هنا .. سجن القوافي !!

السلام عليكم و صحت السنتكم و سلمت قلوبكم
والله يسعدك يبو عبيد على هالدرر المتجدده دوم
و هذي طازه لعيونك



صباح الخير و انواره
عليكم يا هل الإبدآع

صباح ٍ تبحر ازهاره
على روحي بدون شرآع

انا موجود في الدآره
و لو بـ اصبع !!؟ بدون قناع

من المركاز في الحاره
و عزف العود دون ايقاع

الين آعدِّل الطاره
بموقف وحدتي و دفآع

الين آعلِّق الشآره
و اراودها و اشب النار

أيا ليلي و سمَّآره
لكم دآخل فؤآدي دآر

من السجن اوسع امتآره
و في روحي بعيد اقطآر

سكنكم فيه و اوتآره
نغم يطرب له النوَّآر

و عذبه مجري انهآره
زلال و شهد من صبَّآر

و لولا الليل و استاره
لـ فآض السيل دون امطار

و لولا الجار مع جآره
تهاوت حولهم أسوآر

و من جنَّآته لـ نآره
يطول بهاجسي المشوآر

فلا تكفيكم اعذآره
و لا تشفيكم الأشعار

و سلامتكم

ناصر الهواوي ,رحيل معجبون بهذا

يارب مع هذا المساء
اشياء تسر القلب وتسعد الخاطر

مساء الخير


وصحت السنتكم جميعاً

شاعرة نجد ,عبدالله الصقري ,ناصر الهواوي معجبون بهذا

صحت الالسن ودام الحضور , تسليه


ماحدني حادي ســـوا حلو طرياه
ولا حال دونه غير كبر المصايب
امشي على ودي ولاأمشي بمشهاه
لو هو لي أغلا من جميع القرايب
والقلب من دونـــه صدورٍ مغطاه
والليل يستر كــــل مخطي وخايب
اببتعد عن جـــــــو ربعي وذكراه
يمكني أرجع خاطري منه طايب
ياثقل دمــــــي كل ماقلت أبنساه
وانا على شانه عملت العجايب
أعيش انــــــــا ويـــــاه ولابلياه
رزقي على منشي حقوق السحايب
هــــاذي معاذير النفوس المزكاه
لو قيل منهو عاش عقب الحبايب
والبعد مــــوتٍ في طريقة ملاقاه
هــاذا ليا قالوا عطيب الضرايب
ياشعيل وبــــــن آدم خفيه نواياه
والراي من روس الرياجيل صايب
يمكني خطاي إني تخيرت فرقاه
على كثر حبه ولاصــرت هايب
أحن له وأشتاق له وآآتباطاه
ويجر لـي طيفه نسيم الهبايب
وأتذكره وأفز لاحــــــل طرياه
واونس بجسمي مثل حرق اللهايب
وأسج رجلي لاطرت لي خطاياه
واسوق شعري مثل سوق الركايب
يمكن يجي يومٍ ويشوفه ويقراه
ويحن للماضي حنين الغوايب
ويعرف بأنه كل هــاذي سواياه
ويستغرب أنه كل ابو هـ السبايب .!


ظافر خالد الظفيري

عبدالله الصقري ,ناصر الهواوي معجبون بهذا

ياشعيل ياشكاي طال العناطال
من يوم قفوا عن عربنا عربها

زاد الولع معها و زاد التبهلال
و النفس يا مشعل كثيرعطبها

وذكرى السنين الماضية كدر البال
وقت(ن)مضى ياشعيل نفسي حطبها

يسج فكري لانظر بعض الطلال
وذكر قناطيش العرب مع سربها

والبوش له ياشعيل لاصابه جفال
حنه ورنه والموده ندبها:

على جبا عدأ غداء له تجوال.
في لاهب الجوزاء تزايد غضبها

و اللي يصب الدلو للسانية قال
أرهيت يا راع الجمل في طلبها

و قامت تعض صغارها قبل الانهال
ينحاش حواش الغنم ما قربها

ثم شفت لي زول(ن)على كل الأزوال
منوقت(ن) يا شعيل يلمع ذهبها

قامت تعرض بأشقر القرن لا مال
و خد(ن) معاليق الضماير نهبها

خد(ن)كما البراق في غاسق اللال
يموت طراد الهوى ما غلبها

لو شافها المسند علىشانها عال
يمكن على التلفاز سج وخطبها

الشاعر:عيد بجاد بن شده

عبدالله الصقري ,ناصر الهواوي معجبون بهذا

الوضح (جره)
ربابه ,, محماس العضياني، منذ 12 عامًا،

https://www.alsh3r.com/poems/view/41704

عبدالله الصقري ,ناصر الهواوي معجبون بهذا

يازعيم الحزب وش ودك نسوي=انتسلا فـ .الرعد والا نبيده
والا ودك لاتواقد جمر ضوي=أحَمَسْهم حمس وانا المستفيده
لين ريم تصيح وانا اقول توي=ولين طيّبهم يطيح ويرفع ايده
شاور افكارك وقللي وش تْنوي=ساعدك وابشر تراني عن وليده
تدري اني لافضيت وزان جوي=كل ساعه ودي اكتب لي قصيده
وان سرى الهاجس على براق نوي=والقريحه فضفضت باللي تريده
حرك الاشواق رعّادٍ يْدوّي=واستباح القلب,وادياره بعيده

ريم

عبدالله الصقري ,ناصر الهواوي معجبون بهذا

يامحمد حزبهم شكله مهوي=العرب سَبَّارهم ماله قعيدَه
يوم شفته جاء معدِّي من عُلوي=قلت ياسبر العرب فرصه سعيده
لو تحمَّس قال أنا مافيه قُوي=يرتعد ويذل لو قلبه حديده
يوم طار مع الندب طاح امتثوي=جاه عيده جعل ربي مايعيده
ياحزيب الضعف مانبغى مقوي=الفكر رادار والجمله مفيده
لاالتويتوا مثلكم صرت متلوي=وإن مشيتوا سيده آنا أروح سيده
يوم حلق طيركم جاكم مضوي=الخسارة يابليد ويابليده
فيد ابن برمان دابٍ ومتطوي=ماحَصَل من هدته غير النقيده
من رفع بيت الأمل خله يطوي=وقَّع العصفور ماهز الجريده

عبدالله الصقري ,ناصر الهواوي معجبون بهذا

‏

بقلب خالي هبوب الشوق ماطيَّح=شعف الغلا ينفض اوردته ويذراها
ماقصَّر اخفى الشجون وعوَّد وبيح=وبدت لكل الملا/ ما كنه اخفاها
والله ما الومك حمد لو عقبه اتصيح=قبلك من اهل الهوى من ذاق عجفاها
احد وشاح اكتساها وآخر اوشيح=واحد تفرش بها واحد تغطاها
في مجمل احوالها كسبانها اقميح=وقطعت عروق الهوى ما احد تمناها

رحيل ,حمد الحربي ,شاعرة نجد و 2 آخرون معجبون بهذا

خيال مطير ,عبدالله الصقري