هنا .. سجن القوافي !!

اشتاق انا للطلاسم لو محمد زرا=احيان تبرد بحوس حروفها ناريه
وش فيك تلوي خناعك ياهجوسي ورى=الدرب قدام وزنود الشعر واريه
اليوم رش وسحاب وكل طاري طرا=والجدي يمين وسهيل اصبح ايساريه
دام التهجي يفيد اللي بعد ماقرا=وتشوف رسم الحروف عيون ما داريه
باع بخلايا دماغي ماعرفت وشرا=ياطيب قلبي صمد ما بيِّح اسراريه
ليل التحايل سجينه بالعلوم انبرا=ونبش جريحات قلبٍ ظنها باريه
كان يعرف كل ما قالوا وقال افترا=ويقال من ضاق راسه يصمخ الساريه
بدت له الشمس بامسه بعد عرف ودرا=صحيح الاقدار مهاما حاولوا جاريه
يامن زهمني ولا اجبته وضاق وسرى=لو سقت الاعذار انا من صدقها عاريه

عبدالله الصقري ,حمد الحربي ,شاعرة نجد و 4 آخرون معجبون بهذا

النجلاء ,رحيل ,الجووهره ,خيال مطير

ونقوووووول تسليه من الخفير

يقول الشاعر

يالله اني في ذراك مـن المصايـب والبـلاوي = والتكبـر والتغطـرس والجهـل والجاهلـيـه
والزنـا والقتـل والشـلاّت وعيـال القهـاوي = والربا واهل الربـا واهـل الغبـا والعنصريـه
والردى واهل الردى واهل الحيَل واهل الملاوي = والنمائـم والكـلام الشيـن والنفـس الدنـيـه
وعن هروج الكذب والزمّات والهرج المـراوي = والنفـاق ورفقـة الانـذال والنـاس الـرديـه
وأكل مال الغير من الايتـام ولا مـن غنـاوي = ومن غضبك ومن سخطك ومن عقوقي والديـه
وعن دروب العيب واهل الظلم صحبة كل غاوي = والنكـاده والقـراده والحـسـد والعنجهـيـه
والقهر والديـن والنكبـات والشـر المخـاوي = وعن قلال الدين واهل الفسق وانـواع الزريـه
يا إلهي ذا رجاي وفيـك انـا قلبـي رجـاوي = طلبتي لك طلبـة المحتـاج وارفـع لـك يديـه
انتبه من صحبـة اللـي دايـم دربـه خنـاوي = مـاوراه الاّ المضـره والنـكـد ولاّ البلـيـه
تستحي من النـاس لشافـوك وايّـاه امتخـاوي = خايف من هرجـة العقـال مـن هـذا خويـه
سمعتـه مشهـورة بالعيـب ولاّ بالـرشـاوي = لايفرق في الصواب.. ولايفرق فـي الخطيـه
ذي نصيحة شاعر قلبه علـى الغالييـن يـاوي = قلتها وارجوك يـارب المـلا ترضـى عليـه
قلتها ماابغى وراهـا لا جـزاء.. ولا عطـاوي = ماعلي امن الجـزاء ولا علـي امـن العطيـه
لابس ثوب جديـد.. ولابـس بشـت حسـاوي = ومـن وصايـا شايبـي متحـزّم بالحضرميـه

عبدالله الصقري ,النجلاء ,الجووهره و 1 آخرون معجبون بهذا

ناصر الهواوي

مسا الخير يالشارع ويالباب والطوفه=وادخل يالخفير وقل لزنزانته بالخير
لوخيال حمران النواظر رقد جوفه=كان اللي يجي يشوف ريحه وشكله غير
لكن الهجوس اليوم بالحيل ملقوفه=بغت من فرح في هالتواجد اعصير اتطير
اطلع ما تلبي رغبةٍ فيِّ مشغوفه=بتفجير منطاد الرعد في يدي تفجير
عطنا ريم فوق الجيب لو تقرش بلوفه=لو ظروفها ماتسمح بحبسها لا ضير
الخاله بحكر القاف من قبل معروفه=لو ان الحمام اصغى لها ماهقيت ايطير

عبدالله الصقري ,النجلاء ,رحيل و 2 آخرون معجبون بهذا

خيال مطير ,الجووهره

‏‎عقب الصيام وعقب شهر العبادة
جيت ومعي باقة ورود ورياحين

واحساس متفرد ونكهة سعادة
تنعش قلوب وتضحك عيون غالين​



صبآآآحكم ورررد

عبدالله الصقري ,شاعرة نجد ,النجلاء و 1 آخرون معجبون بهذا

خيال مطير

يا سجن البديع اظن زلت ليال العيد=واشوف الوضع باقي على طمة الشايب
لا استرجاع للفايت ولا صار به تجديد=اللي وايقوا حذرين والغايب الغايب
اللي بالتحيه هز كفه هنااااك بعيد=يقدم رجل ويردها مشية الهايب

عبدالله الصقري ,شاعرة نجد ,رحيل و 1 آخرون معجبون بهذا

خيال مطير

صح لسانك يابو عبيد ارحبي ياجهير منوره عيدك مبارك

عبدالله الصقري ,ناصر الهواوي معجبون بهذا

تسليه


البارحه ياحسين مركاي كوعي
من العشا الين اذن الفجر يا حسين
ما غير اسلي خاطري بالدموعي
مثل الذي من يقضي الدين بالدين
وكل السبب طيري حسين الطبوعي
النادر اللي شوفته تطرب العين
اللي ليا مني نهمته فزوعي
مثل الشجاع الي نهموه القريبين
قمت اتذكر تلته لطلوعي
بخدن قنصنا فيه حروة اسبوعين
مدري ثمان ايام معهن اسبوعي
لا شك كنهن يا ابن الاجواد يومين
وفي تالي المقناص يوم الربوعي
اتلى العهد به راح يلوي الجناحين
اقفى وراء خرب ٍ مصقر جزوعي
متذير ٍ واردفت من عقبه طيرين
وسقنا معاهن وسط خد منوعي
اقف ٍ شمال ومبعدات عن العين

عبدالله الصقري ,النجلاء معجبون بهذا

لا دخنت في العود بين القرابه
وكلاً على غوجه ركب وعترضها
لاصار ماعندك ولالك طلابه
اترك مولعة الفتيل لبعضها
يدوسها خبلاً يسحب ثيابه
وسود القلوب اللي خطيراً مرضها
على الردى تهرف هريف الذيابه
مدري لفزعات الردى وش غرضها
جاهم ابليس وصرهم في زهابه
واليا غسل يمناه منهم نفضها
ورجلاً طرح قدر العرب من حسابه
يعطي ملازيم الرجال و نقضها
يضيع تقديره ويفقد صوابه
وتجيه ضرباتٍ يحس بمضضها
والرفقه اللي مثل قوس الربابه
روح وتلقى عند ربك عوضها

عبدالله الصقري ,شاعرة نجد ,النجلاء معجبون بهذا