هنا .. سجن القوافي !!

لاواهني اللي لقا روحه وسلم من التعب=والله يعين اللي جميع اعضاه مبطي ضايعه
جميع اموره بعد ضيعتهن غدت لهو ولعب=عينه تتوق لمن سباهن والمشاعر جايعه
به تكةٍ ازرت توسعها موسعة الشُعب=كم صيدلي اعطاه منها قال هذي رايعه
ودواه عند اللي يذوب بجيدها قرط الذهب=اللي بلبتها سلاسلها الكبيره مايعه
بالهرج ما تحصى مواهبها ولكن ما تهب=في ودها تعطي لكن النفس ماهي طايعه
ما ادعي عليها كان صدري قبل عرفتها رحب=برحابته له سمعةٍ مع من يعرفه ذايعه

عبدالله الصقري ,هزاع العاصمي ,الجووهره و 1 آخرون معجبون بهذا

رحيل

عصر الخير مساء الخير
كل شيء خير (:

صح لسانك شاعرنا

صح ذوق جوجو

هزاع منور السجن
ننتظر المشاركه (:

————————————
———————
—————
———
كان صدري بير من حوله ضلوعي مِدي
فيه قلبي دلوٍ معلّق ب حبل الوريد

كان يومي أمنية أمسي و ذكرى غدي
كان عمري ينقص وذكرياتي به تزيد

ووسط زحمة ذكرياتي جلست بمفردي
كيف كل الناس فيني وانا فيهم وحيد ؟

————————————

يامدور في مداهيل صدري وش لقيت
غير نبت العام الاول على جرة ظبي

(:

عبدالله الصقري ,هزاع العاصمي ,الجووهره معجبون بهذا

صح لسآنك شآعرنا الهوآوي
ويسلم ذووقك رحووله الجميله



تسآلي آخر الليل

مكاسب الدنيا حظوظ وتوافيق
وحكم القدر كل البشر يجهلونه
٠٠
والرزق لا ساقه ولي المخاليق
ماحد قدر ياقف من الناس دونه

...


لو يصير لكل نفس بهالزمن ما اختارت ،
ما لقيت الناس / تشكي لك جفا دنياها


لا تضايق / لو تمنيت أمنيه ما صارت ،
" الله .. يأجل .. أمانينا .. ولا ينساها

،،،،

لا تكبّر الهقوة تـرى الناس تخذلك
وخل الثقه بحدود واحسن نواياك
.
واحرص على فعلٍ جميلٍ ٠يجمّلك
وخلك كريم أخلاق والطيب مبداك

....



لا توقف الدنيا على كل تفصيل
لولا الأمـل ما يبـذر الزرع فـلّاح


ما للفرح كيمياء ، تحتاج تحليل
عيش الحياة ولا تدقق وترتاح

...

عبدالله الصقري ,رحيل ,هزاع العاصمي معجبون بهذا

يامال العافية جميعاً كثير أسعدني المرور كلكم عسل لقيت ابيات ابوعبيد من أيام
راد على وحبيت ارد عليه ومشاركة للاستأناس بها
‏

يامرحبا وهلين والبال مشروح=يمسطر القيفان روحي احتوتها
القاف من شرواك في داخل الروح=وكل المشاعر في الخفوق اشعلتها
وقمت أتمثل بين جارح ومجروح= اكتب من الإشعار لو ما قرتها
ذكرى تمر بخافي ساع وتروح =من حرها دمع العيون اذرفتها
مالك سوى ياغير ماكتب باللوح=نمشي مع الأقدار حسب شهوتها

وسلامة الجميع
وأبشر ابو عبيد تزين وجي
التنسيق على احد الأميرات برواسي

عبدالله الصقري ,ناصر الهواوي ,الجووهره معجبون بهذا

يسعد مسآكم
وياهلا بك هزآع
عودا حميدا
وصح لسآنك ع المجآرآة الرآئعه
وبانتظار المزيد من ابدآعك

وأنا والله مآلي في التنسيق
ان شاء يجون الأميرآت ويتم التنسيق

عبدالله الصقري ,رحيل ,ناصر الهواوي معجبون بهذا

لو الناقد البارح مشاركني المشوار=اعذر بالدروس وقال ابا القابله روحه
تيامنت انا البارح بجيبي مع الدوار=يقز الطريق الفكر ما يلزمه لوحه
وللحديث تتمه
اهلا يابو محمد وصح الله لسانك ولاهنت
اهلا يارحيل وصح لسان..ك
ارحبي يالجوهره وصح نقلك حاولي تكتبين لو بيتين ههههههههههه

عبدالله الصقري ,رحيل ,الجووهره معجبون بهذا

صح لسآنك شآعرنا
البقااا طال عمرك
والله حاولت وأزريت على قولتكم العتبان
وكذّبت المقوله.
من عآشر القوم أربعين يوم صار منهم
هههههههههههههه

عبدالله الصقري ,رحيل معجبون بهذا

ههههههههههههههههههههههههههههه
ازريت وازرا ومزري هذي ماهيب للعتبان هذي فصحى
هلابك يالجوهره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ

بلاش كثر الحكي ياهجس سقها=مادام ما ودا كلامك ولاجاب
ونة معاليقي تجي من اعمقها=لو سمعها من لا اشتقا قال كذاب
وضلوعي اللي كن رمح اخترقها=منها لها صره كما صرة الباب
من اغفايةٍ بالكاد جفني سرقها=افز فزة من وطا بالقدم داب
دوحة غلا حتت بلحظه ورقها=لاواعنا اصبع من زرعها من الناب

عبدالله الصقري ,رحيل ,الجووهره و 1 آخرون معجبون بهذا

هزاع العاصمي