه
واحد تعلى بالسماء وواحد(ن) طاح
وضاح يم الي تعلى يعوقه
وشوي في كفه يلولح تلولاح
مره يجي تحته ومرات فوقه
ثم اجتمعنا في تعاليل ومزاح
وفنجال بن(ن) للنشامى نسوقه
هذي حلات العمر ومافات قد راح
نفسي على حب النشامى شفوقه
واليا نتهى المقناص ننكف مرواح
كل(ن) يبي لديار حيه وشوقه

ناصر الهواوي ,عبدالله الصقري معجبون بهذا